خفايا ضابط

بارت ٣٣

خفايا ضابط

بارت٣٣

بقلم كهرمانه
🍃🍃🍃🍃🍃🍃

رهف:-تغديت وكملت تنضيف أخذت ملابس ودخلت للحمام اسبح ..خلصت سبح بدلت وطلعت لگيته گاعدلي بالصاله  طنشت ودخلت للغرفه أمشط ..سمعته يصيحلي

شهم:-رههف تعاااي

رهف:-دامشط ما أجي

شهم:-تعاي اخر مره اكولها

رهف"رحتله خفت يجي يكتلني":-نعمم شرااييددد

شهم:-ترى ساكت على تجاوزج وما أجيت وحاسبتج

رهف:-شهم أنت هاملني منتبه على تصرفاتك ويايه بعد التعب التعبته وياك حتى توصل لابن اختك وعرضت حياتي للخطر علمودك من رحت وتعاونت وياك حتى مافكرت اذا اخويه لزمني وعرف اني راح اوديهم ورى الشمس جان شنو سوه أكيد يموتني بدون ميرفله جفن بعد هذا كله أنت معتبرني وحده كحـ وماعدها شرف وتأكدت أني محد طاخني قبلك ‎..شوف إذا اني مثگله عليك كول ليش أبقى هم وعله على گلبك وتفكيرك أمنلي سفره للخارج وبعد حتى أسمي متسمعه وعد ..

شهم:-أنتي شتحجين

رهف:-هذا اللي لازم احجي من زمان أني حبيتك ‎من طرف واحد بــس الحب مو كلشي بهاي الحياة ومن گد ما أحبك هسه ‎مــآريد اشوفك ضايج ومتكتر بسببي أني كلش مستگثره روحي عليك

شهم:-حجيج كله مو صحيح حتى لو ما احبج مستحيل اخليج ترحين ..أني من امتلك شي بعد ماعوفه وانتي صرتي من ضمن ممتلكاتي

رهف:-الله عليك تحبني

شهم:-لا

رهف:-ليش؟

شهم:-أني گلتلج وارجع أكولج زواجي من عندج ونسه فقط أذا انتي تحبيني فـ مشكلتج مو مشكلتي بالنسبه إلي اي شي تجاهج ماكو

رهف:-لشوكت

شهم:-لحد ما أمل من عندج واخليج تسافرين

رهف:-وإذا مامليت

شهم:-تبقين بهاي الشقه

رهف:-ليش اجيت

شهم:-أجيت اكلج راح اخطب

رهف:-قصدك اجيت حتى تضوجني وتقهرني

شهم:-هههههههههه

رهف:-الخباثه تمشي بدمك والله شوكت تخطب عاد حلوه غبره التاخذها

شهم:-‎بــس ارجع من عندج أروح للوالده وأقترح عليها موضوع الخطوبه

رهف:-هاا عبالي تتزوج عن حب

شهم:-لا ماكو شي اسمه حب

رهف:-ياريت لو ماكو شي اسمه حب ..المهم الله يسعدك انشاءالله ويه مرتك الشريفه الحتتزوجها ..حتبقى تجيني ورى الزواج

شهم:-ما ادري يجوز انسه وجود وحده مثلج بحياتي وبعد الله يعلم تبقين مرتي اول وتالي اجيج كل اسبوعين إذا كدرت