خفايا ضابط

بارت ٣٠

خفايا ضابط

بارت٣٠

بقلم كهرمانه
🍃🍃🍃🍃🍃🍃

﮼                    لَعلي ألتقيكَ..        
      وأستنشق هَواء يُخالطه عَطرك       
      أحتضْن يديّك و أسّتشعر الدفء
       بِهما وأُعَانقكَ، أُعانقكَ بَشدة..          
  حتى تبرأ جِراحيّ و تَضمد كُل آلامي !

.....

ڤيان:-طلع من المستشفى صارله يومين واليوم جدو مسوي عزيمه بمناسبة سلامته وعزم كل معارفه ..السؤال اللي يدور ببالي اذا صدك هو جان خايف عليه وطلكني  ليش من خلصو من العصابه وصار زين لاخابر ولا سأل واني ماكدر احجي وياه لو اخذ رقمه اخاف يفشلني ويصدني شلت بخاطري عليه ..العزيمه عشه اني شربت منوم ويه الأذان ونمت حتى مادريت شصار ماصار وصيت ترف متكعدني وحدي اكعد مكالت شي ..

.
ترف:-سوينا عزيمه علمود وسام طلعته بالسلامه جدو سواها بيناتنا خوالي واصدقائه كم واحد وابو وسام واخو ووسام .. جبنا اكل من برا للعزيمه ‎بــس هم يحتاج تحضيرات بالبيت ..ڤيان كالت لتكعديني اني راح انام اضوج من جو العزايم والهوسه .. غسلت الفواكه وسويت زلاطه اني وبيبي ومرت عمي هاشم كملت ورحت كعدت بغرفة بيبي ويه البنات رفل صاحتلها أمها وراحت

.
طلعت من عرفة جدتها تمشي للمطبخ بدون حجاب مملتزمه بالحجاب ميه بالميه يعني كدام ولد عمامها عادي تمشي مفرعه 

رفل:-ها ماما

أم يزن:-صعدي فوك جيبي مواعين صغار كلش من المخزن

رفل:-مابيه حيل

أم يزن "مدت ايدها عالشحاطه":-تصعدين لا اكوم

رفل:-رايحه رااااايحه "صعدت الدرج وداتمشى للمخزن حسيت ضفيرتي نجرت رجعت خطوتين ليورى وفات من عندي  انمارن"

رفل:-ليش جريتني من ضفيرت

أنمار :-اتشاقه وياج

رفل:-"خزرته ومشيت ردت ادخل للمخزن شفته دخل لغرفة رسلان دخلت للمخزن فتريت المخزن نسيت شريد طلعت من المخزن واني نسيت على شنو دزوني خفت من امي تكوم تحجي عليه شفت مواعين بلم ستيل شلتهن بيهن ١٢واحد شلتهن ونزلت جوه دخلت للمطبخ امي شافتني وگامت تصيح

أم يزن:-ولجججج انيي عليمن دزيتج

رفل:-على المواعين

أم يزن:-كلتلج مواعين صغاار جايبه اكبر شيي وستيييل

رفل:-يااا ماما والله نسيت على شنو دزيتيني هسه رايحه اجيبهن

أم يزن:-يله بسرعه بيش تفكرين شعندج تنسين

رفل :-أي أي "صعدت للمخزن رجعت الكبار ودورت عالصغار لكيتهن ‎بــس مرفوعات طلعت من المخزن ردت اروح لغرفة ڤيان اجيب كرسي حتى اصعد عليه والوح المواعين لا امي تضل تهلهل شفت انمار يريد ينزل طالع من غرفة رسلان صحتله "أ أنمار من رخصتك شويه"