خفايا ضابط

بارت ٢جزء٣

خفايا ضابط

بارت ٢ جزء٣

بقلم كهرمانه
________
ڤيان:-رجع وسام بثمانيه الصبح سألته بلهفه

-خوفتني شــكوو وماعندي تليفون اتطمن عليك

وسام:-خالتي توفت

ڤيان:-ياااا سوده عليه البقيه بحياتك عمري هسه ابدل علمود اجي وياك

وسام:-لـاا لتجين توفت بكورونا حتى فاتحه ماراح نسوي

ڤيان:-يبووو لعد شـلوون

وسام:-اني رايح للدفنه خابري اهلج يجون ياخذونج وديري بالج عالجهال

ڤيان:-تَـمام "سبح وبدل وطلع واني نضفت البيت وطلعت ملابسي السود صارت ب١١ خابرت يزن علمود من يخلص شغل يجيني ...
.
.
إرجوان:-مر أسبوع ورجعت للدكتوره رحنا اني وأمي رغم تعبها وأصرت هي الي تاخذني للدكتوره وتتطمن على صحتي

وصلنا يحيى وگال راح ابقى منتضركم بره كعدت اني اول وحده لان اجيت من وكت حتى قبل لاتجي الدكتوره لكينا ‎بــس السكرتيره وكلتلها عندي نزف تعاطفت ويايه كلش

إجت الدكتوره ودخلنالها شافتني ارتسمت على وجهها إبتسامة طمأنينه وكأنها شايفه الخوف بعيوني تمددت عالسديه تقدمت يمي بكرسيها وخلت السونار على بطني وبدأت تحرك الجهاز ببطئ

صغرت عيونها بتركيز لشاشة السونار وگانها تبحث على شي هزت راسها بأسى وزمت شفايفها حچت بصوت شبه همس " ماكو شي "

-ها دكتوره بشري

الدكتوره:-الطفل نازل الله يعوضج بالذريه الصالحه ‎بــس باقي منه الرحم مامتنضف راح انطيج أدويه تنضف الرحم حتى لتصيرلج مشاكل بالحمل الثاني ان شاء الله

إرجوان"بدموع":-حتى مالحگت افرح بيه شبسرعه راح مني

أم غيث:-المهم سلامتج يمه چا شتگولين عـ اللي ربت وتعبت وشافته يكبر كدام عينها وراح منها بلمح البصر

إرجوان:-الحمدلله

الدكتوره:-هذا العلاج تستمرين عليه عشرة ايام ينضف الرحم من تاخذينه حيزيد عليج النزف ومن ينگطع عليج تجيتي اسوي سونار اشوف الرحم متنضف او لـاا

إرجوان:-تَـمام مشكوره دكتوره

الدكتوره:-الشكر لله

إرجوان:-"طلعت ويه امها كالعاده كالتلها انتضري اني اجيب العلاج وافتهم من الصيدلانيه واجيج انتضري هنا ، شافته كاعد والحيره مبينه على عيونه ، شـلوون تروح تگله طفلهم راح ماكدرت تحافظ على اغله شي بالنسبه الهم