خفايا ضابط

بارت٩

بارت شويه قصير ماكدرت انام اذا ما انشره الكم اعوضكم بالبارت الوراه
——————————————-
خفايا ضابط

بارت٩

بقلم كهرمانه

🍃🍃🍃🍃🍃🍃🍃
من طلعت مرت عمي فتحت البدله ونزعتها فتحت الكنتور طلعتلي ثوب عادي قصير لونه بيجي وعليه نقاط سود لبسته وكعدت كبال الميز أفتح التسريحه ممخليه هواي ماشات والتسريحه جانت على شعر مفتوح ‎بــس بيها كم فيكه بسيطه شلت الماش واخذت المشط مشطت شعري دخلت للحمام شلت الرموش لزكتهن بالحايط وغسلت وجهي طلعت من الحمام واخذت مرطب رطبت وجهي .باوعت للساعه بالسبعه ونص  . اقتر بالغرفه مرتبكه ماعرف شسوي وشتصرف كلشي ماعرف . نفتح باب الغرفه رفعت عيوني للباب شفته دخل وسد الباب مشى ناحيتي وكعد بصفي طلق ضحكه حرگت اعصابي حررگ

فيان:-على شنو تضحك

وسام:-على حالتج الكسيفه

فيان:-تلومنييي من اكرهككك

وسام :-فوك ملازم تشكريني سترت عليج

فيان:-ادري بيك كلش زين اخذتني حتى تذلني

وسام:- شلون متفكرينها فكري المهم أريد أتأكد من شي

فيان :-شنو

وسام:-انتي بنيه لو لا

فيان:-تشكك بشرررفيييي

وسام:-‎هــآي اذا عندج شرفف ؟السويتيه أكو وحده شريفه تسوي

فيان:-اخر شي تفكر بيه هو هذا الموضوع

وسام:-فيان مخليج براسي ترى ادمرج والله

فيان:-يللله موتنيي وخلصنيييي اني ماحبكك ولا راح احبك

وسام:-ولا اني احبج ‎بــس اخذتج حتى اكسر خشمج العالي

فيان :-رفع أيده ودفنها بشعري نزعجت من هذا الشي باوعلي بنفس النضره الما أفهمها دائماً دفعني عالجربايه وهجم عليه مسويت أي حركه خلي يتأكد بنفسه أنو اني شريفه اجتاحني البرود ومابديت أي ردة فعل حسيت بوجع مو طبيعي من شاف الدم ابتعد. ليش الدموع متحجره بعيني واني بكل هذا الحزن لفيت جسمي بالغطا واباوع للفراغ تفكيري توقف حسيت عليه طلع من الحمام كمل تبديل وطلع .كمت شفت الفراش كله دم  وكتها نزلت دموعي كعدت بالكاع وبجيت . حاولت أوكف على طولي واجاني وجعع ماكدرت أمشي شلون بيه وين انطي وجهي حتى أهله ماعرفهم..

ماتمنيت يصير هذا الشي وبهاي الطريقه احلامي البنيتها ويه الشخص الأحبها أجه وسام ابن الكلب وهدمها من انعل ابو لا بو الساعه العرفته بيها .

تعصبت ومابيدي شي اسوي شلون افرغ عصبيتي حتى ماكو يمي شخص اتعارك وياه دخلت للحمام سبحت والدم بعده ينزل ليش مرت عمي مو كالت كم قطره ‎بــس اشو ديزيد لبست تراك فضفاض مشيت على كيف وشلت فراش الجربايه شمرته بالكاع دورت خانات الكنتور على نزلات للجربايه ماندل كلشي مو اني الرتبت غراضي لكيتهن اخيرا اخذت وحده وفرشتها والبيها دم ذبيتها بسلة الزباله شويه وندكت الباب مشيت بثكل للباب فتحته ولكيت نفسها البنيه الصعدتني قبل كم ساعه جايبتلي أكل نطتني ياه وراحت بلا ماتحجي شنو خرسه .أكلت شويه وشربت مي خليته على صفحه وتمددت عالجربايه واحس راسي يريد ينفجر غمضت عيوني  لحد ماغفيت ..
.
.
وسام:-طلعت من البيت واني خنكة الدنيا كلها نجمعت بيه اسوق بسيارتي مادري وين رايح اخذت تليفوني ودكيت على فهد