خفايا ضابط

بارت ٢٩

خفايا ضابط

بارت٢٩

بقلم كهرمانه

🍃🍃🍃🍃🍃🍃🍃

‏رأيتُ بحلميَ أنّا التقينا مُصادفةً حُلوةً في الزّحامْ حديثٌ قصيرٌ جرى بينن سؤالٌ عنِ الحالِ ثمّ سلامْ وأمّا العيونُ فَـ قالت كثيراً وأزْهرَ قلبــــي لوقعِ الكلامْ فَـ ليت اللقـــاء يكونُ يقينا وليت الفراق حديثُ منـامْ..

.
.

رسلان:-أجه أخو وسام منفعل ويصيح

نزار:-شلووون صار بيه هيج ومنو السبب .خلي يصير بيه شي المستشفى اكلبها

رسلان:-لتضل تصيح لايجونك الأمن يطردونك ..مو ‎بــس هو اللي نصاب اكو ثنين غيره صارت مواجهه وتصوبو

نزار:-وحالته هسه شلونها

رسلان:-بعده حالته خطره

نزار:-وين الدكتور اله اخنكه

رسلان:-تكعد وتسكت لا اني اطلعك چلاليق منا "سهيل كعد وحالته كلش تمام .. مرت الأربعه وعشرين ساعه بدون مايصير عنده نزيف داخلي أجه الدكتور فحصه وطلع كلتله اريد اشوفه وافق ‎بــس اشوفه من ورى جامه ميصير ادخل للغرفه وافقت دخلت للصاله گبال غرفته وگفت أكو جامه جبيره  .. متمدد على السيديه والأجهزه مربوطه بكل مكان بجسمه ايده صدره حلكه بيه صوندات .. أنعاش رئوي للتنفس فتحت تليفوني أخذتله صوره  ورجعت سديته .. متلوگله ‎هــآي النومه أبد طلعت بخيبتي متمني يتحسن حاله وجوه الأطباء متبشر بخير طلعت من العنايه ورحت لغرفة شهم لكيته نايم ومشكليله مغذي مماكل شي ولا يقبل ياكل عفت شهم نايم وطلعت فتت لسهيل لگيته كاعد ويحاول يكوم

رسلان:-شعندك وين تريد تروح

سهيل وبالگوه يحجي:-اريد    اشوف   وسام وينه

رسلان:-متكدر تشوفه بالعنايه

سهيل:-شلون. صارر. 

رسلان:-بعده على نفس الحاله ‎بــس النزيف إنكطع ارجع أكعد مابينه حيل تتأزم حالتك

سهيل:-مابيه شيي.

رسلان:-شنو مابيك شي بالكوه تحجي درجع اركع اتمدد لا اصيحلك الدكتور

سهيل:-رجعت ‎بــس الله عليك شيصير كلي

رسلان:-ان شاء الله "طلعت من غرفة سهيل لكيت ابوي وعمامي جايين وياهم انمار وغيث سألوني عن حالة وسام  وراحو لشهم يشوفونه كعدت عالكرسي مخلي راسي بين ايديه دگ تليفوني باوعت عالمتصل ترف رديت عليها ..

ترف:-هلو حبيبي شلونك خالي وسام شلونهم

رسلان:-الحمدلله

ترف:-وسام ماكعد؟

رسلان:-لابعدها حالته خطره

ترف:-صوتكً تعبان حبيبي سوده عليه الله يرفع عنهم كل شر ويرجعولنا سالمين ..