خفايا ضابط

بارت١ ج٣

خفايا ضابط

بارت ١ج٣

بقلم كهرمانه
_______
تفاعلكم بالبدايه تصويت اتفاعلو وعلقو عالفقرات تقديراً لتعبي....

رهف :-چنت احضر صينيه مال حــِلوو للبنات لان جايات يمي اليوم وديتها للصاله ‎بــس الجهال ولا واحد خفت لـاا عراق فاتحلهم باب الشارع ومطلعهم مالهم صووت سألت البنات كالن بالحديقه يلعبون مارتاحيت رحت وراهم للحديقه مالكيت واحد فتريت ورى البيت ولكيتهم واكفين سره وسيف كاعد ماد ايده وبالسره واحد وره اللاخ يبوس ايد سيف ويخليها على راسه حتى ابني الصغير وياهم هستوه يمشي
مشيتلهم بسرعه وحاچيت سيف

-عود شِــنوو هالذله الله عليك تعلم الجهال هــيچ

سيف:-المفروض انتي هم تبوسين ايدي وتخليها على راسج انتن كاعدات بالبيت والجهال بباب الشارع واكفين حتى هذا ابو صماخ كاعد بالباب مابيه يمشي والسيارات رايحه جايه

رهف:-شِــنوو قافلين الباب

سيف "يأشر على عراق ووسام":-واحد من ذوله الوكحين متسلق الباب وفاتحينه

رهف:-لــيش مخليهم يبوسون ايدك

سيف:-علمود ماضربهم

رهف:-الحمدلله والشكر تعالو طبو جوه دنيا حاره

سيف:-لـاا والله متيهنهم بالشارع وهسه تخاف عليهم من الحر

رهف:-ترى اني ماخاف على وسام لان يبقى واكف بالباب دائماً ميروح بعيد يبقى بالباب يباوع عالرايح والحاي ومرات اطلعله كرسي يكعد ‎بــس اخاف عالبقيه

سيف:-خطيه والله گلب والده شو دوخري خلي اشوف الحجيه

رهف:-تفضل "جمعت ولدي وجهال البنات وابن ترف وبنت رفل دخلتهم للبيت وكعدتهم نطيتهم حلويات وكعدو ياكلون ، امي مريضه ومالها خلك ‎بــس تستفرغ ماعرف شبيها اخذناها للدكتور ومافادها حتى وجهها اصفر وچملها اجه سيف بقى كاعد يم راسها "

سيف:-حجيه والله مابيج شي

ام قاسم:-لـاا اني راح اموت ربعي كلهم موتو بقيت ‎بــس اني

سيف:-لـاا وداعتج العار ميموت

ام قاسم:-خلف الله عليك چا اني عار شو اطوني الشحاطه

سيف:-بيج حيل تضربيني ،أَگــلچ حجيه ‎بــآعي انتي بيج خوفه من الموت منو يموت تنقهرين وتتخربطين خاف انتي تموتين وراه ، كلمن ويومه يجوز رفل تموت قبلج