خفايا ضابط
بارت٤٥
بقلم كهرمانه
🍃🍃🍃🍃🍃🍃
رفل:-ثاني يوم بالليل أمي فاتحت بابا گدامي بموضوع الولد المتقدملي
أم يزن:-گلت لعمي لا على موضوع الخطابه
أبو يزن:-اي كلتله وگال انطي خبر لخوانك بلكي واحد يريدها لابنه
أم يزن:-يمعود لو يردون جان اخذوها من زمان ليش يرفض الغريب دطيني كلمه خلي اكول للمره تجي تشوفها
أبو يزن:- بعد الصار باختي نوره كره االغريب ويفضل الگرايب شوفة عينج عيالها شلون طلعو ناس همزين رجلها جان يصبر عليها ،هسه انتي ليش مستعجله على نصيبها شو تخبل مثل الگمر نادره وماناقصها شي خليها عدنا الف واحد يجيها
أم يزن:-شوفها شكبرها صارت جنها هايشه
رفل:-بابا اني هايشه شوف عضامي مرتك تتجاوز
أبو يزن:-كلمن يشوف الناس مثله حبيبتي
أم يزن:-ااه هيج صرت تعيب عليه
أبو يزن:-منــوو المعيب عليج غير انتي الگمر بيوم كماله
رفل:-"ضحكت عليهم شلون واحد يشد واحد يرخي ،أجه إتصال على بابا فتح خط واسمعه يكول تدلل ومن عيوني شوكت ماتجون اهلاً وسهلاً البنيه بتكم تلاشت ضحكتي من سمعت بابا كمل حجيه ويه عمي بــس ماعرفت منــوو من عمامي بعدين من سمعته يسلم على ترف ويضحك وياها جمدت ،كل حواسي وگفت بلعت ريگي بصعوبه سد التليفون وامي حاجته بلهفه وفضول
أم يزن:-ها شنو جان يريد منك شو اهلاً وسهلا
أبو يزن:-هذا قاسم اخوي يريد رفل لابنه
أم يزن:-صدككك منــوو منهم
أبو يزن:-لأنمار
رفل"حچيت بتهور وماحسبت حساب أني راح ألوص الدنيا ":-لتقررون بكيفكم ماريده وماتزوجه انمار مستحيل اقبل بيه اني اريد هذا المتقدملي
أبو يزن:-انتي شتحجين ولج هذا المتقدملج بــس لا صاحبج
رفل:-لا والله "فتحت رمز تليفوني بسرعه ونطيته اله"
-تليفوني هذا گدامك وشوف اذا بيه شي اني مــآريد اتزوج اصلاً بطلت كول لعمو البنيه غيرت رأيها
أبو يزن:-لا والله تتزوجين ابن عمج
رفل:-هيج راح تحكم عليه تعاستي طول عمري
أنت تقرأ
خفايا ضابط
عاطفيةتدور أحداث الرواية حول جريمة بشعة ترتكبها عصابه بحق دكتور تجميل رفض التعاون معهم جريمة غامضة يخوضها ضابط إستخبارات بالخفاء.
