الحلقة 3
{لِ ميار أحمد}💜...
لقيت عمامها وخوها قدام لباب قعدت نجامل فيهم وانا مش مركز كل شوي نبتسم ونشارك بكلمة وكأنه مش ليوم الا كنت نحلم بيه نخش نلبسها ذبلت وبداية مشوار حبنا لحلال تعوذت من الشيطان ووهمت روحى بأنى نتاخيل ومجرد وسوسة
اتصلت بالعيلة وروحنا ، قعمزت فالصالة لقيت مكالمات فائتة من خالد اكيد ع موضوع لخدمة سكرت لتيلفون وطبست ودرت ايديا ع راسي نبى نكبر فلوسى ونخدم الحمد لله على خدمتى ناكل ونشرب ومكتفى منها بس ح ندير عيلة جديدة وح يبدو عيلتين ما عندهمش غيرى ، ولمبلغ لمشروع خالد ما عنديش كله حتى لو عندى محلاتى مش ح نقدر نسكرهم يبو بضاعة ويبو مبلغ يقعد ثابت ليهم ، نوضتني امى من كل هالافكار وقعمزت جنبى
امى : مش هاذي نور الا تبيها وخديتها ليش ي وليدي شن الا مضايقك
محمد : لا يما مدوريش تعب شغل بس
امى : اما تعب عمره لتعب ما خلاك هكى انت طول عمرك فى لشغل وتحبه احكي لميمتك سلم ولدي متخلينيش محروقة
محمد حكيتلها
امى : اي فكرة حلو ليش لا
محمد : مش قتلك يما حكاية لمبلغ كامل معنديش
امى : وانا وين ي يما انت معندكش انا نعطيك مش مسامحاتك ي ولدي متاخدهمش منى طول عمرك تخدم وشاقي علينا من انت صغير خديت مكان بوك الله يرحمه
محمد : من وينلك يما بس بعدين ليش هكى نندم انه قتلك ليش مش مسامحاتك
امى : لانه نفرح لما نشوفك مرتاح به باش تتريح لما تخدم وتفتح هالشغل ردلي فلوسي ، ومن وينلى عندى شوية ذهب ح نصرفلك لمبلغ الا تبيه منه
محمد تنهدت : بس ذهبك ذكرت بوى يما
امى : بوك ذكراه فى القلب ي ولدي مش بالذهب او شي ثانى ، بعدين لو كان عايش كان ح يشجعك وح يفرح لفرحتك ، كلمته عمرها ما اطيح في لوطا من لما جيت ع لدنيا وهوا يقولى تربايتي فيه عمره ما ح تخيب وهوا الا ح يهنينى
، قربت منها وحضنتها
ثانى يوم نضت على صوت امى هالمرة تيلفونى طافى شحن نور اكيد انشغلت ، فطرت مع امى ، وكلمت خالد تفاهمنا على لمكان الا بنتلاقو فيه ، مشيت صرفت لمبلغ ومشيت لخالد تفاهما كيف بنبدو
فاتوو ايام واسابيع مشفتش فيهم الا كل شي حلو كان من اجمل ايام حياتي اسمي على اسم خطيبتي الا قريب بتكون حلالي خدمتى الا كل يوم تكبر وتنجح ، يومي كله فايت فالشغل بين محلات قبل وشغلى انا وخالد الا نجح في فترة قصيرة ، نروح هالك للحوش اخر الليل يادوب نكلم نور ويأخي يأخدني النوم وسط دوشة هدرزتها ، مكالماتنا نقصت تنوضني لصبح ومسجات فالنهار ما يتعدوش لثلاثة مسجات نطمنو على بعض ، ومكالمة اخر الليل الا نرقد في وسطها بس مع هاذا كنا فرحانين وتعبنا كله يهون بمجرد ما ح نكون جنب بعض وحلال بعض ، عرسنا حددناه مزال عليه اسبوعين ثانيات، التعب واكلنا احنا الاثنين وكان احلا تعب ممكن نعيشوه.
ميار : دورگ نور
نور طول لفترة لفاتت وانا حايسة بين تجهيزات لعرس وتجهيزات نفسى اول عرس في حوشنا ومنغير بوى مش عارفين نديرو شي بس احلا تعب تعبته كل شي ندير فيه بحب لتعب كله يمشي مدام نهايته حضن محمد ماما الا مكانش عندي غيرها كانتلي الاب والام كل شي ع راسها لطلعات لتجهيزات من اكبر شي لأاصغر شي ، بس مع كل هالفرحة كنت متوترة فوزى ولد عمى روح كان كل ما يشوفنى نشبح في نظرة اخي منه حاول يفتحلى لموضوع وقالى افسخي ولعرس يقعد في وقته وانا مستعد ، كنت مستغربة سنين مسافر ومسكر راسه عليا على الرغم من اصرار يوه شن الا تغير لما روح.
طالعة مع بنت نجلاء خالتي عشان لفيلو الا هبلتهم عليه مفي شي عجبني ، ماما حلفت معاش بتطلع معاش عشان لفيلو لمنطقة كلها درتها مفي شي لفت نظري وحسيته يليق بى ليلة زي هاذي مع محمد ، نزلنا وقعدت اندور فالمحل تلفتت ملقيتش نجلاء قعدت انادي طلعلي محمد
شن جابك انت كيف عرفتني اهنى
محمد : نجلاء قالتلي هبلتيهم ولعرس مزال عليه اسبوع انا نختاره لفيلو
نور : هههه كنت متمنية انت تختارة وتكون معاي في كل شي وتختارهولي ع ذوقك
محمد : وانا واثق من ذوقك وكل شي تاخديه انتِ فعيوني عسل ، هانت ان شاء الله نتجوزو وكل شي يكون اختياره مشترك بينا
نور ابتسمت ، شد ع ايدي وقعدنا نمشو مع بعض كل واحد يوقف عليه يقول هاذا يهبل عليك حتى لو كان شين انا نهز راسي معجبنيش ، رةبنا لدور لثاني وصادفني فيلو يهبل كأنه هاذا الا كنت راسماته في خيالي ، هاذا الا نبيه ، قعدت نشبحله وبس ، محمد قالي هاذا عجبك؟؟ ، هزيت راسي وقتله اي ، خديته وجتنى نجلاء وخشيت لغرفة لقياس قسته ولخيط مقدرتش نسكره ناديت نجلاء سكرتهولي وطلعت قعدت نشبح لروحى فالمرايا وتخيلت يوم عرسي قداش ح نكون فرحانه وانا لابساته كيف بتكون فرحة محمد وهوا شايفني فيه مركزتش نجلاء خلت لباب مفتوح شوي خشلي محمد
نور : هىىىئ ،قعدت نحاول نغطي روحي، محمد اطلع شن ادير اهنىىى عيب
محمد قعدت نحك في لحيتي لنقنها تهبل: كله سبوع وبتبدي مرتي بنعطي رائي
نور : اطلع ي بارد
محمد : اششش تهبلي ملائكة انا شن درت عشان ربي يجازيني بى ملاك زيك يي انا نستنا في يوم لعرس بالدقيقة
نور : وانا والله
محمد شد ايدي باسها وشبحلي وابتسم قالى انحبك وطلع ، غيرت وطلعت حجزت فيه وخديت مستلزماته عزمنا محمد على الغدى ومقلناش لا تغدينا وروحنا.
سبوع لعرس تحديدا يوم الثلاثاء كنت لابسة البودري ومروحة من الحمام ، خلاتي عماتي وصحاباتي ، فرحتهم بيا نشوف فيها فى عيونهم كل شي كيف ما تمنيت ضحكاتهم وغنائهم الا معبى لحوش كل شوي وحدة تنوض ترقص وتنوضني معاها ، ماما الا نحمد ربي تلف مرة عليها ماشية جاية تسال بلكى ناقصة حاجة ي عويلة ، تعول بكل حب بفرحة وابتسامة معبية وجها ناضو بيحطو لغدي الا كان رشدة گالعا عند الليبين ، الفاتحة مفروض امس انقرت بس محمد قال لا نبي نحضنك اول حضن حلال وانتِ لابسة الردي ي عزوزتي 😂،
بيقروها ليوم لعصر ، ناضو كلهم من جنبي ، حسيت روحى متورترة ونرعش نحس في دموعى بينزلو نعرفش خيرني قلبى ينخص فيا ، حطيت ع رقم محمد وكلمته مردش من الاول بعدين رد،
وانا نبكي : محمد فيك شي انت بخير
محمد : بخير ي عيوني بخير خيرك حبيبي مضايقك حد تبكى صح
نور : خفت حسيت كانه صايرلك شي خايفة محمد وراسك خايفة قلبى قابضني ليوم اكثر من اي يوم
محمد : اهدي بس من يوم انخطبنا وانتِ تقولى فهالكلام اهو عرسنا وسومين وتكونى فحوشي بأذن الله شن الا يخوف
نور : نعرفش بس محمد خليك جنبي دير بالك تفكر تسيبني فيوم انا منقدرش ع فراقك انت بذات
محمد : شن هالكلام عارفتيني منحباش شن الا بيفرقنا بس انتِ توا توضي واقري قرآن وانا قريب من حوشكم نبيك تطلعيلي توا من باب لمطبخ
نور : شن تقول لحوش زحمة
محمد : متجيش نخليك تبكى ونسيبك نمسحك دموعك بس
نور : هههه حاضر ح نشوف
لـِ مـيـار أحمد 💜....
يتبع...
