الحـلقـة 9
{لـِ ميـار أحمـد}💜...
- گان بعدى عليك يهد فيا ، فالوقت الا انتَ تحسابني ناسية.
-نتألم ، مش بكثر السنين اللي عشناها مع بعض ! بكثر الحب الصادق اللي عطيته
وصلت لقيت صاحب خالد يستنا فيا خداني لشقته ساكن بروحع جاي بغرض لخدمة حتى هوا ، عطاني تيلفون وشفرة ، خلاني نرتاح وانظم اموري وغدوة نبدو فالخدمة ، لعيلة خليت معاهم هناء وراجلها ، دوشت ورتبت حوايجي وخدتني نومةةة اهل الكهف .
- يا الله لِتحدُث مُعجزة ، لِتعود حياتنا كما كانت ..
نور معرفتش ندير شي غير نقعمز بين دوامة من الافكار ، بين قلب يبي محمد ولقدر الا جابي لفوزى ، نبي حد يكون حنبي وينصحني مفيش حد قريب ليا غير ملاك ومنقدرش نحكيلها مهما كان خوها محمد ، كلمت نجلاء وقتلها تجيني .
دقايق وكانت عندي فتحت حضنتها على طول
نجلاء : بس حبيبتي نور عشاني خشي به عيلة شيابينك يسمعوك
خشينا قعمزت حكيتلها كل الا في خاطري نجلاء كان عقلها كبير وتعرف تتصرف م1990 ،
نجلاء : يا الله من قال يصير فيكم هكي ، بس انتِ تتوقعي محمد ح ياخدك لو اطلقتي ، فوزى واضح يحبك رغم كل الا داره جربي تعطيه فرصة
نور : منقدرش نجلاء افهميني منقدرش نحب انا غير محمد
نجلاء : تبي تطلقي يعني
نور : اي
نجلاء : بس محمد سكر عليك يوم فاتحتك سكر شفرته ومعاش عرفتي توصليله تفكري ح ياخدك وانتِ مطلقة
نور : ياخدني او لا انا مش مرتاحة مع غيره
نجلاء : ربي يقربلك كل خير
( قربت مني وحضنتني)
نور : استاحشت لما حنينه ترقدنا ع رجلها وتمسح على شعرنا
نجلاء : ربي يرحمها ارقدي نمسحلك انا
رقدت على رجلها ومحسيتش على روحي رقدت ،
نجلاء : رقدت نضت دورت غطا غطيتها وطلعت ، بما انه حوش فوزى جنب حوش خالتي ام نور خطمت عليها ، طقيت فتحتلي خالتي وخشينا
خالتي : هاذا وين اذكرتي خالتك ي بنتي من لعرس ما شبحتكش
نجلاء : كنت عند نور خطمت عليك ، مافي حد مرتاح ي خالة يعلم بيا الله
خالتي : ربي يفرج علينا ي بنتي قاعدة مش مهنية روحها ناجية
نجلاء : لا تهني روحها ولا تهنيني
خالتي : نقولك ي بنتي حوشي حوشك بنيتي لثالتة نشم عليك في ريحة وخيتي نقولك ي بنتي اقعدي عندي
نجلاء :كيف نقعد عندك بس وبوي الا ميقدرش ينوض من مكانه من عنده غيري لما بنجي
خالتي : اهه مفيش انسان فها لدنيا متهني كلنا مهمومين بس كل واحد همه بـِ شكل
نجلاء : تعبانة ي خويلة تعبانة تعرفي يجي في خاطري نتجوز ونبني اسرة ونستقر ، نهون على غيري واني نبي من يهون عليا
خالتي : قداش عمرك ي بنتي 28 سيورك تتجوزي مش كل من تجوزت بكري متهنيةًوفرحانة نصيبك يجيك بأذن الله
نجلاء : مستاحشه امي نحس في حوشنا ظلام بلاها مستاحشه انوض على صوتها نلقا فطوري واتي نفطر معاها وتبعتني للمدرسة تدعيلي وتبوسني ونرقد وهيا تغنيلي انا محتاجاتها محتاجة حضنها { سعفت دموعي الا على طرف عيني ومسحتهم متعودتش يشوف دموعى مخلوق دموعى مينزلرش إلا على سجادتي }
خالتي عيونها دموع حضنتني : وانا وين مشيت ي بنتي مش انا امك الثانية من بعد المرحومة متزعلنيش وتحرقيلي قلبي عليك ربي يرحمها ادعيلها ي بنتي لعلها محتاجة دعائنا
استأذنت من خالتي ونضت ، مشيت لحوشنا قعمزت مع بوي وكلته وكليت معاه نحاول نسايره ونغيرله جوه ، ركبت مع تلقيح مرت بوي ناجية مرديتش معنديش حيل صليت ورقدت،
انا نجلاء م 1990 ، كنت في العدادي في يوم خش علينا بوي معاه مراة وولد في عمر الاربع سنوات قال لأمي هاذي مرتى وولدي امي متحملتش وجتها جلطة مع عدم المعاناة ومعاملة بوي ليها من بعد ما جاب مرته وولد معانا توفت وخلتني ، انحرمت من كل شي من يوم مشيتها مع معاملة مرت بوي ليا ، وبوي الا كان طول ليوم طالع ميروحش الا ساعة الليل يسال عليا تقوله راقدة حتى لو انا كنت مش راقدة ولو طلعتله حـ نتعاقب ومع هاذا كان ماشي بكلامها وقاسي عليا عكس ولدها ، في يوم كنا طالعين مع بعض درنا حادث وجي من جيهة خوي وبري خوي توفى وبوي جاه شلل في رجليه بس يقدر يتحرك شوي بالمساعدة والالات ، كل يوم قاعد عمري يزيد ونكبر بداية لهشرينات كانو يجوني هلبا خطاب بس مع معاملة ناجية ولكلام لعافن الا اطلع فيه عليا للاسف معاش حد طق باب حوشنا ، قارية معهد حاسوب هاذا الا خلوني نقراه ، ومن بعد الحادث بوي تحسن معاي وندم على ظلمه لأمي خشيت قريت كورس تقنية طبية وكورس لغة إنجليزية ، ولحمد لله ما لاقية غير خدمتي من لصبح نخدم للمغرب او لعشية معاش بوي تاخد فيه ناجية ونخدم عشاني وعشان بوي ،
معاش حسيت على روحي من وقت طلعت نجلاء ، نضت حسيت بدوخة ومش قادرة نوقف تكيت راسي علي لصالون من جديد وخداني النوم ، فتحت عيوني على صوت فوزى مكنتش عارفة شن يقول الا مذكرتها لبسني عبايتي ورفعني للمستشفي ةانت عندي بردة خدتلي ادوية وروح بيا نحالي عبايتي ورقدني على السرير قعد طول الليل ساهر معاي وكل شوي يغيرلي في الكمادة كل خمس دقائق يسالي هل انا بخير او نحس في شئ ،احيانا نشوف في حنية محمد عليا فيه ،
فوزي : نضت بنجيبلها دواها وامية شدت على ايدي وقتلي محمد خليك جنبي ما تمشيش ، كنت عارفها مهلوسة من الحرارة بس طيف محمد عمره ما رحـ يسيبها للحد الا خلاها تشوف محمد فيا ، نادم ونادم هلبا هالشهور وحـ نطلقها مش حـ نخليها طول لعمر متعذبة ، خديت الدواء وحطيت شوي فواكهة ومشيتلها
قعمزت نوكل فيها
نور فمها معبئ: احووو احوو خلاص معاش نبي
فوزى : لازم تاكلى عشان صحتك ، يي كان تشوفي شكلك بكري حرارتك وصلت 43 بديتي زي لطماطمة
نور : انا نحب الطماطم
فوزى : عارف تحبى الطكاطك والفراولة نذكر زمان لما كنتى صغيرة نحب اناشبك لما تاكلى الطماطك نقعد ناخد فيه منك وانتِ تبكي
نور : ههه وانا نكرهك من هداك الوقت عمرك ما خليتني في حالى
فوزى تجاهلت كلمة نكرهك مع انها خشت فقلبي زي الموس : اي ويجي عمي يلقاك تبكي يعيط عليا كان يحبك اكثر من غفران ومحمد
نور بدو دموعى ينزلو على سيرة بابا : استاحشته لوكان عايش عمره مايرضا يشوف دموعى
فوزى متحملتش دموعها قربت ومسحتهم : اشش ومش حـ يرضا يشوف مقعمزة تبكي عليه ( حضنتها ومابعدتنيش ولا دارت اي ردة فعل)
رقدنا مع بعض هالليلة على نفس السرير في نفس الدار
نور فتحت عيوني وانا نردد كيف درت هكِ ، طلعت بندوش ودموعى ينزلو ونردد في اسفة محمد
محـمد
نضت تاني يوم وكلمت امي عشان نسمع دعواتها الا تخليني نمشي للخدمة مرتاح ، مشيت مع حاتم الا كان ساكن معاي ووراني الخدمة والمحل والبضاعة قعدنا مع بعض طول ليوم ونضمنا المحل ، وهما مش مقصرين مركبين الديكور وقاعدة البضاعة بس ، المحل جاي في جيهه الله يبارك وشكلا فاتحة خير علينا
لـِ ميار أحمد
يتبع.....
يتبع....
