الـحـلـقـة 14
{لـِ مـيـار أحـمـد}💜...
ملاك مشيتلها نجرى ووراي محمد
ملاگ شديت وجها : نجلاء نجلاء شن في خيرك نجلاء شن صاير
نجلاء مش راضية تتكلم ومكتفية بالبكي ، فاتت ممرضة شديتها وسئلتها قتلى بوها توفى وهوا تحت جرعة الكيماوي
نجلاء : حوليييي بنشوفه ثاني هوا نايض انا عارفه خشت تجري وفتحت الباب ، لقيت فوقه غطا ابيض نحيته وانا نبكى وجها ابيض نقيم في ايده واطيح منى : بابا حبيبي بابا نوض مش انت حـ تعوضني على مكان ماما بابا من ليا غيرك انا به بابا انا من سندي بعدك بابا نوضضض انا محتاجتك انا ضعيفة وولااا حاجة بدونككك متحرقش قلبى عليك سادني فراق امىى هيا قولى نبصر قولى نبي شربتك الا نحبها ادلل عليا وغنيلي اغنية ماما الا نحبها (بعياط ) باباااااا نوضض
ملاك تلفتت وانا منهارة دموع مقدرتش نتحمل لموقف وطلعت من لغرفة لقيت ماما واقفة تشبحلها وتبكى
جت ممرضة كلمت محمد تحسابة قريب نجلاء عشان يوقع عـلى الاجراءات ،
وبيرفعو بوها لثلاجة الموتى
نجلاء بعياط : لالا ما ترفعوشي ، بابا بينوض مترفعوشي
رفعوه وقربت من محمد تشد فيه من تيشرته وتهز فيه : قوللهم ما يرفعوشي قوللهم بابا بيروح معاي محمد تكلم
محمد حطيت ايدي على كتفها : بس نجلاء بوك حـ يمشي لمكان احسن ان شاء الله
نجلاء من غير ما تحس حطت راسها على صدر محمد وتبكى
محمد قعدت مصدوم بس كنت عارف انها من غير قصد ومنهارة مدرتش اي ردت فعل غير شبحت لملاك وامى لقيتهم يبكو
تنهدت وبعدتها وشديتها من ايدها ، كنت عارف ظروفها حاكيتلى نور ما عندها حد في لدنيا وحاكيتلى على مرت بوها ، خديت من نجلاء مفتاح سيارتها وعطيته لملاك قتلها امشي وراي درسيها قدام حوشها ، ونجلاء تعيط مش راضية تروح ، ركبتها في لسيارة ومعاى امي وملاك بـ سيارة نجلاء ورانا ، حطيتها قدام حوشهم ونزلت امى وملاك معاها ،
لقيت امى ناسية تيلفونها خطرت عليا نكلم ام نور في النهاية خالتها الوحيدة واكيد حـ توقف عليها
محمد : السلام عليكم
ام نور : وعليكم السلام
محمد : كيف حالك يا عمتى
ام نور : الحمد لله ، تفضل يا ولدي تبي حاجة
محمد : لا بس بنقولك
ام نور : كان على نور الله يربحك يا وليدي خليها في حالها متهنية معا راجلها معاش رايداتك ، خلاص قصتك تمت انت وهيا
محمد : ما تستعجليش يا عمتى مش حـ نكسر فرحتها بنتك بس بو نجلاء عطاك عمره وحبيت نقولك لبنت معندهاش غيرك
ام نور : يناعليا من الا خبرك وين نجيوه يناعليا
محمد : هيا موجودة في حوشها
ام نور لوحت لهاتف وطلعت لسيارتها
محمد كلمت ملاك عشان يروحو قتلى امى حابه تقعد تواسيها ، روحت ودرست شبحت لشقتي الا من يوم حجروها وانا خايف نخشلها ، فتحت درج لسيارة وطلعت لمفتاح وركبتلها فتحت لباب وخشيت كل زاوية اخترناها مع بعض كل كوب تفصيل كان من اختيارها شبحت لصالون واذكرت
نـور : بنبعتلك صورته محمد عجبني
محمد : تمام ابعتي هي
نور بعتت : شفت محلاه
محمد : اي شوفي الكنبة هاذي نقعمزو عليها ايام لشتي مع بعض ونديرو لفيلم الا تحبيه ونتغطو بنفس لغطا ونتفرجو
نور ضحكت : ونديرلك لبيتزا بتعى الا تحبها
محمد : ونلبس لتيشرت الا تحبيه
نور : هههههه وانت بتغسل لماعين ره
