الـحـلقـة 17
{لـِ مـيـار أحـمـد }💜...
محمد : وانا شن دخلى فيها جابت ولا مجابتش
نجلاء : لا غير قلت نقولك بس
محمد وقف ومشي بتجاه الحمام ،
وقفت قدام المرايا وذكريات الماضي مش رايده توقف
نجلاء قمت تيلفوني واتصلت على نور مردتش ، طلعت لبسة ودرت مكياج خفيف للحـد الا ميبانش ولبست واستنيته
محمد طلع : على وين ان شاء الله
نجلاء : قلت خلى نطلعو ولا بنقعدو محبوسين فالفندق
محمد : ومن قال انا بنطلعك
نجلاء : اففف توا بندير روحي الزوجة الكيوت وبنقولك يلا حبيبي عشاني ولا شنو
محمد ضحكت : ههه وين تبي تطلعي
نجلاء : ايي مكان بس خاطري فالبحر
محمد قمت حاجبي وشبحتلها وتلفتت لدولاب هيا عارفه كويس انه البحر المكان الا ديما يجمع فيا مع نور
مشينا للبحر وتعمدت نشد ايدها وحسستها انه ولا ليا ذكريات معاه حسيت بيها تريحت نوعا ما
———————-
حياتنا فاتتت عادية عايشين كاننا صحاب بعيد على مسمى الحب تصرفاته كل شي فيه يدل انه ناسى نور وكانه بدي يتعلق فيا اليوم وبعد ثلاث شهور من جوازنا عيد ميلادي حبيت نحتفل بيه بطريقة مختلفة معاه عبيت الدار ورد وشموع وكيكتي الا مكتوب عليها نحبك اي ليوم بنعترفله بحبي فترة قصيرة خدي فيها قلبي كتمت هالحب بحجة خايفة يطلع ميحبنيش ومجرد تعلق ، كانه عطل نتصل بيه ميردش انشغلت اخيرا رد
نجلاء : اخيرا رديت وينك شغلتني
محمد : مروح حبيبي فالطريق
نجلاء : تمام في آمان الله
محمد : ونعمة باالله
فجاة سمعت صوت خبطة قوية ودوشة وناس
نجلاء : الو ، ايوا محمد رد عليا وينك
صوت راجل : عفوا يا اختي صاحب السيارة دار حادث
نجلاء : نعم منو انتَ وين محمد وين
: حـ نرفعوه مصحة ال@£&@ توا ( وسكر )
منعرفش حتى شن لبست وقتها وشاحي نسه طايح ولعباية يادوب سكرة نصها مكياج قاعد في وجهي نزلت نجري قابلتني عمتي
ام محمد : خيرك نجلاء شنفي
نجلاء : محمد عمتي دار حادث
عمتي : شنوو كيف
نجلاء : الله يربحك عمتي البسي وشاحك كان تبي تمشي معاي
طلعت ومنعرفش كيف وصلت وسوقت للمصحة 10 دقايق وصلت
سئلنا في الريسبشن وكان في غرفة العمليات ، نستنا وانا قلبي نار جت هناء وفرح ومكنتش مركزة معاهم ، انا ليش معترفتش بحبي ليه ليش كتمتها كل هالوقت ليش كل شي حلو في حياتي ما يدومش ، الوقت كانه يتمدد ومش راضي يفوت اخيرا طلع الدكتور
كلنا وقفنا قدامه وكل وحدة بسؤالها الا تبي تطمن بيه
الدكتور : حالته حرجة والضربة جاية على الكبد وصارله هلبا نزيف ونبو شخص يكون نفس فصيلته عشان يتبرع بجزء من كبدته وياريت تستعجلو فصيلته £&&
عمتي : يناعليا وليدي يناعليا كبيدتي مفي حد نفس فصيلته من وخياته يناعليا
نجلاء وقفت انا نفس فصيلته اي انا مشيت بسرعة لدكتور قالولي لازمك تحاليل وهك وكنت لازم نستنا نتائج التحاليل
الممرضة جتني قتلى الدكتور يبيك في غرفته مشيت بخطوات مهزوزة
الدكتور : نتائج التحليل كويسات بس في مشكلة التحاليل وضحت انك حامل وفى خطر على الجنين فالعملية
نجلاء انصدمت مكنتش عارفه ومعنديش اي اعراض حمل : شن يعني منقدرش ندير العملية
الدكتور : ايه زي ما قتلك في خطر على الجنين
نجلاء : وانا مشحيه بيه الجنين عشان محمد
الدكتور وقف : تمام حـ نقوللهم يجهزوك للعمليات
نجلاء : ياريت يا دكتور مافى حد من الا برا يعرفو بالحمل
لبسوني لبست العمليات ورقدت على السرير وبيدخلوني عشان نعطي من كبيدتي ليه ، كنت راضية حتى ياخدوها كلها انا مش حـ نقدر نعيش وهوا مش معاي منقدرش نخسر ثاني ، مضحيه بـ جنيني عشان بس محمد ينوضلي بخير ايدي على بطني وندعى
خالتي وصلت وانا كيف بيدخلوني
خالتي : يناعليا يا خيتي يناعليا بنستك ماشافت خير من بعدك استودعتك الله يا بنتي تطلعو سالمين
نجلاء هزيت راسي وابتسمت مابين دموعى
، اخر شي شفته قبل البنج وجه الممرضة والعيلة كلهم مجتمعين عليا وبعدها معاش نندري على شئ
_____
ملاك : مشغولة يا خالد من بكري نتصل ما في حد رد عليا حتى هناء وفرح
خالد : لاهيين تلقيهم شن بيكون في
ملاك : انا مش متريحة حتى محمد ونجلاء ميردوش ماما شنفي
خالد : انتِ شكلا الحمل مخليك تفكري هالافكار نوضي نطلعو
ملاك : لالا مخاطريش
خالد : تمام انا طالع للمحل
ملاك : استنى نمشي معاك لنور
خالد : لا ما تمشيش
ملاك : وليش
خالد : غير مرحب بيك ما تشوفيش في نظرات راجلها مهما كنتي صاحبتها حـ تقعدي انتِ اخت محمد
ملاك : اففف
طلع واستمريت نتصل بيهم ما رد حد
__________
نـور : ياماما اسكت خلاص نني
فوزى طبس خداه : اشش حبيب بابا ( وقعد يلعب فيه سكت ) تعاملى معاه بلطف تو يسكت
نـور : اي يوم كله طالع وانا الا متحملك نقيقه تروحله دقيقتين تقولى تعاملى بطلف ليا يومين مرقدتش راسي
فوزى : خشى ارقدي اهوا قاعد معاه
نور نضت دوشت وخشيت سريري ، نكذب عليكم لو نقول نسيته محمد محاوطني فكل مكان وجيهه انا قاعده نتعايش مع الواقع بس ما نسيتش ، نخاف حتى نتصل بـِ نجلاء لانه بنسأل عليه فكرة تجوزاته لـِ اليوم قاعدة مش مصدقتها جبت ولد سماه فوزى يـاسين محبيتش نشارك في اسمه ، لانه حـ نسمى من الاسماء الا يحبها محمد ، قمت تيلفوني فتحت ايميله لقيت اصاحبه مصورين سيارته ويدعوله ايدي بدت ترعش وخشيت عـ التعليقات الا فهمته انه مداير حادث اتصلت بـ ملاك
ملاك : اهلا نور
نور برعشة : ملاك شن صاير خيره محمد شن في
ملاك كنت راقدة قعمزت : من محمد
نور : محمد خوك توا فتحت ايميله لقيته مداير حادث
ملاك سكرت عليها وخشيت على صفحة محمد شفت لبوستات كلمت خالد وجاني
ملاك : خالد ميردوش الله يربحك نبي نروح خالد انا مشغولة
خالد : اهدي بس اهوا بنكلم لولاد نشوفهم
ملاك : لالا انا مش مطمنة قلبي ينخص فيا نبي نروح
خالد : بلا هبال اسكتي
كلم صاحبه وكان فالمستشفي عطاه محمد فكيت لتيلفون منه وين عرفتها ماما
ملاك : ماما ماما طمنيني شن صار لمحمد ماما فيه شي مش حـ نسامحك ادسي عليا ره
ماما بصوت اداري في بكيتها: لالا يابنتي مافي شي ما ترعشيش روحك ، جاته الخبطة على الكبده ونجلاء مطابقة لفصيلته بتتبرعله بجزء من كبدتها
ملاك بدت تبكي : به ماما وتو شن صار
ماما : اهو نستنوا فالدكتور يابنتي
خالد خديت منها الهاتف : قداش ليهم فالعمليات يا عمتي
ماما: ساعة
سكر وما اطمنتش لين مشي يحجز فالتذاكر اقرب فرصة بعد اربع ايام ،
__
نور نار ولعت فيا معاش عرفت شن بندير وملاك معاش ردت طلعت لصالة لقيت ياسين وفوزي راقدين على الكنبة غطيتهم ومشيت نصلي ودعيت لمحمد تيلفوني رن بأسم ملاك حكتلى الا صار ومكانش في ايدي شى غير الدعاء كلمت غفران وقتلى قاعدين فالعمليات
——-/———-
اخيرا طلع الدكتور وملامح وجها متبشرش بالخير كلنا واقفين قدامه
ام محمد وقفت : طمني الله يطمنك كيف حالهم شن صار
الدكتور : للا
_______________——
{ لـِ مــيــار أحـمـد}💜...
يتـبـع.......
