الحلقة 5
{لِ ميار أحمد}💜...
حسدوك في فرحة فرحتيها ي بنيتي حجروك ي بنتي حجروك
نشبح لماما وانا نرعش : شن يعني حرجوني لمنى
ماما : لفوزى الله لا تسامحهم حرقو قليبك ي بنتي ، معاش نسمع فيهم ولا عارفة شن يقولو يعنى انا فالوقت الا مفروض توا اسمي على اسم محمد بديت ع اسم فوزى ، به محمد مش ح يقعد جنبي ومش ح يخلى حد يقرب ولا يفكر يلمسنى وينه افكار ترفع وتجيب بديت نعيط في عياط هستيري وانادي بأسم محمد محسيتش بروحى الا وانا طايحة ومعاش حسيت بشى.
وصلنا لِ إستراحة لعلى
محمد : تي خيرك انت وين لمستشفي ليش جاي اهنى
محمود : انزل وانا نفهمك على اهو جاي
محمد بديت نعيط : شن جاي بتعك اهيا اعطيني لمفتاح هات جايبني من فاتحتي وماخرني تي مفروض حتى قرينا وروحنا
على وصل غبرت سيارته خنقتني نزل وجاني ، فصلت عليه حتى هوا
على: اهدي بس عندي ليك موضوع
محمد : شن لموضوع وقته هوا
على : استهدي بلله وخش بس
محمد خشيت وانا بنخنقهم
على : تعالا لدار اهيا
مشيت وانا حسيت فى شي على مش بتع برادة ومقالب ومحمود علاقتي معاه جدية يعنى في شي صاير
: شن في احكو نور فيها شي وبديت نعيط نور صارلها شي
على : لا بس مشعارف كيف بنقول
محمد قربت منه وشديته من سوريته بتحكي ولا ندير فيك شي
على : في عاداتهم يسئلو صغار عمها لو حد يبيها قبل ما يقرو لفاتحة فوزى قال انا وحجرها ومافي حد عارض غيرنا ومليناش راي لبنت بنتهم نعرفك قوى ي صاحبى مش انت الا تكسرك مرا في الف غيرها
محمد نشبحله ونفنص زدت ضغطت ع رقبته: تي انت عارف شن تقول تي شن يحجروها وين قاعدين احنا ، خديت من محمود مفاتيحة ونعيط وربي الما نردمهم
على قعد يعيط ويقول لمحمود شده معاي جوني وقعدو يجبدو وفيا وانا نعيط عليهم ونقاوم مش مصدق نار فيا انا عارفهم يكذبو ليوم بتكون حلالي مقدرتش عليهم دخلوني لدار وسكرو عليا وانا نعيط لباب كان تقيل مش قادرة لروشن فيه حماية ، قعدت نعيط ونصرخ ، دموعى نزلو اي شن بعد دموع راجل ينزلو حب سنين ضيعوه في لحظة طيش ، قعدت نضرب فالحيط بأيدي وراسي ، ايديا معبيات دم وجبهتي انتفخت ومش حاس بيهم كان الدم والوجع في قلبي مش في يديا ولا راسي ، تقولى انت الامان بتعى ، كيف الامان بتاعها وانا قاعد يين اربع حيوط مش عارف ندير حاجة كيف الامان بتاعها وخداها غيري من بين ايديا ، كيف الامان يتاعها وانا مقدرتش نخليها حلالي
نور فتحت عيونى وانا راقدة فالصالة يبخو فيا بالمية وماما حاضنتني وتبكى ، نحيتهل وقعمزت قعدت نشبحلهم :ماما كان حلم ولا حق
ماما تشبحلى وتبكى
نور قعدت نعيط : جاوبوني مش حق صح محمد ح يجي اي هوا قال بنجى قالى بنحضنك يماما قوليلي كذب ماما جاوبيني
خدتنى ماما في حضنها وانا نعيط ، دفيتها وركبت لداري خديت تيلفوني وحطيت على رقم محمد رنيت اكثر من خمسين مرة كان مقفل ، حتى هوا سيبنى يعني بجد كلامهم مش كذب ، معاش في فحياتي محمد ، انا نقدرش نستوعب ، نزلت نجري طلعت للجنان نعيط بأسم فوزى ، جاني يجري
فوزى : خيركك تعيطي تي في رجالة ره يسمعو فيك
نور نبكى بعبرتى :ليش ي فوزى ليش ،علاش مرضيتش تشوفنى فرحانة علاش كسرتنى دمرتنى ي فوزى مش كنت متبينيش مش كنت نسافر شن الا رجعك ليش جيت وكسرت فرحتى الله لا تسامحك حسبى الله ونعم الوكيل فيكم
فوزى اكتفى يشبحلى ، استفزنى انا نبكي وهوا ولا هامة قربت منه وعيطت فوجهه :حقير نكرهكك ،تلفتت وبنخش شفت رجالة عمى معاذ ، كتيبة كاملة هوا امشيها ، تلفتت شفت لفوزى لقيته يشبحلى ويشبحلهم كانه تهديد وهوا قاعد في مكانه
ركبت لداري وسكرتها قابلني لبارفان ليحبه محمد خديته وقعمزت بخيت منه ع ايدي زي ما يحب قعدت نشم فيه وانا نبكى : ليش مشيت وخليتني ليش خليتهم يديروها ليش متبيش ترد عليا انا راضية نهرب معاك بس ارجعلى انا كيف بنمشي معاه وانا واعداتك في غيرك ما نقيم عيونى كيف بتخليني نركب معاه ونروح معاه محمد ارجع وقولى هاذا مقلب انا مش مصدقة ره مش جيتني وحضنتني وقتلي نحبك وينه حبك مش قتلي ح نرجع نحضنك بالحلال ليش ما جيتش ليشش وينكككك محمد انا محتاجاتك ، بديت نعيط وحذفت لبارفان ع لمرايا وقعدت نكسر فكل شي قدامي ماما تخبط ع لباب وتبكى وتترجى نفتحلها ، فتحتلها محتاجة لحضنها محتاجة تهون عليا محتاجة كلمة محمد فجنبك ي ماما يبصرو عليك فتحتلها وارتميت في حضنها ونعيط ونبكى طحت في حضن ماما ومعاش حسيت بروحى ،قعدت ماما تعيط مادو ع فوزى وجي معاه عمى معاذ لبسونى ورفعونى للمستشفي طريق كلها وماما تتحسب فيهم ، فتحت عيونى على ماما تلفتت لقيت فوزى وعمى معاذ ، قعدت نهز براسي ودموعى ينزلو نبيهم يطلعو ، طلعتهم ماما وجت حنبى قتلى متخافيش ي ماما صارلك انهيار عصبى وهبوط تكمل لتغديك ونروحو
نور : ماما منبيش نروح انا نبى نطلع ميته من اهنى ماما انا منقدرش نعيش من غيره علاش متفهموش فيا علاش
ماما : اششش بعيد لشر عليك ي بنتي وانا من عندي غيركم ربي يجبر بخاطرك ي بنتي حسبي الله فيهم
روحت وانا محروقة ولا كانه مداير حاجة مبتسم طريق كلها تمنيت درت حادث ومتت منعرفش كيف فاتت هديك الليلة لحوش الا كان عرس انقلب عزى ،
محمد تعبت من لعياط ومفيش فايدة يفتحولى كرهتهم حسيت وكأنى مرا مش عارف يدير حاجة ، بدلتي لعربية الا كان هيا مختارتها معبية بدم ايديا ، قعمزت من لتعب وخدتنى نومة وانا مقعمز نومة كلها كوابيس مفيش معنى لراحة فيها ، طلعت شمس لصبح وجت فعيونى لقيت لباب مردو نضت فتحته لقيت علي ومحمود راقدين فالصالة اصلا كنت متاكد انهم قاعدين ويسمعو فيا خشيت للحمام صليت وخديت مفاتيح سيارة محمود وطلعت ، ملقيتش روحى الا قدام حوشها لشمس كيف طالعة قاعدة لساعة 6:30 ، نطق عليها نبي نطمن قلبى حارقني نبيها تقولى الا صاير كله كذب وغيرك عمره ما يحلم بيا ، مقدرتش نطق عليها وتصدمنى مشيت وانا كلى غيظ لحوش عمها نقربع في لباب فتحلى عمها معاذ قعدت نعيط
محمد : وينه ولدك وينه
معاذ : شن الا جابك فوسط حوشي معاش عندك شي عندنا
محمد : تي ي### وينه فوزىىىىى
معاذ شد تيلفونه : انا نعرف كيف نتصرف معاك
فوزى : خليه يا بوى ما تكلم حد
طلعلى وعيونه منفوخات من كثر لنوم راقد وكاسر قلوب وراه قرب منى وهوا يقولى شن جابك عطيته بوكس ع وجهه وشديته من سوريته ناضو عيلته وامه جا تترجى فيا نبعد عليه طلقته وانا كلى غل
فوزى وهوا يمس فدم خشمه : نور عمرك ما ح تمس شعرها منها خلاص معاش عندك شي اهنايا توكل بدت مرتى حجرتها كان ما تفهمش
قربت منه وناوي نقتله خشت امه بينا وتترجى فيا
قعدت نشبحله وطلعت
مكنتش مصدق جيت عشان نتأكد بس بعد ما تاكدت شن مزال نبى نور وخدوها خلاص بدت حرمته وحرام حتى نفكر فيها بس كيف تي انا مربيها مع مرح بنتى هاذي بنتى يارب نسيني فيها مشيت للبحر وقعمزت نشكيله وانى نبكى ، نشكيله وقلبى محروق خديت تيلفونى إلا لقيته جنب محمود مقفل ، فتحته ين ستاكه من رسائل نور ومكالماتها اكثر من 200 مكالمة و30 مسج حبيبتي ساهرة الليل محروقة مفيش دقيقة مفوتتعا الا وهيا رانه او باعته مسج حرقوني مسجاتها ،
*محمد كذب كلامهم صح عارفاتك تبصر هيا تعالا انا نستنا فيك ره
*عارفة مترضاش حتى نسلم على ذكر بترضا يحجرني *
*محمد متخدلنيش انا الحيط والسند الا سانده روحى عليهم من بعد ربي انت خديت مكان بوى الا عند ربي *
* لشمس قريب تطلع وانت مطمنتنيش عليك اوكى راضية انا افتح تيلفونك وقولى انا بخير بعدها خلاص نوعدك ندير شن نبى *
*به محمد ارجع نوعدك نرقد بكرى نوعدك نتعلم نطيب ونبدا فالحة زي ما تبي نوعدك نقعد عمرى كله نلبس في عباية حتى خمار لو تبى ح ندير كل شي تبيه بس محمد متحرمنيش منك *
* ما تعودتش نرقد الا ع صوتك وانت تقرالي في القرآن نستنا فيك مشقادرة نرقد *
هلبا مسجات كل مسج ينزل دموعى ويحرقني اكثر من الاول ليش لدنيا ظلمتنا ليش جينا في مجتمع جاهل شن هالعادات احنا في اما عصر انا حاس ايديا مربوطات ومش عارف شن ندير
{لـِ ميار أحمد }💜...
يتبع.....
