الحلقة 4
{لِ ميار أحمد}💜...
جابو لغدى ومابين دوشة لغدي وهدرزتهم تسحبت وطلعت من باب لمطبخ قعدت نشبح مهناش لين خلعني وعيط فى وذني
نور بخلعة تلفتت : خزيي باردطيحتلى. قلبى
محمد : اسمله ع قلبك يقلبي محلاكىىى ملاك
نور : حبيبي خايفة يجي حد يشوفنا
محمد : لالا مافي حد فاضي توا وكلها ساعة وتكونى حلالي ما حد يقدر يجبدك على لسانه
ابتسمت وانا نشبحله
محمد : خيرهم عويناتي لحلوين تبكيلي فيهم انا مش مقايلك بلاش دموع دامنا مع بعض
نور : نعرفش بس انا قلبى حاسسنى
محمد حضنتها ومخليتهاش تكمل كلام حضنتها وخليت لحضن يتكلم بدالنا ، حضنتها وقتلها طول ما انا معاك دموعك عمرهم ما ح ينزلو
نور تباعدت وقتلى بس حبيبي ياسر
محمد : اوكى نقرو لفاتحة ونبي حضن ثاني بس هالحضن ح يكون حلال
نور هزيت راسي وابتسمتله : نحبگ
محمد : وانا نعشقك ، بست ايدها ومشيت وعيونها عليا ، مشيت وخليت قلبها وقلبى معاها
روحت دوشت ولبست عشان نمشي لجامع ونقرو فاتحتنا
نور خشيت استقباتني نجلاء فى المطبخ
نجلاء : انتِ فالعسل واحنى والا مشغولين
نور : بيهبلني طلعت نبي ولا منبيش
نجلاء : من توا متحكم فيك ي حليلك بعدين
نور : ههههه وانتِ ن صاير فيك مع هداكا مزال لخطبة
نجلاء : خليني ساكتة مركبلي لضغط بنسيبه مدايرني تسلاية بعدين من بيرضا ياخد وحدة من عمري
نور : انا قتلك من الاول وجهه مش وجه حب ، بعدين يا بنتي من يلقا زيك معاش تقولى هالكلام حـ يجيك نصيب يهبل وقولى نور قالت
نجلاء اصايقت بس ابتسمت وتبي تهرب قالت :خالتي اتنادي خلي نشوفها ، وناضت
نور اضايقت عشانها مدابيا تجي تسكن فحوشنا مع امى وتتريح من مرت بوها ، شربت مية وركبت لداري وانا مش متريحة توضيت وقعمزت نقرا فى قرآن محسيتش بروحى الا وانا راقدة نحلم انا ومحمد واقفين بعيد ع بعض وافعى خانقتنى ومش قادرة نمشيله انادي عليه وهوا مكتفى يشبحلى من بعيد
محمد لبست كلمونى لولاد قالولى وينك عطلت وصلنا قتلهم جاي نزلت لسيارتى وقعدت نحاول معاها مبتش تولع قعدت نص ساعة وانا نولع وهيا مبتش ، لولاد كلهم قتلهم برو قبلى وعمامى ، اتصلت بمحمود ولد عمى قتله يوليلي ، جي محمود ركبت معاه
محمود : تي ي راجل قلنالك نمشو مع بعضنا سكرت راسك علاش
محمد : اسكت مش ناقصة ليا ساعة متشحط فالشمس
محمود : تي حتى من الشيخ جي يا راجل ، وتيلفونه رن كان على صاحبى
محمد :خيره هاذا متصل بيك انت
محمود : وين نعلم خلى نشوفه
رد وكان اسلوبة غريب وبالالغاز تي ليش به كيف صار باهي باهي نستنا فيك لا حول ولا قوة الا بلله ، وسكر
محمد :شن في ، تي تكلم ي راجل
محمود يتكلم وهوا متوتر : لا شي غير بوى مرض شوية بنمشولة
محمد : كيف مرض والفاتحة محمود تكلم
محمود : مفي شي قتلك ، غير لطريق وانا مش مصدق كذبت عمى مريض تي هوا ماشاء الله صحته خير منى ، اتصلت بنور مرتين مردتش وردت فالثالثة
{لِ ميار أحمد }💜...
خدتني لنوم لهالوقت نضت عرقانة ومش متريحة من لنومة الا كانت كلها كوابيس نضت ع رنه محمد
نور : همم حبيبي
محمد : نور انتِ كويسة
نور : اي عمري كويسة شنفي ، هىىئ خدتني نومة لهالوقت قريتو لفاتحة صح
محمد : لا عمى مرض بنشوفه وبنمشي سكري سكري حبيبي
نور : به في آمان الله
سكرت وانا نسمع في دوشة وبكى
فالحوش استغربت فتحت داري ونزلت وقفت فالدروج وانا نشوف في ماما تبكي وتقولى حليلي بنيتي ، هاذي وصية المرحوم هكى دارو فيها ، تحرقولي في قليبها ليش يتيمة ، الله لا يسامحك ي معاذ الله لا يسامحك لا انت ولا ولدك ، قعمزت ع لدروج وانا حاطة ايدي ع قلبى ودموعى ينزلو ونقوللها ماما شن في هوا محمد صارتله حاجة ماما ردي عليا ، ركبتلى ماا حظنتنى وتقوليلي حسدوك فى فرحة فرحتيها ي بنيتي ح.....
{لِ ميار أحمد }💜...
يتبع...
