الـحلـقة 16
{لـِ مـيـار أحـمـد }💜...
نشرب في قهوة مع خالتي
نجلاء : منبيش عرس يا خالة
خالتى شرقت بالقهوة : كححح
نجلاء : بسم الله صارلك شي
خالتي : شنن يعنيي موافقة بتاخديه
نجلاء هزيت راسي
خالتي قربت حضنتني وباعدت : خلى نتصل بيهم الله يفرحك يا بنتي زي ما فرحتيني من زمان ما فرحنا
____.
محمد
خاش انا وهناء وملاك للحوش بعد ما شحطتني لوكا من محل لمحل تجهز في بتاتها
محمد : انا غبي كان نندري هكي بتعبينا ره خليتك تسايري امى فالحوش علاش نجوزك
ملاك كيف بتتكلم نسمعو في امى تزغرط
محمد : هاذي خيرها لفرح مزال عليه شهر بطوله ، شنو يما هاذي كلها فرحة بـ لوكا حتى في فرح هناء ما درتي هالخبر
امى : يناعليا يافرحتي وافقو اهل نجلاء ولفرحة فرحتين يا وليدي ( قربت حضنتني )
محمد ابتسمت
هناء : لوللييي
امى : بس قالت نجلاء متبيش فرح وهرجة من حوشهم لحوشه وخلاص
هناء : احنى نديروه مع عرس لوكا وهما ما يبوش براحتهم
فرح : اي انا من راي هناء ولا شنو يا حميده
محمد استاقضت من سرحانى وحكيت راسي : هاه اي اي صح ، انا بنمشي بنشوف لمحل اتصلو يبوني
امى : هالايام بنرفعو الدفع راك تنسى
محمد وانا طالع : باهي حاضر
للامانة ولا اتصلو ولا يبوني بس انا متلخبط ومش عارف هالقرار صح او غلط بنمشي نلهى روحى بالخدمة وخلاص
يــوم الفـرح
نجلاء مدرتش فرح ولا جبنا حتى دربوكك بس يوم صالة ملاك مبيتش نكسر بخاطر محمد وفرحة عمره خلى نحسسه بيها قتله موافقة نمشي ونخش مع لوكا ، طول لفترة الا مرت مكلمتاش ولا كلمنى ولا هدرزنا وحكينا زي اي خطيبين امه جابتلى ذبلتي وفلوس الدفع ومكالماتى انا وهوا بسيطة جدا على امور الحوش والفرح ممكن خمس مكالمات ، مشيت انا ولوكا لـِ نفس المزين ، جانا محمد ومشينا لـِ الصالة خشينا الزوز مع بعض وبينا محمد شادنى بـِ ايده اليمين وشتد لوكا باليسار ، مكانش بينا اي لمعة عيون ادل على الحب كاننا كنا مغصوبين ،
مصعب الا كانت شاداته هناء غصب طلقها وجي وقف قدامنا وسط الصالة ويبكى
مصعب : انا عنديس علوساتتت انت عندك زوز نبي علوسة زيكك حالو
مكانش ينسمع للمعازيم صورته من الاغاني
نجلاء قعدت نضحك وشديته من ايدي اليمين : انا علوستك باهي
مصعب يضحك
اخيرا وصلنا للكوشة حسيتها الطريق طويلة ومبتش اتم
مصعب : هي هاذي علوستي انتا امشي قعمز جنب لوكا
محمد : عيب لناس انت قعمز جنب لوكا هاذي عروستي
مصعب يبكى : نبيها نبيهااا عنديسسس علوسةة
هناء جت تكركر فيه وهوا مش راضي يمشي
نجلاء نضحك عليه حلاته
محمد : اطلقيه اطلقيه ( وطبس بمستواه واشر على بنت صغيرة لابسة فيلو ) اوني هديكا عروستك امشي جيبها
مصعب دموعه تخلطو بضحكة : حاقق ( ومشي يجري )
