الحلقة 7
{لـِ ميار أحمـد}💜...
لخميــس
هـهـ ليلـة العمر مع فوزى يوم لموت بنسبالي مكنتش نبي نمشي لكوافير ونبي نلغي حجر لصالة ، انا كيف بنلبس لفيلو الا مختاره محمد ، مشيت للكوافير مع غفران ونجلاء بترجى ونصائح ماما ما تبي حد يتشمت فينا ، مكنتش عارفه ولا حاسة شن يصير جنبى ولا شن قاعدين يديرولي طول لوقت سارحة دموعى متجمعات في عيني ومش راضيات ينزلو ، لبست وطلعت وصلنا احمد ، خشيت انا واحمد لصالة ونشبح فنظرة لشفقة في عيونهم ولكلام الا لما فايته نسمع فيه بس لاول مرة نكون قوية ابتسمت وكملت قعمزت وعيوني نرفع فيهم لفوق عشان لدموع ، جتني ماما قتلي فوزي بيخش ، نزلت وخشينا مع بعض وانا متمنية نطربقه كف ، وصلنا للكوشة بدلنا لذبل وانا بنتفجر من نظراته وحركاته وكان متجوزين ع علاقة سنين كان فرحان عيونه يلمعو ولضحكة مرسومة على وجهه ، طلعنا بيلبسني كابي جبدته منه بقوة ولبسته بروحي شبحت لماما ومشيت نجري لحضنها زي كل مرة نهرب من لدنيا ووجعها ونفرغه في حضن ماما ، وخرت من عليها وانا منبيش دموعى ينزلو ، مسحت لماما دموعها وقتلها انا راضيك متشغليش بالك عليا ، حضنت غفران وقتلها متفكريش بتقعدي بروحك قلبى وحضني مفتوحات ليك فكل وقت ديري بالم على نفسك وعلى ماما ، طلعت حاول فوزى يشدني من ايدي دفيته ، سلمت ع احمد وحضنته وركبت لسيارة ، ركب فوزى وفتح اغاني ع صوت خفيف شد ع ايدي نحيتها
نور قلبت عيوني: سايرتك داخل عشان لناس بس ، ما تاخدش وجه وتحسابني تقبلتك
مباش يتكلم استفزني
نور : لفار كلى لسانك مالا مبردك
برضو شبحلى وهوا ساكت ابتسم وكمل لطريق
درس لسيارة قدام فندق
نور : شن هاذا ليش جيت اهنى
فوزى : حجزت فندق شن ليش
نور : لو سمحت منبيش ولى لحوشكم
فوزى : وانى نبي . طفى لسيارة ونزل فتحلى مبيتش ننزل قعدت نشبحله بعد فترة نزلت وساعدني فالفيلو ، ركبنا فتحت لغرفه وخش
نور : اسمع منبيش نرقد معاك برا احجر دار ثانية لروحك
فوزى معدلش وخش نحى جاكته وقعنز على لسرير ينحى فكندرته
نور : نكلم فيك انا مش فالحيط
فوزى : به مش واخد دار ثانيه تحمليهم ايام لفندق بعدين ارقدي حتى فحوش بوي
قلبت عيوني : به اطلع نبي نغير
فوزى : نخش للحمام ندوش مابين ما غيرتي
نور : دير بالك تطلع قبل ما نقولك
فوزى خدي حوايجه من لدولاب : حوايجك في لدولاب حتى انتِ ، ومشي
نور : استنى افتحلى لفيلو
فوزى قرب فتحه قعد يشبحلى شديته عشان ميطيحش
نور : خلاص تقدر تمشي
ابتسم ومشي
نور : مبرده ، فتحت لدولاب لقيت لبس حوش وشوي لبسات طلعة وعطر وشوي مكياج مش من بتاتي هادو زعما هوا شراهم اففف شني هاذا مفيش حاجة مستوره ، لقيت اطول توته لبستها ولفيت شعري ، قعمزت نستنا فيه طلع مقالش كلمة ، خشيت تحت لدوش وسمحت لدموعى ينزلو قعمزت لوطا وحاطه ايديا على وجهى ولميه تصب عليا
انا عمري ما كسرت قلب حد طول عمري وانا انطوائية حتى صحاب معنديش غير ملاك ليش ينكسر قليبي وفي منى في محمد الا منعرفش حتى نرقد من غيره انا كيف بنعيش كيف بنكمل حياتي من اول ما فتحت عيوني ع لدنيا لقيته فجنبي كيف بنكمل مع شخص غيره ، عمرها فكرك غيره ما حت في راسي حتى بالتفكير عمرى ما خنته معقول لظروف اقوى من حبنا ، ملاحظتش لوقت الا مر وانا تحت لميه ونبكى سمعت لباب يطق
فوزى : نوررر نوووورر صارلك شي انتِ كويسة
نور طفيت لميه : اي كويسة
لبست وطلعت لقيته راقد تمنيت ناخد نخنقه اف ، في كنبه خديت غطا ومشيت رقدت عليها جاية جنب لروشن فتحت لستار وقعدت نتفرج ع لقمر ولنجوم وانا نذكر فى محمد ودموعى ينزلو من غير صوت ، قداش من ليالي بتنا تحت لنجوم نهدرزو ، قداش من ليالي شكينالهم من بعض ، كم من ليالي شبهني بيهم وكنت نغار منهم ، تنهدت وقلت بصوت مسموع : يارب ابعد عنه كل اذى واسعده بقدر ما اسعدني وانا بقربه ، تلفت لقيت فوزى مقعمز يشبحلى ، مسحت دموعى ورقدت ، شفته قعد يزمط حط ايديه ع راسه وتنهد بعدها تمدد ورقد ، فاتت ليلة ما دقتش طعمة لنوم فيها ليلة كلها دموع وغضاات قلب
محمد ليوم مشتله ليوم كانت ليه ليوم بدت حلاله قدام كل الناس ، بدت مشاركاته اللحظات الا نحلم بيهم مع بنتي فرشته وحتى مخدته مشاركاته فرحته وحزنه ضيقته ودموعه ، عنري ما ح نسامح وحقي يرجعلي لو مهما يصير ، من لصبح وانا نراقب فيهـا لين ولصلت للفندق مفروض انا الا راكب معاها وانا الا عايش معاها هااللحظات مسدسي درته تحت لكرسي وماشي بنقتله ، بس فگل مرة نرفع لمسدس يجي بوي قدام عيوني وهوا يوصي فيا على امي وخواتي ، حرقة امي عليا ويصيرلها شي من بعدي خواتي الا معندهمش غيري نتعوذ من لشيطان وانزله ،
نار لغيرة قاعدة تاكل فيا ومش حـ تنطفي لين اطفي قلبي معاها
منبيش نشوف حد ولا نبي نكلم تيلفوني ليا يومين ما فتحتاش ، روحت وانا منبيش نروح كيف مخليها معاه انا كيف مروح وراضي بنتي تقعد مع راجل غريب معقول بديت انا الغريب مش هوا ، انا الا منرضهاش تسلم ع قرايبها راضي قاعدة معاه وفى دار وحدة اهه ، درست لقيت سيارة خالد قدام لحوش ، نزلت وقربت منها نزل خالد
خالد : السلام عليكم كيف حالك
محمد : وعليكم السلام ان شاء الله خير شن صاير جاي فهالوقت
خالد : خير خير ليا هلبا اهني نستنا فيك سمعت بلي صار ليا يومين نتصل يعطي مقفل
محمد : اها اي لشفرة راحت ونسيت ما خديتش
خالد : تمشي هيا يجي غيرها ما تنكسرش ولا تنزل دموعك ، ناسك وصحابك وعيلتك محتاجينك خليك محمد الا نعرفه
محمد بعياط : كيف يجي غيرها تي هاذي بنتي من عمرها 15 لسنة وهيا معاي كيف بننساها في يوم وليلة كيف
خالد : اهدا بس انتَ لازم تحاول تنسا لازم تبعد على كل هاالاماكن
محمد : خش خليتك واقف فالباب
خالد : لا عادي
خشينا قعمزنا فالمربوعة
خالد : من غدوة بتجي وبتبدا تخدم ره
محمد : ضروري يعني
خالد : تي انا نقولك لهى روحك عشان تنسا تقولي ضروري
محمد : باهي تمام
خالد : نبو نفتحو فرع في تركيا عندي صحابي غادي مدخولهم الله يبارك ولازم انافسو باش الاسم يكبر
محمد : تي كيف في تركيا من الا بيمشي وبيلها غادي
خالد : انت من غيرك
محمد : لا اكيد لاشن انا لعيلة بروحهم منقدرش نسيب لبلاد لالا
خالد : يراجل عيلتك في آمان الله حوشكم دايرين عليه حوش عمامك وانا مش ح نسيبهم ،
محمد : لالا امشي انتَ
خالد : غيرك مش ح يمشي حد تي انا نبي انسيك ونغيرلك جو تي هوا في واحد بيسافر ويقول لا ، وبعدين غادي عندي اصحابي ولمحل شافوه جنب محلاتهم ولعمال جاهزين وكل شي ح يساعدوك فيه ويوروك كل شي غير امشي بس
محمد : باهي نفكر ، طق لباب اني جايبك لقهوة ماض خالد بيسلم عليها واني هدرازة ما تصدق حد يهدرز عليها خشت قعمزت تهدرز عليه بعد اصرار منه انها تخش
امي : كيف حالكم يوليدي
خالد : لا الحمد لله بخير
امي : والله فرحت لنا محمد شاركك هالخدمة
خالد : اي الحمد لله غير ولدك راسه مسكر شوي بس
امي : في شنو يوليدي ماشاء الله عليه فالخدمة راهو
خالد قعد يضحك : لا هوا ماشاء الله عليه غير في مرضوع مسكر راسه عليه
{ لـِ ميـار أحمـد}💜...
يتبــع....
