الحـلقـة 13
{لـِ ميـار أحمـد }💜....
شفتها معاه شبحتلى فترة وبعدها شدت على بطنها وتتوجع لما راجلها شد على بطنها وضحت منتفخة شوي عرفت انها حامل ، نستنا فهالفرصة ليا شهور وانا خاطري نقتله نقدم خطوة يرحعني كلام امى وصحابي الف خطوة قلت رضا امي يعني من رضي ربي استغفرت ولقيتها موليه بتروح معاه كأنها متبيش تشوفتي صعبك عليا شادها غيري وانا الا كنت منرضاش يحطو فيها عين صعبة عليا ترقد على مخدته وفى حضنه صعبة عليا شدت ايدها على ايده صعبة عليا نشوفها مبتسمة لغيري ، نسيتى يا نـور بها لسرعة نسيتي بابا يا بنتي ربي يسعدك حتى معاه صعبة هالكلمة عليا بس ربي يسعدك ،
روحت نوتي في حوايجي غدوة طيارتي مشيت ودعت صحاب لغربة وشيكت على امور لمحل وخليت فيه لولاد ما بين ما جي خالد ، لوقت كان بكري ولشقة مفيهاش غيري روحت عشان نرتاح او نرقد ومقدرتش فتحت تيلفوني وقابلتني اغنية
، قلت معقولة على المسلاتي عنده أغنية ومش سامعها بلعت ريقي ونزلتها ، وطول ماهي تحمل حاجة فِ داخلي تقولي ان شاء الله تعطل فِ التنزيل وانا مش فاهم ، حطيت السماعات وضغطت , ,
بدت وذكرياتي معاها بدت تنعرض قدام عيوني ، تفكرت اليوم اللي خطبتها من خوها وكيف كانت فرحتنا اللي شهدوا عليها الناس كلهم ، تكيت راسي ع الحيط وعيوني فِ العرض ، وبعد جمود قلت : الله لا يسامحهم ماخلونيش نودعك ، مابوش يخلوني نسرح ف صوتها ونشبع من عيونها ، سكتت ومشيت لـ يوم كان مطر والجو سمح وصوتك كان الدفء الوحيد وقتها ، كلماتك وانتِ تقوليلي نبي ندير فِ حوشنا وندير وانا كنت نسجلك فِ اللي تحبي اديريه باش ماننساش ، قالتلي اعطيني رايك حتى انت شن تحب ؟ رديت بدون تردد : نبيك انتِ فيه حوشنا بس معش نبي شي ثاني !
بعد الصمت وقفت خبطت ع الحيط خليت يدي دم والحيط تلوث بدم الارياف عيطت بصوت عالي لكن ماكانش اعلى من صوت الجرح اللي فيا : رااااااااااايييييييييففففففففففففتتتتتتللللكككككك !
، خبطت يدي مرة ثانية ونقول : قلوبنا حبّوهم لكن دنيا اخي عليها ! الله يسامحك خليتي مسافات بيني وبينها !
تكررت الاغنية اكثر من 30 مرة بس حسيت كأنها مرة وحدة وصلت للأخير شفت ليدي اللي عامت بالدم ومافيش نقطة الم لان ببساطة جروحي الـمهُم أقوى ،
- مش هكي يا علي علاش لخبطت اللي كنت مرتبه : مانبيييشش نسسامححح ياععليي مانبيش ، الف لعنة ع الظروف وع الاقسام وع الظالم اللي خداك الف لعنة ع خوفك اللي نهي كل شي ! الله لا يسامحهم ضيعولي حلمي وحياتي وقلبي ضيعتيلي نقطة الحب اللي حميتها سنين ، الله لا يسامحك يازمان , ,
ياريتني سمعت الصوت اللي قالي ان شاء الله تعطل يارتني مانزلتها تعرفوا شن دارت فتحت صندوق كنت مسكر عليه بالقفل فتحاته بدون رحمة , , أغنية خلت حبيبك ساهر طول الليل خلت دمعته اللي حلفت ماتنزلش وترتحني فِ طرف عينه ، خلتني نزيد نحبك ونرايفلك يا بنتي !
الله يسامحكم هديتولي حيلي🤙🏽
