الحـلقة 18 والأخيـرة
{لـِ مـيـار أحـمـد}💜...
الدكتـور : الحمد لله الام والجنين بخير بس المريض للاسف صارله نزيف قبل ما نديرو العملية مقدرناش نسيطرو عليه عظم الله اجركم
ام محمد كبشت فالدكتور وهيا تعيط: كذاب كذاب ولدي ناعليا وليديي
الدكتور (مشي)
الصدمة والعياط والبكي عبؤ المستشفي ونجلاء قاعدة متخدرة من بنج العملية ، ام محمد إلا جتها صدمة وصاخت ، خواته إلا معندهمش سند غيره ، فرح إلا ما ينسمعش صوتها هيا قالبة الدنيا عياط، هناء إلا كان تصبر فيهم على اي شئ يصيرلهم هيا توا محتاجة من يصبرها ، خالد إلا كان منهار في محله صاحبه وشريكه مشي وسيبه كيف حـ يروح لملاك ويقوللها ، مصعب إلا مش فاهم شئ ويسأل فيهم خيره خالو ، موت محمد صدمة كبيرة لكل العيلة والاقارب والاصحاب الشخص إلا عمره ما غلط في حد وكان ليهم سند اكلهم مشي ،
الحوش إلا انقلب لـِ عزي وكل واحد محتاج حد يهـون عليه ، نور إلا شبحت المنشورات في صفحته والكل يترحم عليه ،
نجلاء لقت جنبها حالتها وغفرآن : خالتي كيف حال محمد
ام نور تحاول تخفي دموعها : بخير يا خويلة بخير يا امي
نجلاء : نبي نشوفه (قعدت تتحسس مكان الكبد ):خالتي خيره منحسس بوجع وين مكان العملية
ام نور بدت تبكي وحضنتها
نجلاء تعيط وتباعد فيه طلعت زي لمجنونة للممر تعيط بأسم محمد
ووراها ام نور شدتها
ام نور : اهدي واستهدي بلله يا بنتي واوقفي كلميني
نجلاء شدت غفران: غفرآن والله تكذبي عليا تشوفي محمد وين
غفرآن تبكى: محمد توفى
نجلاء دموعها ينزلو وتنهز في راسها بمعنى لا: تكذبو صح محمد قالي حـ نقعد معاك قالى انا سندك من بعد بابا خالتي تبصري صح خالتي تكلمى بنمشي لدكتور انا مش مصدقتكم
لقاها فايت شداته من كتافه
نجلاء : دكتور محمد كيف حاله ماماتش صح قولى كذب الله يربحك قول
الدكتور : عظم الله اجرك قضاء وقدر يابنتي تعالى ناخدك ليه (رفعها لثلاجة الموتى)
خشيت بهدوء ودموعى ينزلو اشرلي الدكتور عليه مشيت بخطوات مهزوزة ومش مصدقة نحيت الغطا لقيته هوا حبيبي اي وجهه ملطخ بالدم :حبيبي نوض محمد انا نحبك كنت ليوم بنقولك محمد انا منقدرش نعيش من غيرك نوض يا حبيبي نوض من مزالي في هالدنيا غيرك حميدة انا حامل ( شديت ايده الا كانت رزينة حطيتها على بطنى )
بيبينا لمنى بيقول يا بابا ..قعدت نعيط ونقوله نوضضضضض ونهز فيه جو ممرضات طلعوني كنت منهارة الدكتور يقوللهم ديرواه مهدى .. دفيتهم
نجلاء : ما اديرولى شييي نحووو خالتي كيف بنخلى محمد بروحه قلبي يخويلة قلبي عطيني مفتاح سيارتي
خالتي طلعت لمفتاح وطلعو وراي
ركبت سيارتي اتصل بيا راجل قالي على مكان الحادث عشان يعطيني تيلفون محمد لقيت سيارت حبيبي قاعدة طلعلي راجل من قدام المحل الا دار قدامه الحادث عطاني تيلفونه مشيت بأتجاه السيارة تلامحت كيسات حاولت نفتحها ونفتحت لقيت تورته متمزطه اكيد لعيد ميلادي دومعى ينزلو وعيوني ضباب طلعت لكيسات ورفعتهم لسيارتي وانا نبكي وصلت للحوش الا جمعني بيه ، خشيت وجت امه عطول حضنتني وهيا تبكى
ام محمد وهيا حاضنتني : ما تسيبينيش يا بنتي انتِ ريحة الغالى انتِ حامل يا نجلاء
نجلاء هزيت راسي
ام محمد حضنتني اكثر وتترجى فيا ما نسيبهاش
نجلاء : مش حـ نسيبك يا عميمة انا وولدي معاك طول العمر
