الحب النقي(مكتمله)

بارت 2

سوري عالتأخيير حبايب مكدرت انشر البارحه والله عندي ظروف وگوة داكتب... علمودكم...وهسة استتمتعوا🥰

زهراء ....انرگعت فچاة واني ابجي واركض رفعت راسي شفته علي
علي: فيكي شي؟
زهراء ( وهي تبجي): علي امي امي تعبانه
علي: خلاص ماعاد تبكي... يلا اركبي انا بوصلك
زهراء: لا لتعب نفسك اخذ تكسي
علي: لا ولو تكسي شو... امشينا يلا
صعدت ويه علي واني گلبي يرجف خايفه ع امي.. وصلنا للمستشفى ونزلت خالي بالبيت باقي ميكدر يطلع... سئلتهم ع امي كالوا بغرفه رقم 244
رحت بسرعه لگيت الدكتور ديطلع
علي: شو دكتور خبرنا فيها شي؟
الدكتور: شويه ضغطها صعد وانطيناها دواء تكدرون اطلعوها هسة... معافايه
زهراء:الله يعافيك شكراً
الدكتور: لا هذا واجبنا
طبيت للغرفه وركضتلها واني ابوس بيدها
احلام: يمه مابيه شي والله
زهراء: وكع گلبي عليج والله
احلام: منو هذا
زهراء وهي تذكر وجود علي: هااا تعال علي... ماما هذا علي صديقي بالجامعه
احلام وهي تهمس لزهراء: يمه ماشاءالله شون حلو
زهراء: هاا حطيتي عينج عالولد 😉
احلام: انجبي لج... يي شونك وليدي
علي: منيح عمتي وانتي كيفك.. معافاية ان شاءالله
احلام وهي تجر زهراء : ولج يمه هاي شنو اردني؟
زهراء : يي ماما ابو عراقي بس امه اردنيه
احلام: ولج اردني وحلو شتريدين بعد
زهراء: هههههه دجاوبي الولد جاوبي
احلام: الحمدلله يمه تسلم
علي: زهراء يلا اني اوصلكم للبيت
احلام: اها تحجي عراقي
علي: اي عمه هم بتعلم كلمات وكلمات خبط
احلام: اها ماشاءالله
طلعنا كلنا ووصلنا علي لبيتنا ومقبل يفوت وراح جانت الدنيا صايره ليل تقريباً كمت بدلت وسويت عشه وتعشينا وحاجيت طيبه وطمنتها وصعدت نمت

ثاني يوم.....
كعدت لبست تنوره سوده وقميص ماروني وشعري سويته ضفيره صفح وبوتين اسود ومكياج خفيف ونزلت جوه...

وصلت للجامعه طبيت للقاعه وشفت علي
زهراء: علي انت هنا؟
علي: اي
زهراء : توقعتك اكبر
علي: اي هو اكبر بس انا تركت سنه فصارت هون
طيبه: هاااي گايز....( باوعت ع علي بصدمه) انت انت جميل الكلييييهه
علي: شو؟
زهراء وهي تگرصها: فضحتينه ولج
طيبه: لج هذا الاردني الحلو ويانه واووو اني طيبه😊
علي: هههه علي
طيبه: تشرفنا
علي: الي الشرف
امير: صباحو علي
طيبه: انت منو؟
امير: صديق علي وانتوا؟
زهراء: ههه اتشرفنا
امير: علي توقعتك اكبر
علي: اي مهو تركت سنه
امير: هااا اني هم
الاستاذ طب... السلام عليكم...
الكل رجع لمكانه وهو يستمع للمحاضره.....

الدكتور هشام: وبكذا انتهى هذا الموضوع  احد عنده سؤال او استفسار؟
علي: انا في عندي سؤال
الدكتور: شنو هو
علي: استاذ هلئ اذا كان في سن بالفك السفلي مئلوع السن بالفك العلوي حيتاثر شي؟ 
الدكتور: اكيد لان السن بالفك العلوي حيبدي ينزل
علي: دكتور كيف يعني بينزل بتقصد انو السن بالفك العلوي حيبلش يطول فبيعوض عن سنين ايش هالمعلومه الغريبه مش منطق
الدكتور: عفوا ممكن اعرف عقلك شلون ترجملك هيج
علي: ماانت يادكتور حكيت هيك
الدكتور برفعه حاجب ويقلد: ممكن اعرف كيف حكيت هيك
علي: مااانت حكيت السن بينزل
الدكتور: كلت ينزل ماكلت يطول
علي: كيف يعني
الدكتور: اقصد ينزل مقارنه ببقيه الاسنان بالفك العلوي وشويه وشويه يظهر جزء من الجذر
علي:طب وبعدين ايش بدو يصير
الدكتور:بمنو
علي:السن اقصد يعني بيضل هيك انو الجذر (وبلغه ركيكه) مبين
الدكتور:اكيد لا حيصير مؤلم فيقتلع لان محتبقاله فايده اذا ماعوض السن بالفك السفلي
علي:ييي عنجد
امير بضحكه:لا عن خال
علي:مافهمت كيف خال
امير:ههههه
الدكتور بعصبيه: انت وياه متفقين تكلبون محاضرتي مسخره صحيح اسالتك من البدايه غريبه واني اجامل اكول ميفهم بس لهنا واخلص اطلعوا برى
علي: لا دكتور مو هيك الموضوع
الدكتور:احجي عدل وبعدين قابلوني نهايه السنه وشوفوا درجاتكم على هالمسخره وقله الادب
زهراء:لا دكتور مو هو اردني ويحجي عراقي مكسر
الدكتور:اضحكي على غيري بهذا الحجي يلا اطلعوا برى انت وياه
زهراء:بس دكتور ماجان قصدهم
الدكتور:اذا كلش هاميج تفضلي انتي برى هم
زهراء وتفتح حلكها:هااا
علي:دكتور ممكن لحظه بدي فهمك  الموضوع
الدكتور بعبصبيه:لا ماابدي افهم الموضوع
امير:ههههه عديته
الدكتور:امشوا برى
طلع امير ووراه علي
الدكتور:انتي هم يلا
زهراء:ها
الدكتور:يلا
طلعت زهراء
طيبه:هههههههههههههه
الدكتور:تفضلي انتي هم وياهم
طيبه:ليش دكتور
الدكتور:حتى تعرفين شلون تضحكين يلا
طيبه بداخلها:وجع يالنفسيه طلعت ولكتهم واكفين بنهايه الممر
امير: هههههه انطردتي هم
طيبه: وجع نفسيه ماسوي شي بس ضحكت
زهراء: احسن حتى متضحكين علينا ههه
علي: طيب انا لحد هلئ مافهمت حكيت شي غلط
الكل: هههههه
امير: ماعليك ماعليك ههههه
علي: اني لازم اتعلم عراقي لان حتورط وانطرد عن ئريب
الكل: ههههههه
منال: عليييييي... الطالب الجديد وااو
علي: شوفي اليوم🤦🏻‍♂️
منال: انت الحلو ممكن المسك
علي:ممكن تبتعدي عن وچي
منال: لا لا يحلوو
علي ( بصيحه خفيفه): بعدددييي
الكل انصدم بعصبيته ... هو عافهم ومشه وراحوا وراه
زهراء: يااا متوقعتك عصبي هيجي
علي: ههههه لان مصار موقف ئدامكن ... انا عصبي كتير بس هالشي مانو بيدي يعني
امير: اكول امشوا ناكل ماطول مطرودين
طيبه: اييي اني جوعانه
راحوا للكافتيريا كلهم..
علي: اكلكم
امير: وااو اكلكم
علي: ههههه تره ا؏ـــرف عراقي مو مااعرف بس مو كتير
زهراء : كول كلش مو كتير
علي: اها كلش... المهم اكو جيرانه كانو عراقيين يكولون كلمه غريبه
طيبه: هي؟
علي: شكه مكه
زهراء : شنو شنوو!؟
طيبه : هذا هندي مو عراقي خيو
علي : مابعرف
زهراء: كول شمدريني
علي: شمدريني
امير: دقيقه دقيقه كلت شنو
علي: شكه ماكه
امير وطيبه وزهراء مره وحده: شكوو ماكو؟!
علي: ييييي هي
الكل : هههههههههههههه
علي:لك شووووفييي
زهراء : شكه ماكه😂😂😂😂
علي :واني شمدريني
طيبه: بسرعه تتعلم عفيه
علي: عندي أوليات
زهراء: شكو ماكو يعني شون الاخبار هيج شي
علي: اها شكو ماكو
امير: خلي ناكل
علي: انا رايح جيبلكم
زهراء : حجي اشرف ميفتهم كلشي منك امشي
راحوا زهراء وعلي يشترون من الكافتيريا وامير وطيبه ينتظرون
هدى: امييييييررر حبيبي
امير: انتي منو
هدى: ولك يول البارحه جنت تحاجيني
امير: يااا صدك ديلا امسحي رقمي لعد
هدى: بس اني احبك
امير: اهااا مو هذا اتفاقنا تره
هدى: اي صحيح باي
طيبه: ماشاءالله مكبل ويه نص بنات الكليه
امير: ايي تكبلين هم؟
طيبه: هههاي ... مستحيييل

عند زهراء وعلي....
زهراء: يلا علي مثل مكتلك
علي: كي.... اقصد شونك عمو
اشرف: هله هله
علي: اريد 3 قواطي ببسي و3 شوكلاتة
زهرراء: نستله
علي : نستله
اخذنا ورحنا ووو

ستوووب💓💓
ادري گصير بس والله ظروف بس مااكدر ماانشرلكم♥️
توقعاتكم🤍🤍