الحب النقي(مكتمله)

بارت 6

صباح الجامعة....
زهراء وهي تنزل من الدرج وادندن...
يل ماخذني من دنياي
بعد ابعدني عن ناسي
واحتل  روحي كد مابيك
دك بگلبي وبراسي
وماحست الا احد يكمللها الاغنيه منوراها
علي: حبك صاير ادماني
حنيه وحب انطاني
يلمثلك ولا ثاني
ياعمري انت يالغالي
زهراء ( بأبتسامه): فتحت عيني بحبك
وماشفت شي بس گلبگ
اويلي لك احبك
علي: بگلبي ماكو عالم
بس انت وحدك نايم
من صدك اطلع ظالم
لو شفت واحد ثاني
الغالي مسميك
وبگلبي مخليك
وبروحي اني شاريك
يابعد عمري انت

زهراء: هههههه حافظها
علي وهو بنزل ويمشي وياها : ييي اغنيتي المفضله
زهراء: هههه اي حلووة
علي( وهو يلتفت عليها ويحجي بهمس): شبي وجهج؟
زهراء ( ارتبكت): ش شنو شبي
علي: ههههههههه
زهراء بداخلها( ليش هيجي ضحكته حلوه ورجولية وعطره سابقه وشخصيته ) ابتسمت ودنكت
علي (دنك راسه عليها بطفوله وهو يباوع بعيونها بأبتسامه): حسبقج للكافتيريا اطلب اكل تعاي يلا
مشه علي.. گلبي دكاته الف دك دك دك بسرعه هاي شبيه

علي.... سمعتها وهي تدندن الاغنيه... متدري هاي الاغنيه كل مااسمعها اتخيلها الها مااعرف ليش بيها شي مثل المغناطيس يجذنبي الها...
شفت خجلها مبين عليها ههههه عفتها ومشيت للكافتيريا داطلب اكل وجتي هالفزاعه هاي
منال: هلاااو علي
علي: هله
منال: شونك
علي: بخير بخير.. يلا اسمحيلي... وعافها وراح
منال( والله يعلي الا اخليك تتخبل وهاي زهراء الي لاطش بيها اعلمها )
زهراء......
اجييييت
علي ( بأبتسامه): هله بيج
...: ااااااااا
علي وزهراء التفتوا بسرعه شافوا منال تصيح راحوا ركض لگوا منال بالگاع
علي: منال منال.. بيج شي؟
منال: اااه راسي راسي
زهراء: اوكف خل اجيب مي
رحت داجيب مي ورجعت لگيت منال لازمه علي وتباوعله بنظرات اهتمام زايد .. وكع بطل المي مني وركضت بكل سرعتي... بكل سرعتي واني ابجي واناشغ مثل الطفل شافني امير
امير: زهراء شب... بسرعه جلبت بي ردت احس بالامان
امير وهو يلزمها ويكعدها ويهدئ بيها: زهراء شبيج اهدي عيني
زهراء ( وهي تجيها النوبه مال صرع): ااا اٰ امير امير
امير: ها عيني بس ع كيفج شصايرلج
اجه علي يركض: زهراء زهراء خليني افهمج
زهراء وهي تحط ايدها ع اذنها وتبجي: عووفني عووووفني
طيبه( جتي وهي تركض):ززززهراء
امير: تعاي طيبه شوفيها شبيها
بسرعه زهراء وخرت عن امير وحضنت طيبه
طيبه: اش اش ميخالف ميخالف حبيبتي
زهراء:طيبه طيبه هم عافني... كلهم عافوني لان احبهم.. مااحب بعد احد بس خلي يبقون يمممي اهي اهيي( حجت وهي تبجي)
علي ( يحجي بصدمه وقهر): بس اني معفتج زهراء بس احاجيج
زهراء: ماريد ماريد وخر عوفني
علي: مو بكيفج منا ورايح... بسرعه سحبها عليه يريد يحاجيها
زهراء توخر بي : وخر وخر اذا هيج سويت معناها حتبعد اني ادري اهئ اهئ
علي:لااا ماابتعد والله ليش هيجي دكولين
زهراء ( وهي ترفع راسها عليه وتحجي بشهگة): ۑ ۑ يعني مت متعوفني ؟
علي( باوع عليها وصفن بعيونها راد يكولها احبج بس تمالك نفسه الما يتأكد): مااعوفج والله
زهراء (جلبت بي وهي تبجي بقووه): علي اني خايفه
علي( هزته هالكلمه حيل ): لتخافين ابد
امير( بهمس): تعاي اداريج هيجي
طيبه: وخر عني يلا😒
امير: اها هيجي
طيبه: اي نعم هيجي
امير: عادي من حورج نص البنات يركضون عليه
طيبه( والله لاعلمك ههه ): يي خليهم يفيدوك هم ذوله امثالك مو اني.. وعافته ومشت
راحوا للكافتيريا....
امير( وهو يهمس لعلي): شصار ولك
علي: ذيج بت الاوادم كعدت تتمسكن وزهراء شافتها
امير: ولك اني كلهم كبلوا محد هيج سوه انت الثگيل هيج يسوون بيك؟ شصار
علي: من راحت طيبه تقربت تعترفلي بحبها بسرعه دفعت ورزلتها وجان زهراء راحت ولحگتها...
امير: هااا بس قهرتني مشفت منظرها اول مشافتني وكعت من الخوف م
علي: انطم بعدين احاسبك
امير: عليييي تحبهاا!؟؟
علي: ها.. مادري امير اريد اتأكد مااريد اكلها واني ممتاكد
امير: همممم نشوف