طلعت زهراء بالشارع وهي تركض.. متعرف وين تروح وشتسوي... طيبه متكدر تروحلها لان مو طبيعي ببيتهم... بقت تركض وهي تبجي وحافيه رجلها كلشي مابيها بقت تركض تركض ودموعها تنزل داست ع كزازه ودم ينزل من رجلها وهي تركض بأسرع قوتها وتتذكر من حاول يتحارش بيها قبل وبوقتها قيس هو الي انقذها بقت تركض تركض تريد امان تريد.. تريد علي.. بقت تركض شافت روحها گبال بيت علي والهواء قوي ومطر ورعد وماعدها تلفون تدكله بقت حايره وتبجي كبال بابهم بشهگة...
علي... نايم وشباك غرفتي مفتوح ويجي هواء قوي منه ... حسيت هالهواء والمطر والرعد كمت اسد الشباك.. سمعت صوت بجي وشهگات... بس هالصوت اعرفه اني مد راسه وشاف خيال بنيه ممبين منيه... نزلت گبل وفتحت الباب ماحسيت الا احد كامز عليه .... ابتعدت اشويه وشفت الصدمه...
علي: زهراااااءء
زهراء ( ببجي وهي ترجف): عليي علي خايفه خايفه
علي ( وهو مصدوم): زهراء حبيبي شجابج هنا ليش مگليتيلي وشبيج هيجي حالج شبيييج
زهراء ( وتبجي وتشهگ): ع علي علي خايفه خايفه .. وخربت
علي : زهراء زهراء كومي... بسرعه شالها وصعدها لغرفته بهدوء سد الباب وهو يحطها على القريوله مالته ويضرب خدها بخفه
علي: زهراء زهورتي فتحي عيونج فتحي
فتحت زهراء عيونها ببطئ شافت علي گبالها لا ارادياً بجت : علي علي خايفه علي ضمني منه احميني منه عليييي اهئ
علي تخبل وهو يشوفها هيجي يريد بس يطمنها ويهدئها شربها مي وهو يحجي : اشش بس بس راح راح اني يمج لتخافين من انتي ويايه... الي يمسج ولو بورده يحكم على روحه بالاعدام.. لتبجين... انتي يمي ومحميه ابد لتخافين آليدنالج ابد ميعيش ثانيتين
زهراء( ببجي وهمس وره مهدئت بحضنه): علييي
علي ( وهو يرفع راسها وهو يباوع بعيونها ويحجي بهمس): روحه وگلبه وعشقه وسنينه وحياته وعيونه لعلي انتي... تقرب عليها وهو يبوسها بهدوء بگصتها( بجبينها) اشش يلا لتبجين ولتخافين
زهراء ( وهي ترجف): علي تحارش بيه علي يريد يتعدى عليه علييي
علي ( حس روحه دخن من العصبيه): منو ولج منوووو هذا الي تجرء يتقربلج احسب امه مجابته
زهراء ( وهي تبجي): محمددد
علي: انعل عشيرته هذا منوه
زهراء: ابن خالتي
علي: كافي اني اتصرف
زهراء ( وهي تبجي وتحجي ): لا لا لتسوي شي بس احميني خليك يمي خليك قريب مني لتعوفني علي اوعدني متعوفني مثل البقيه مااتحمل بعدك عني بعد علي ...( ورفعت عينها عليه) احبك علي احبك اعشقك لتعوفني لان كلتلك الله يخليك لتعوفنيييي ( وهي تبجي بغزاره)
متحمل علي حجيها ومنظرها وخوفها من بعده عنها... حاول يهدئ بيها ..
علي: هاي شنو رجلج
زهراء: واني اركض طبت كزازه بيها
اخذها علي وفوتها للحمام... غسل رجلها وجاب علبه الاسعاف الاوليه لف رجلها طلع دشداشه من هدومه... ومدلهيا ... كعد يمها وحجه بأبتسامه رجوليه : يلا سبحي ولبسي هاي اني انتظرج بره.. طلع علي من الحمام..
فتحت زهراء الدوش وهي تذكر وتنفض الافكار من راسها... لبست الدشداشه وطلعت... لگت علي كاعد عالقريوله رفع عينه عليها وهو شارد بالملاك الي گباله.. شعرها مبلل دشداشته وخدودها وخشمها حمره من البجي .. سحبها وكعدها مشطلها شعرها ونشفلهيا بالشسوار حتى متمرض كومها وحطها عالقريولته .. وهو ماخذ عهد مينام بنفس الغرفه وياها الا يخطبها وتصير حلاله.. غطاها وهمسلها...
علي: لتخافين واني يمج ابد.. وايدي متعوف ايدج طالما اني عايش
ابتسمتله زهراء بكل حب نامت وهو طلع بره..
ثاني يوم...
كعدت زهراء على حركه على وجهها فتحت عيونها.. وشافت علي مبدل وعطره تارس الغرفه ولابس الساعه ومسوي شعره... ويحرك ورده بيضه على وجهها..: صباح الورد زهورتي
زهراء( كعدت بأبتسامه): صباح الخير علوش
علي( وهو يمدله علاگه كارتونيه): مااعرف اذا حيعجبج ذوقي لو لا
زهراء: هاي شنو.. هههه ملابس
علي: يي ورانه دوام يلا مضللنا وكت
زهراء: علي امك شلون
علي: لتشيلين هم حاجيتها وطلعتلها حجه يلا خلصي وانزلي... تقرب علي باس راسها ومدلها الورده وطلع..
طبت زهراء سبحت وطلعت من العلاكه الملابس هاي👇🏻
أنت تقرأ
الحب النقي(مكتمله)
Romanceفتاة عراقيه... وشاب بأطباع اردنيه ...يتلاقون صدفه... ويحدث احداث ليضطر ان يبتعد عنها... فياترى ما هي هذه الاحداث ؟ ..
