الحب النقي(مكتمله)

بارت 8

حبايبي اسفه كلش انگطعت عنكم هاافتره بس والله عندي ظروف ومداكدر اكتب... وهسة استمتعوا...♥️♥️

ثاني يوم
كعدت طيبه الصبح اخذت شاور وبدلت
وحطت ميك اب وسوت شعرها ونزلت
طيبه: صباح الخير
فاطمه: لاصباح وله خير شعندج نايمه لحد الان
طيبه: عندي امتحان وجنت ادرسله وتاخرت
فاطمه: الي يسمه مشرمتها مو كل شويه جاي ابوج للكليه اني اكول خليج بالبيت واخدميني احسن فوك مامبتليه بيج عيشه تكرف وين الله راسبه و عافتها وراحت
طيبه هذا الحجي اثر بيها كلش لو جانت امها موجوده جان دعتلها تنجح وماخلتها تطلع بدون متاكل شي نزلت دموعها وهي تفتقد امها  مسحتها وهي تباوع على الساعه تاخرت وعدها امتحان اول محاضره
طيبه وهي تكعد: صباح الخير
زهراء وامير وعلي: صباح النور
زهراء: شلونج بالامتحان
طيبه بهدوء: صعب دااراجع بي
علي: حكوم تجيب قهوه تعاي زهراء ويايه حتى تشيليها
زهراء: اوك جيت
طيبه وعينها على ملزمتها بس تفكيرها كله باللي صار وبامها وبدون متحس نزلت دموعها على كتبها مسحتها ورجعت نزلت دموعها مره ثانيه
امير الي جان مشغول بتلفونه رفع راسه وهو يشوف طيبه تبجي
امير: شنو شبيج
طيبه: شبيه
امير: ليش تبجين
طيبه: مداابجي
امير وهو يمد ايده ويمسح دموعها :هاي شنو لعد
طيبه: تحسست عيني من الجو
امير:اضحكي على غيري شنو شبيج
طيبه وبدون متحس على نفسها دموعها رجعتتنزل اكثر واكثر
امير اخذها لمكان فارغ
امير:هسه كوليلي شبيج
طيبه: وله شي
امير:حكفخج كولي شبيج
طيبه بدموع :ها
امير:ومدها منو مبجيج
طيبه بداخلها هذا شبيج مااعرف ديجاملني لو يسبني: مشاكل عائليه
امير:يي شنو هيه
طيبه:عائليه
امير: من بدايه السنه واني مصادقج اعتبر من العائله اخوج لالا دقيقه انتظري مو اخوج اعتبر شي المهم شبيج على الاقل احسبي العشره والملح الي بينه واحنا ننطرد من المحاضرات
طيبه وهي تضحك من بين دموعها:ههه
امير:يي هيج اضحكي هسه شبيج
طيبه:خلص راحت الدموع ضحكت
امير:يااختي اني حشري اريد اعرف
طيبه بحزن:مشاكل مع مرت ابويه فاطمه وكذا سمعتني كلام واشتاقيت لامي وبس
امير:يمعوده كل هالدموع علمود فطيم بعدين اني امي شخصيا تسمعني كلام طالع نازل حتى تكفيخ كفختني كدامج
طيبه: دعت عليه ارسب
امير:مو الي يسمع نجاحج واكف عليها هالفطيم
طيبه:واذا مانجحت
امير:لا يااختي تنجحين وتعرفين تجاوبين اني من منو اغش املي على الله ثم عليج
طيبه:هههههه ياحقير
امير:يي هيج اضحكي متستاهل هالفطيم
طيبه:حرفت اسمها
امير:تستاهل
امير مدلها بطل مي
طيبه:هذا ايمته جبته
امير:مااعرف جان كدامي وشفتج تبجين جريته وجريتج حتى اتحضر للازمات بكافه الاحتياجات
طيبه:ههههههههه طيب بعد كلنكس ماعندك
امير:افا عليكي ههه وهو يطلع من جيبه كلنكس تفضلي مدموزيل
طيبه:هههه يسلمووو
طيبه: الاكي عندك مسكارا ومرايه اعدل شكلي
امير:ترى امير قسم بالله مو مول
طيبه:مامتحضر كفايه للازمات المرى الجايه تحظر زين
امير:لا ماكو مرى جايه انشاء الله ههههه
طيبه:بعد هالامتحان اشك ماكو
امير:هيي لتهبطيني دااكول املي عليج وهو يكعدها على الكرسي يلا ادرسي حتى انجح
طيبه:يالله شكد نذل
امير:هههه
عند زهراء وعلي
علي:عمو شريف اربعه قهوه
شريف: صاير تعرف تحجي
علي:هاا
زهراء:هههههههههه
علي:هسه اني مااعرف احجي
زهراء:يقصد لهجتك هههه
علي:نمررها ههههه
اخذوا زهراءوعلي القهوه ورجعوا وبطريقهم
سعد:هلو زهراء شلونج
زهراء:تمام وانت
سعد:تمام دووم
سعد:شلونج وبه الامتحان
زهراء:صعب والله
علي الي عصب من هالسعد وماطاقه ابد سوه نفسه تعثر ونطشت عليه القهوه
سعد:هااي شنو
علي:سووري تعثرت وانطشت بالغلط
سعد:احتركت يالله متنتبهه
علي  بداخله تحترك كلك انشاء الله
علي:روح اغسلها حتى متحركك
سعد: يلا باي زهراء وراح
علي: كلعه
زهراء:تعمدت
علي:لا شعندي وياه اول مرى اشوفه
زهراء بضحكه:اهااا
علي بنفس الضحكه:اهااا
وصلوا وكعدوا بصف امير وطيبه
علي وهو يمد القهوه لطيبه وزهراء
امير:واني مامعبي عينك
علي:تعثرت ونطشت مو من نصيبك
امير:اثول
علي:انجب
طيبه:اني ماحبها حلوه اخذها
امير: لا مااريد
طيبه وهي تاخد ايده وتنطهيا كلت مااحبها وله جان ماانطيتها الك
امير:تعرفين النذاله
طيبه:يي اعرفك
امير: الله يرحم قبل شويه الدلوعه اكول ادرسي زين احسن مااريد ارسب
طيبه:انجب
دخلوا كلهم للامتحان وبعد ماخلصوا الامتحان
زهراء:الاسئله سهله جتي
امير: يي ماحتاجيت اغش راح تعبج طيبه ههه
طيبه: انجب ههه
وانتهى اليوم...