امير.... جنه كاعدين بالكافتيريا وكل شويه طابه بنيه هہــ,ـلو حبيبي وشونك... واني حتى اسمها اكون ناسي😅
علي وزهراء وطيبه.. كلش حبيتهم.. وصاروا اصدقائي صدك.. مرت ايام واحنا سوه علي تعلم عراقي وصار يحجي عراقي كله تقريباً ماعده كم كلمه اردنيه...
زهراء... قوت علاقتي بعلي.. اخذ رقمي وصار يدكلي نعيب ع الاساتذه ونضحك جانت لهجتة كلش حلوة.. مكسره عراقي ع اردني ... كلش احب كلامه... وطريقته ... جان شخصيه كلش... بنات الكليه كاتلين روحهم عليه... بس هو ثگيل وعصبي وفكاهي بنفس الوكت...
علي... قوت علاقتي بأمير وطيبه .. اما زهراء جنت احسها شي خاص... هههه اني كمت احجي عراقي لتتفاجئون يعني... زهراء جان شي بداخلي مااكول حب لا بس يجوز اعجاب هيجي .. جانت طفوليه بشخصيه جدية.. متحمله مسؤلية... وجانت كلش گلبها طيب.. تأقلمت ويايه حيل.. وهاي وحده اسمها منال اموووت منها... يوميه تجيني
طيبه.... علي وامير كلش ينحبون... علي شخصيه وثگيل بس دمه خفيف... اما امير زير النساء عساس نص بنات او بالاحرى كل بنات الكليه يركضون وراه ويعرفوا ومكبل وياهم... ماشاءالله عليه
ثاني يوم....
بالجامعه متجتمعين امير وعلي وزهراء وطيبه وهم عدهم امتحان
زهراء: يمممه ميته خووف باعوا باعوا ايدي شون ترجف ( وهي ترفع ايدها)
علي لا ارادياً رفع ايده ولزم ايدها بمرح: يمعوده هدي هدي تره مو فاينل هذا اعصابج
زهراء جرت ايدها بخجل : اااا ا ادري بس والله صعبه
طيبه: امير ارطن
امير: شنو
طيبه: تبدأ الأسنان اللبنية بالظهور عند الإنسان في عمر؟؟؟
امير: سته سنين
طيبه: شنو شنو... انت اول ابتدائي يلا يطلعلك سنون لبنيه؟!
علي وهو يضرب امير ع راسه بالمحاضره: سته اشهر يغبي
زهراء: ههههههه
امير: عجبتج الكتله تضحكين
طيبه: ميلام بيك
علي: زهراء يتراكم على الأسنان أحياناً طبقة تسمى
زهراء: بلاك والجير
امير: بلاك لو وايت هي هي هي
طيبه: لا ريد كي كي كي
زهراء: تافهين
امير: علي تعتبرماده .... من المواد المهمة جداً للأسنان، لذلك يجب استخدام معاجين الأسنان التي تحتوي على....
علي: ماده الفلورايد
زهراء: برررااافووو👏🏻
زهراء: طيبه يتكون السن من جزءٍ ظاهرٍ لونه أبيض أو عاجي، ويسمى ..
طيبه: التاج
زهراء: عفيييه
امير: يعني هسة الكل قاري بس اني؟
الكل: ييييي
امير: ساعدوني بروح امكم
زهراء: اني بعيده عنك اصلاً
علي: اني هم مو يمك
امير اندار ع طيبه الي دتدرس وبقه صافن عليها بخبث
طيبه شافت الكل هدئ رفعت راسها شافت امير قريب ويباوعلها اشرت براسها شكوو
امير: طيبه طيبه ساعديني غششيني
طيبه: لاااا والله ما
امير: حبابه حبابه
طيبه: هئ هئ تؤ
امير: يباوع بنظره دامعه
طيبه: ههههه لا
امير...
طيبه: لتباوعلي هيجي وخر ههههه اووف زين
امير: يااي عفيه عفيه هاي الصديقه السند احسن منكم
علي: دخلي اتفيدك وصم حلكك
طيبه: ايبااه عراقي صدك صم حلكك
علي: الي يعاشر زهراء شيلگه؟!
زهراء وهي تضربه بالمحاضره: تأدب يول والله مااعلمك بعد
علي: لا لا اعتذر مقصدي يمعوده اخذيها ايجابي مو سلبي شبييج
زهراء: همممم
امير: ولكم حيبلش الامتحان امشششووا ركضضض
كاموا بسسررعه وهم يروحون للقاعه...
طبوا وطب الاستاذ
الاستاذ ادهم: السلام عليكم طلاب جاهزين للامتحان؟
الكل: نعم استاذ
الاستاذ ادهم: يلا حبلش اوزع
زهراء ( بهمس): علي علي
علي: شنو
زهراء:جراحه اللثه تعريفها نسيته
علي ( بهمس): جراحة اللثة (periodontal surgeries): وهي عملية جراحية تتم على اللثة لغايات تعديلها أو تجميلها أو لعلاج أمراض تصيبها
زهراء: يسلمووو علوش
علي: ههه ولو بالخدمه
استاذ ادهم: شنو هاي دتسولفون!!
علي: لا استاذ طلبت قلم مني وعطيتها
استاذ: اها تفضلوا يلا وبلا كلام
بدوا يمتحنون...
امير ينغز طيبه من وره: طيبه طيبه
طيبه: ول هاا
امير: وجع وخري شويه اشوف
طيبه: لا حول لله ( وهي توخر) تفضل
امير نقل وكمل وهي بدت تحل غير سؤال وتشوفه كل ميروح الدكتور تشوفه
بعد ساعه....
طلعت زهراء من الامتحان وطيبه...
طيبه: بشرري
زهراء: تمااام الحمدلله وانتيييي
طيبه: يااي اني هم تمام... بقوا علي وامير امشي ننتظرهم بالكافتيريا
زهراء: تمام يلا
راحوا زهراء وطيبه وهم ينتظرون علي وامير يطلعون من الامتحان...
علي: اجييت
زهراء: بششرر
علي: هههه تمام.. عطشان بدي مي
زهراء: اريد مي
علي: اي اي اريد مي.. حجيب واجي
اجه امير: هلاووو
زهراء: هاه بشر
امير: تمامم
رجع علي جايبلهم قواطي ونساتل كعدوا ياكلون...
منال: شووونه العسل
علي وهو يسد البطل: استغفرالله
منال: شبيك تره يعني لان حلو هيج شايف نفسك علينه خف شويه عيني
علي: شوبدك
منال: لكك يييه فدوه لالله شون كلام ولهجة خرب
علي: تروحين من وجهي احسلج تره زودتيها
منال: رايحه عيني بس مردك الي يحلو
زهراء: عجيييب ماكو هيج لطششه ابداً
خلص اليوم طبيعي... وكلمن رجع لبيته..
علي... اني احجي عراقي بس ويه اهلي اردني: اهلين امي
هيام: لك اهلين بهالطلة.. مايحرمني منا يارب
علي: هههه تسلمي... امي جوعان كتير هاه
هيام: لك يخسى الجوع روح غير تيباك واني صبلك اكل
فاروق : سلام عليكم
علي: اهلين بابا
فاروق: اشو اردني مو عراقي
علي: مو امي اخاف متفتهم
فاروق: هااا هيام صبي الاكل
هيام: اي ليكني ئايمة
امير....: جان اني اجيت
استبرق: وشسويلك
امير: سوي غده حبيبه غدييي
استبرق: روح بدل سلاباتك تلگه طفحك جاهز
امير : طفحي!... اخ ياربي صبرك
استبرق: شبيك يمه احب اشاقيك
امير: اي صحيح يمه لعد چا شلون اني طلعت هيجي صايع
استبرق: شقصدك يوليد
امير: ولا شي غلاي رايح ابدل
طيبه... رجعت للبيت.. طبعاً الي متعرفوا اني امي ميته وعايشه ويه ايويه ومرته ... مرته تعاملني كأنوا خدامه.. بس عايشه حياتي بسكوت عدها بنيه وولد.. بنتها صف خامس اعدادي وابنها بعده ابتدائيه
طيبه: سلام عليكم
امجد( ابو طيبه): هله حبيبتي
فاطمه: هاه هله شرفت العروس
سعد: يوم يوم جوعان اريد اكل
فاطمه: يي هسة طيبه تسويلك يلا بدلي وتعاي صبينا الغده
طيبه( بداخلها): صبرني ياربي...: حاضر عمه
ستوووب💙🤍
شون الحباااييب الحلووين... هاي احلى بارت... ممكن تصوتون وتدعموني وعلقولي ليش بس تقرون☹️... القصه حتبلش تحلى عن قرريب🤭
احبكم💗🙈
أنت تقرأ
الحب النقي(مكتمله)
Romantiekفتاة عراقيه... وشاب بأطباع اردنيه ...يتلاقون صدفه... ويحدث احداث ليضطر ان يبتعد عنها... فياترى ما هي هذه الاحداث ؟ ..
