الحب النقي(مكتمله)

بارت 12

طبت زهراء وشافت الصدمه... جان خالتها وابنها يمهم ابنها محمد عمره 27 سنه تحارش بيها مره ويذبلها حجي وسوالف هي حيل متحبه
ام محمد( اسماء): هہــ,ـلو زهوره شونج
زهراء ( ببرود): هله بيج خاله
محمد: شـ☽ــ.ـونـ.ـج زهراء
زهراء: بخير تسلم... يلا عن اذنكم اروح اغير لبسي...
طبت للغرفه... اوو هسة وكتهم ذوله جايين شعدهم گطيعه يربي بلشنا ويه محمد هذا گبر
احلام( تصيح): زهراء يلا الغده
زهراء: اي ماما جاية
لبست تراك بيت ورفعت شعري ذيل حصان عالي ونزلت.. كعدت عالطاوله طب محمد كعد بالكرسي الي بصفي.. بلشت رحمة الله... گضه الاكل كله ايده تطخ بيدي واني واوخر اخر شي شمرت الخاشوكه وكمت: دايمه
احلام: مااكلتي حبيبتي
زهراء: شبعت... وصعدت وعفتهم

علي...شونج ماما
هيام: شو؟
علي: شـ☽ــ.ـونـ.ـج يعني كيفك
هيام: اها شـ☽ــ.ـونـ.ـج علي
علي: هههه لا امي شونج مؤنثه شونك مذكر
هيام: اها شونك علي
علي: ههههه زين
هيام: دوماتك يئلبي
علي: ههههه فديت وجهج حبيبتي.... الا اكول ابوية شوكت يوصل
هيام: تأجلت سفرتوا على اسبوع البعدو
علي: هااا الله ييسسر يلا صاعد انام

طيبه... بقيت اتمركص واهز جتف واني فرحانه ودك الباب اهووو اجوي ... رحت فتحت الباب وماحجيت كلشي عفتهم وصعدت

امير...طلعت ويه اصدقائي شوية ورجعت للبيت سبحت ودأنام ودك التلفون
امير: الو
يقين: الو هہــ,ـلو حبيبي الناسيني
امير: منو
يقين: شبيك امير اني يقين
امير( وهو يحاول يتذكر): ها يقين هہــ,ـلو
يقين: مشتاقتلك
امير( ببرود): شكراً تسلمين تشتاقلج العافية
يقين: مشتاقه احضنك
امير حس بلعبان نفس: احاجيج بعدين .. وسد الخط.... اني شبيه شجرالي؟... هاي يقين جنت احاجيها 24 ساعه مو حباً بس هيج ونسه.. هسة تلعب نفسي من حجيها ... لاارادياً لگيت نفسي ادك ع طيبه
رنه رنتين....
طيبه: الو
امير( حس بأرتياح لسماع صوتها): ه هلو طيبه
طيبه؛ هله امير شونك
امير: الحمدلله وانتي
طيبه: تمام بخير
لحظة صمت بس انفاسهم تنسمع
امير( بتنهد): طيبه
طيبه: همممم
امير: و ولا ولا شي خلص باي
طيبه: باي

سديت الخط واني ماريد اسده ... مااعرف اريد احاجيها بعد مجرد اسمع انفاسها... دكت يقين غلقت التلفون ونمت..

ثاني يوم....
طبت زهراء للكافتيريا ولگت طيبه وامير كاعدين
زهراء: شــــونــــكــــم
طيبه: تمام وانتي
زهراء: الحمدلله زينه
كعدت زهراء وشمت عطر شال الكافتريا غمضت عيونها وهي تستنشقه وفتحت بأبتسامه
علي: صباح الخير
الكل: صباح النور
كعد علي بصف زهراء: شونك يحلو
زهراء ( بخجل): تمام وانت
علي : بخير بشوفتج
امير: يلا كوموا عدنا درس عملي
كاموا كلهم عالوكرات(الخزانات) مالتهم ياخذون الصداري .. فتحت زهراء اللوكر مالتها وكعت ورده حمره... بيها كارت مكتوب بي:( انت القصه التي لا اريد ان تكون لها نهاية) ابتسمت وهي تشم الورده رجعتها ولبست صدريتها وراحت.... شرح الدكتور طريقه قلع السن وشلون يقلعوا... مشه اليوم عادي

رجعت طيبه للبيت صعدت بدلت ونزلت تغدت وغسلت مواعين..
فاطمه: طيببه تعاي اريدج بموضوع
راحت طيبه وكعت يمها... وسمعت الشي الي صدمها وخلاها تنشل كل خلاياها...

رجعت زهراء للبيت وشافت محمد ونظراته... راحت تغدت وصعدت نامت كعدت المغرب نزلت اكلت شويه وصعدت قرت ورجعت نزلت عالعشه وصعدت حضرت هدومها باوعت عالساعه 1:30 بليل اوووه شكد طولت بسرعه لفت راسها ونامت بتعب... وماحست الا الباب انفتح.. فتحت عيونها شافته محمد
زهراء: محمد شدسووي اطلع برره
محمد وهو يتقدم : زهراء اني زهراء احبج مااتحمل زهراء
وفجاة تذكرت بيوم الي تحارش بيها تخبلت وجتها مثل الحاله دفعته وطلعت تركض للشارع ....

ستووب🌸