الحب النقي(مكتمله)

بارت 14

امير بعصبيه: احبج
بقت طيبه منصدمه وساكته معرفت شتحجي
امير: متعجبه مو عبالج اضحك عليج موووو مووووو
طيبه: ا ا ا امير شبيك على كيفك
امير: انتي ممصدكه مو اني حخليج تصدكين
طيبه: اميييررر على كيفك
امير : حخطبج... بقت طيبه صافنه ومنصدمه بعد عنها : بعدج ممصدكه مو
طيبه: امير شبييك على كيفك
طيبه: صدكتك بسسس صدكتك
وخر امير وهو يباوع بعيونها: باعي بعيوني وتعرفين
بقت طيبه تباوع بعيون امير الي جانت عبااره عن دم من العصبيه وفجاة شهگت وبجت : يريدوني ازوج واحد بكد ابويه ومزوج اثنين يريدوني ازوجه لو يبطلوني ويطردوني من البيت.. تعبت منهم امير تعبت
امير : محد يزوجج غصب.. باجر جايكم خطابه وقبلها اطلب ايدج بالكليه كدام الكل
طيبه  مصدومه
امير : احبج طيبه ومااسمح لاحد يذلج او يهينيج باجر اجي اطلب ايدج
طيبه: تحجي صدك؟
امير وهو يبتسم: الرجولة .. ورفع ايدها وهو يلزم اصبعها البنصر.. خاتم خطوبه بيد التحبها
ابتسمت طيبه بكل فرح بعد مااطمنت ...
خلص الدوام ومر الوكت بين محاضرات زهراء دكت على امها وحجتلها الي صار...
علي: يلا حبيبي نرجع للبيت
زهراء: لا وين عيب كافي
علي: ولج شهالحجي وين تروحين غير لبيت رجلج .. بعدين نسوي بروفا اعلمج عالمكان هذا بيتج المستقبلي
زهراء: علي والله عيب
علي: بلا سوالف زايده اكول يلا يلا...
طلعوا علي وزهراء وركبوا السياره... وصلوا للبيت صعدت زهراء للغرفه وعلي راح للهول لگه ابو جاي...
علي: كيفكن
فاروق: هله علي
هيام: اهلين حبيبي وينها زهرا
علي: تبدل فوك كلتي لبابا؟
هيام: ايه ئلتلو كلشي
فاروق: هممم وشوكت تشرف نشوفها
علي: هسة حصعد اجيبها
هيام: اي نسكب الاكل
صعد علي سبح بغير غرفه وراح لغرفته يم زهراء...
علي: يلا حبيبي تعاي نتغده
زهراء: لابربك علي والله استحي ابوك جوه عزززه
علي: يمعوده ليش تستحين قابل شكو شصاير
زهراء: ابوك وكذا استحي انزل
علي: يمعوده بالعكس بابا حباب لاتخافين  يلا ننزل متاكد حتحبي
زهراء: ماادري شو مااعرف باوع اني شبعانه انزل انت والله مو جوعانه
علي يجر ايدها وهي مجلبه بالكرسي
زهراء: عليييييييييييييي
علي: اشيلج والله
زهراء: ماا والله ماانزل
علي: وبعدين شكلنا يالله باعي حعد للعشره تنزلين لو اشيلج
علي: 1 2 3 4 5 6 7 8 9
زهراء وهي تشوف علي يقرب من عدها ويريد يشيلها
زهراء: لا لا خلص كمت
علي بضحكه: يي هيج احسن
زهراء وهي تكوم عن الكرسي وتتقدم ناحيه الباب بعدين ترجع تكعد
زهراء: والله متوتره مامرتاحه باوع انت ابوك راجع من السفر وكذا اكيد يريد اجواء عائليه ماريد اصير مصدر ازعاج
علي: قرب من عدها وهو يسحب بيها وطلع برى الغرفه وهو
زهراء: لا لا لا بربك هدني والله انزل اني
علي: لا اعرف حركاتج
زهراء: علي  بليزززز شنو شكلي واني نازله هيج شكلي
علي: ما ماهد
زهراء: عوفني لخاطري ماعندي خاطر عندك اني علوش
علي: امممم ما
زهراء: عليييي
علي: تؤ
زهراء ودمعت عينها من الموقف المحرج الي هي بي خصوصا بعد ماسمعت اصوات جوى
علي: خلص خلص هديناج امسحي هالدموع
زهراء: ماريد زاعلتك
علي: اصالحج ؟
زهراء: لا لا رضيت وهي تجر ايده تعال ننزل
علي: ماريد اخجل
زهراء: اشيلك وانزل اذا مانزلت
علي: تشيليني هههه
زهراء: اوووي علي  يلا تعال
علي بضحكه : منو جان ميريد ينزل
زهراء: هممم ماادري
نزلوا علي وزهراء
زهراء:سلام عليكم
فاروق وهيام:وعليكم السلام
كعدوا الكل يتغدى وفاروق ماعجبه وجود زهراء بينهم يخاف لتضحك على علي
علي وهو يحط اكل لزهراء
علي:يلا اكلي لتخجلين
فاروق طاها نظره يعني واضح الخجل مكطع روحه زهراء انتبهتله ونزلت عينها بالصحن
علي:احطلج سلطه
فاروق:عوفها على راحتها زهراء انتي شنو تدرسين
زهراء:طب اسنان
فاروق:هاا يعني مثل علي ولوه بوزه وكمل توقعتج ممرضه هيج شي
شهگت زهراء وماعلقت
علي باوع على ابوه بعدم رضى على كلامه وانطاه مي تشربه
خلصوا اكل وكعدوا بالصاله
فاروق:علي تعال اكلك شي بالمكتب
طلع علي ورى فاروق للمكتب
علي( وهو يعوف الباب شويه): نعم بابا
فاروق وهو يكعد وبيده سگاره ويحط رجل على رجل: عاجبك الي ديصير؟
علي: ليش شنو الي ديصير
فاروق: شنو جايبلي هاي للبيت تفوت كل وحده تشوفها انت
علي: بابا شنو هالحجي
بهالاثناء زهراء جانت توديلهم جاي وسمعت كلامهم...
فاروق: اي هاي الخدامه الشاحوذه تريد تشتغلك
علي: انت شدتحجي ابويه متعرفها لزهراء
فاروق: ولا اريد اعرفها شوف مستواها وشوف مستواك
علي: وشبيها؟؟ الفقير عندك ماعنده كرامه ومهان؟
فاروق: لو خوش بنيه متجي هنا تبقى يومين
علي: عيب عليك والله هالحجي شتقصدك انت
فاروق: هالبنيه متبقى بالبيت سامعني
علي: اذا زهراء طلعت اني اطلع وياها
طبت زهراء وهي تبجي: ميحتاج علي اني رايحه... بس احب اكلك الي معاجبك مستواها اخلاقها تسواك انت وفلوسك
تقدم فاروق يمد ايده عليها: عليمن تحجين ولج انتي
لزم علي ايد فاروق: ابويه انت شدسووي
هيام: زهرا اطلعي لبرا يلا
علي: شنو تطلع اني اطلع
صعدت زهراء وهي تبجي عافت التلفون والهدوم وكلشي .. طب علي للغرفه وهي تحاول تطلع
علي: زهراء سمعيني
زهراء( وهي تبجي):علي عوفني بلييز عوفني
علي: لتبجييين
زهراء وهي تزيد وتحاول تطلع: الله يخليك عوفني اذا تحبني عوفني كرامتي نهانت كلش زين عوفني
علي: لتحجين هيجي اذا طلعتي اطلع وياج
زهراء: لا ماريد عوفني
علي: زهراء لا لتطلعين
زهراء: عوووفني علي الله يخليك تعبت تعبت
علي وهو يهدئ بيها : اشش بس لتبجين محد يستاهل والله
زهراء: اهئ علييي اني اطلع بس لتعوفني والله مااتحمل بعد
علي: لج لااا شنو اعوفج اعوف روحي قبل لا اعوفج والله
زهراء: احبك علي
علي : اموتن عليج ..
زهراء: خلي اطلع هسة يلا
عليي: لااا وين تروحين مااعوفج
زهراء: اروح للقسم بلكليه
علي: شدتحجين انتي اعوفج بالقسم هناك وحدج
زهراء: علي الله يخليك اذا صدك تحبني خليني احمي كرامتي ولو شويه
علي: بشرط اجي وياج
زهراء: لااا متجي متطلع الله يخليك عوفني اصلاً بيت خالتي باجر يروحون وارجع للبيت
علي محب يلح عليها وهو يشوفها بهالحاله: زين زين بس لتبجين
زهراء: ماشي وخر يلا
علي: تلفووونج
زهراء: هه ماريده خاف استغلك... وطلعت وعافته
رجع علي مفوور لزم التلفون ورگعه بالحايط... ونزل عصبي
علي: شسويتوا انتوا
فاروق: شسوينا
علي: باجر اروح اخطبها
فاروق: انت شدتحجي
علي: اخطبها ومااخذ غيرها زين؟! وعافهم وطلع...