الحب النقي(مكتمله)

بارت 5

وفجأه طب الاستاذ هشام ...
الاستاذ هشام: شــــونــــكــــمے طلاب يلا تفضوا نيلش محاضره
هشام وهو يشرح ويشوف امير ابد مامنتبه وياه
هشام: امير
امير: نعم دكتور
هشام: مركز ويايه
امير: اكيدد دكتور (وبداخله لا)
هشام: طيب بدام مركز اسالك هل يوجد عمق معين الذي تتكون فيه جيوب اللثه تستلزم اجراء جراحه
امير:هاا
هشام: مو كلت مركز
امير: يي مركز استاذ بس عيد السؤال لو سمحت
هشام: هل يوجد عمق معين الذي تتكون فيه جيوب اللثه تستلزم اجراء جراحه
امير: هاا استاذ يي
هشام: هو شنو يي كول ليش
امير وتورط
طيبه تهمسله: اذا اقل من 4 ملم لا اذا اكثر من 6_8 ملم يي
امير: اذا 8 ملم او 6 لا اذا 4 ملم يي
طيبه وهي تضرب راسها ثول
هشام: لا والله فوك مو غاششها غشيتها غلط اني هنا وسمعت
طيبه تورطت
امير: هاا شدتحجي دكتور
هشام: تفضل انت وياها حتى تعرفون شلون متنتبهون وتغششون
امير: استاذ مو يروح علينا المعلومات اذا طلعنا( وبداخله بالناقص بربك لتنقهر وكول اطلعوا)
هشام: شكد ماهامتك المعلومات بعدين منو كال حتطلع تفضل انت وياها بصف الصبوره
امير: استاذ جهال احنا
هشام: توكف وله ارسبك
امير: لا خلص
راح هو وطيبه ووكفو
طيبه تهمسله: بالناقص منك ومن الي يغششلك اني الهبله شكو اساعدك
امير: ههه اسالي نفسج بس بربج ميذكرج هذا الموقف بالابتدائيه من يوكفونا بصف الزباله ونروح نقط القلم حتى نحجي وياهم
طيبه: ههه جنت تروح تقط القلم هم اني جنت اسوي هيج
امير: لا اني جنت من جماعه الي يوكفون بصف الزباله ويجون يقطون القلم
طيبه بختها ضحكه ههههههههه
هشام: وبعدين
طيبه: خلص استاذ اسفين
امير: اسفين احلفي
طيبه: انجب بعد مااحجي وله اضحك
امير: متاكده
طيبه ساكته
امير: تعرفين اكو واحد شرب الدوا قبل الموعد بخمس دقايق ليش
طيبه: ساكته
امير: حتى يفاجى الجراثيم
طيبه بختها ضحكه ههههههههههههههههههههههههه
هشام: امشي انت وياها برى ولتشوفوني وجهكم بمحاضرتي  بدون ولي امركم
امير: استاذ احنا جهال
هشام: كلت الي عندي برى
امير ويطلع ورى طيبه
امير: والله هالاستاذ دكه قديمه بالابتدائيه ماجبت امي اجيبها هسه ههههه
الاستاذ هشام:   يي نكمل كل واحد مع زميلته كل شخصين يسوي مشروع واريده يشرحه ويناقشه كدام الطلاب ويتقيم حسب طريقه التقديم والمعلومات والدقه يوم الخميس وحيكون كل اسبوع شخصين
الطلاب: حاضر دكتور
الاستاذ هشام: علي وزهراء هالاسبوع عليكم التقرير
زهراء وعلي: حاضر استاذ

علي: اني وياج زهراء مو
زهراء: يي سوى
علي: طيب لازم نسوي بحث على لابتوب حتى نخزنه بفلاشه ونعرضه على الداتا شو
زهراء: طيب مالتي الابتوب خربان ديتصلح
علي: مو مشكله اني متوفر عندي واحد تجين يمي اليوم نسوي
زهراء( بربكه): اوك بس اشوف ماما
علي: تمام اخذي راحتج اني وامير بالكفتيريا عود رديلي خبر
زهراء: تمام
زهراء دكت على امها
زهراء: هلو ماما
احلام: هلو حبيبتي
زهراء: ماما اني عندي مشروع لازم نسوي اني وزميلي فحتاخر بالرجعه اليوم
احلام: ويه منو
زهراء: علي
احلام: هاا بدام علي روحي حبيبتي
زهراء: مااامااا
احلام: امزح يي بس لتتاخرين
زهراء: تمام يلا بيباي
احلام: بيباي