امير: اذا عندك شي احجي هنا
حسام: لا خلص بعدين نحجي باي طيبه
طيبه:باي والتفت على امير
طيبه: هاي شسويت
امير: شسويت
طيبه: شلون حجيت هيج ويه الولد
امير: انتي شايفه هو شلون حجه ويايه بعدين هذا الموجود يريد يكول شي خلي يحجي هنا شكو تعاي احجيلج شي اني اعرف هالنوعيه
طيبه: يي مو انت منهم
امير: ياويلج اعرف رحتي وياه
طيبه : انت شكو
امير: باعي مو من صالحج تروحين حذرتج ميعجبج رده فعلي
طيبه: انت شكو بابا شدخلك
امير: هيج مزاج بكيفي
طيبه: مالك دخل وهي تفكر وترجع تكول
طيبه بنذاله: بعدين على فكره اني وياه عدنه مشروع سوى خلصت بس هو لازم يرجع ينقله وبفضلك طفرته للولد
امير: يامشروع
طيبه: انت انطردت بذيج المحاضره مال دكتور احمد
امير: اهااا لو مطروده ويايه احسلج
طيبه: المهم هسه ماعليه تنقلي ييعني تنقلي
امير: اني شكو انقلج
طيبه: انت طفرته يعني انت تتحمل الذنب يلا اشوف وهي تمدله اوراق وقلم
امير وهو يكعد بصفها: تورطنا وينه اشوف
طيبه مدتله ملف وابتسامه على وجها وبداخله جذب جانت غايبه وتريد تنقل المحاضره وله هي متعرف حسام اصلا ومابيناتهم مشروع ههه بس نذاله بامير
امير:يبو هاي شكو كل هذا
طيبه: شفت شلون يلا تحمل نتيجه اخطاك
امير: ابتلينا
طيبه:شغل ايدك مو لسانك
امير:اهوو كومي جيبلي قهوه
طيبه:اشتغل عندك
امير:لعد اني الي اشتغل عندج
طيبه:انت طردت الولد اني ماسويت شي
امير:دكومي جيبي حتى اركز من اكتب
طيبه:اهوو ابتلينا
امير:لتقلدين
طيبه:كيفي يلا ياشاطر كمل الواجب حتى اجيبلك حليب يماما
امير:شلون حكوم اخرب المشروع كله هسه
طيبه:اووي منك رايحه تشربها ساده
امير:لا مطرزه
طيبه:شكد سخيف يالله
امير:مو اسخف منج يلا روحي يمعوده ماطلعت قهوه صارلج ساعه حروح واروح وبعدج كبالي
طيبه: رحت هالمره صدك بس ماكلت ساده
امير:لا حلوه تعرفين ليش
طيبه:ليش انشاء الله
امير:لان الحلو يشرب حلو
طيبه:اووي شكد سخيف شمتنهضم تعرف شنو مصنع اكتيفيا ومتنهضم هم توكف هنا هي تاشر على ركبتها
امير: اووف من الناس الحاقده
طيبه: على شنو يحظي لمهم رحت كمل بين مااجي مو الاكيك هارب
عند زهراء وعلي
زهراء جانت راجعه هي وعلي من الكفتيريا
زهراء جانت تفتح جبس
علي: جيبي افتحه اني لتنجرحين
زهراء:لا لا ماانجرح
كعدت زهراء على كرسي وعلي كدامها كام يحجي تلفون
زهراء:اووي شنو هالحديده الي متنفتح ماطلع جبس جرتها قوي ومتحس اله كل ايدها دم
زهراء تركض تفتح جنطتها تطلع كلنكس
علي جان يحجي تلفون انتبهله سد التلفون وقرب بسرعه :شبيج
زهراء:انجرحت
علي:وهو يضغط على ايدها طيب مو مشكله جرح بسيط
زهراء:لا يوجع
علي:دقيقه تعاي ويايه هذا مختبر اكيد بي اسعافات
وجرها للمختبر وهو يعقم ايدها
علي وهو لازم المعقم:شو اشوف حتى اعقم وخري ايدج
زهراء:ما يوجع
علي:ميوجع شويه بس حتى ميلتهب
زهراء:لا لا يوجع
علي:ميوجع والله شوفي شويه بس احط اذا وجعج اشيله
وخر علي الكلنكس وهو يعقم ايد زهراء وميحس اله دموع نزلت على ايده
علي:شنو شبيج هسه ليش تبجين يوجعج نروح لمستشفى ها
زهراء بدموع:لا ميوجع كلش
علي:لعد ليش تبجين
زهراء:بدموع شوف ايدي شلون حتصير
علي: يمعوده عبالي بيج شي جرح صغير
زهراء:لا مو صغير دم هوايه وهي تاشر بايدها تبعدهم يعني على اساس هوايه
علي بضحكه وهو يلزم ايديها ويقربهم من بعض كلش :لا مو هوايه شويه بس
زهراء:بس الدم
علي: اكيد اي جرح ينزف هسه لو انجرحتي بدنبوس او ابره مو يضل ينزف هذا هم
زهراء:يعني ميترك اثر
علي بضحكه:لا ميترك اثر
كمل علي تضميد الجرح
علي:طلعتي زعوله يولي
زهراء:لا مو هيج بس
علي وياشر بايده بضحكه:دم هوايه فخفتي
زهراء بخجل:عللللللللللييي
علي:هههههه خلص سكتت
عند امير وطيبه
امير وهو يكلب بالملف يبو هذا شينقله هسه وبعدين انتبه باخر صفحه مكتوب محاضره استاذ احمد
امير:محاضره ها كال مشروع كال اني اعلمج
كمل امير نقل الملف وهو يجي بباله فكره
طيبه:هاي القهوه يماما
امير:غير لو تكعد الطويله
طيبه:هيي انت شتقصد
امير:ابد مااقصد انج قصيره وطفله والروضه اطول منج وبيبي هم واصغر من السنافر ابد مااقصد هيج اني
طيبه:اميرر ولك
امير:ههههه شكو نزعجتي الحقيقه
طيبه:اولا يحلو اني طولي طبيعي بس اكو واحد هنا لو يكوف بصف تيل يطلع هو اطول يابرج ايفل يانعامه يازرافه ياكرندايز
امير:اتفق وياج بثاني كلمه بس
طيبه وهي ترجع تتذكر شكالت:يبوو شكد سخيف
امير:شسالفتج اليوم حجيج عباره عن سخيف
طيبه:يمكن لان كدامي واحد سخيف
امير:والله محد سخيف غيرج مضيع وقتي الثمين واكتبلج وتكولي سخيف هذولا البشر ميقدرون النعمه
طيبه:هذولا البشر مو انت فضائي على اساس
امير:لا مصاص دماء
طيبه:لا حيوان احسن
امير: شنو رايج اكوم هسه اعلمج الحيوان شنو يسوي
طيبه وخافت من نضارته وضخامته خصوصا هي مقارنه بي صدك على كولته قزمه:شبيك يمعود نمزح كلشي جد عندك
أنت تقرأ
الحب النقي(مكتمله)
Roman d'amourفتاة عراقيه... وشاب بأطباع اردنيه ...يتلاقون صدفه... ويحدث احداث ليضطر ان يبتعد عنها... فياترى ما هي هذه الاحداث ؟ ..
