الحب النقي(مكتمله)

بارت23

ثاني يوم....
علي...كعدت احس راسي حينفجر منايم ابد.. گبل بدلت ونزلت
هيام: اهلين ابني
علي: هلاو
فاروق: شنو قررت بخصوص روجينا  
علي: خلص اني اخذت القراري
فاروق: اي؟
علي: حتتم الخطوبه من روجينا
هيام: اووه الحمدلله الحمدلله
فاروق: احسن زهراء هاي مت....
علي( وهو يقاطعه): لا مراح اترك زهراء اني
هيام: كيف يعني
علي: حزوج روجينا.. بس زهراء مااتركها حتى لو اخذها زوجه ثانيه... اني احب زهراء روجينا مثل اختي وماريدها تضرر لذلك وافقت
فاروق: على جثتي تتزوج زهراء
علي: ازوجها يعني ازوجها بنتك هه بنتك استاذ فاروق
فاروق: دنشوف انت لو اني ياعلي
كام علي بسرعه: هههه نشوف...
وطلع وعافهم وهو حاس جبل من الهموم على گلبه ميعرف شيسوي .. دك على زهراء وهو مجبور يسوي الي ديسوي...
زهراء: الوو
سمع علي صوتها وغمض عينه بقهر: ا ا ا الوو
زهراء: علي؟ شبيك
علي: ولا شي اريد اشوفج اليوم اكو شي لازم اكلجيا
زهراء: خير صاير شي
علي( مانو خير ابداً): لا لا ولا شي بس اريد اشوفج بكافتيريا.......
زهراء: اي ماشي نتشاوف هسة
علي: اوك انتظرج
دك علي لاول مره وره خبر الخطوبه على روجينا ...
روجينا: الو
علي: الو روجينا؟
روجينا ( بخجل): ع علي اهلين كيفك
علي: تمام وانتي
روجينا: انا بخير..
علي: روجينا انا وانتي حنكون عرسان عن قريب وانتي بتعرفي هالشي
روجينا( بخجل): اي
علي: بدي نلتقي بعد ساعه بكافتيريا....
روجينا: طيب ماشي
علي: بشوفك
روجينا: بشوفاك
صعد علي السياره واتجه للكافتيريا وهو متوتر..

زهراء.... كعدت ثاني يوم خابرني علي صوته بي شي...كمت بسرعه بدلت ولبست فستان بسيط ماروني وخليت شعري كبايه مبعثره ومكياج بسيط وطلعت...
وصلت للكافتيريا شفت علي كاعد منطي ظهره... تقربت بهدوء واني اغمض عيونه بيدي...
ابتسم علي وهو يحط ايده على ايدها الي فوگ عيونه: زهورتي
زهراء وهي تمدله راسها: هلووو
بقى ساكت علي وهو يباوعلها بحب... ياترى شنو ردة فعلها حتكون؟! من تعرف ... اوف ياربي اني شداسوي بروحي شسوي شبيدي... ابتعد عنها
زهراء: علي؟ شبيك؟
علي لا ارادياً نزلت دموعه مدت زهراء ايدها ومسحت دموعه.: اشش ليش شبيك علي ليش تبجي ها؟ منو وياك ؟ ابوك؟ امك؟ منو
علي: زهراء تعبت تعبت كلشي ديوكف ضدي مداعرف ليش شمسوي اني بس كوليلي ليش كلشي اريده يصير عكس ليش
زهراء: علي كلنا هيجي لتبجي حبيبي محد يستاهل دموعك
علي : زهراء
زهراء ( وهي مغمضه): هممم
علي: تعرفين اني احبج حيل مو
زهراء : يي واني هم احبك حيل
علي: زهراء اني حتزوج روجينا گرايبي
زهراء ابتعدت عنه بسرعه وهي مصدومه: ش ش شكلت؟ شكلت علي؟ هههههه مقلب مو مقلب مو وكت مقالبك علي
علي( بقهر): لا زهراء مو مقلب بس صدكيني مجبور واني مراح اعوفج
زهراء: شدددتكىووللل مجببووور؟! مجبور ومتعوفني هااه؟؟؟ هههههههههه ههههههههه ( بدت زهراء تضحك بهستريه الما تحولت لبجي وشهگات) اهئ اهئ ليش ليششش دمرتني مو كافي كافي علي ليش تعبتني ليش عليي ... كام بسرعه علي عليها : اشش اشش لتبجين بداعتي والله مااتحمل اشوف دموعج لا لا زهراء باعيلي مستحيل تنزل دمعه بسببي الله يخليج اسنديني الله يخليج زهراء احبج اني احبج وماحب غيرج للموت وانتي الي واني الج زهراء
زهراء( وهي تدفعه وتصيح): لدكوووليييي انتيييي الي واني الجج جذذذاب جذذااب دمرررتنيييي ورايح تتزوج غييرررييييي لكك حررام عليككك حررام ارررحمني عاد كاففييي كااافي تعبت منك تعبت دمرتنيي موتتني تعبتني حرام عليك كافي اهئ كافي كافي علي
علي: الله يخليج لتضوجين لتبجين لتتألمين لتنقهرين زهراء مو بيدي وانتي الي واني اخذج والله ومااحب غيرج زهراء باعيلي اني علي علي حبيبج علي مالتج زهراء
زهراء:
وتأتيني في موعد غرامي لنا لتقول لي...سوف ارحل للابد!!...لن يكون قلبي ملكك...لن تكوني ملكة عرشي...سوف تحتضنني غيرك....سوف يضع غيرك عطري لي...سوف تلبسني معطفي غيرك...فرجاءاً لا تتألمي...تقول
لي لا تتألمي!!؟
علي:
اجبتها بكلمات مبعثره بقلباً مكسور خوفاً عليها بالحياة من دوني...وخوفاً علي بحياه من دونها...لكن القدر وما شاء فعل...كيف ابتعد عنكِ...من قال ستصبح ملكة عرشي غيركِ...انتي هوائي ومن دون هواء لا حياة لي...انا من دونك جثه ميته تنتظر وقت دفنها

روجينا: اني جييييتت
التفت زهراء بسرعه ومسحت دموعها : جايبها لهنا؟!
علي: لا مو هيجي قصدي اني يعني
روجينا: اهلين حبيبي مين هي؟
غمضت زهراء عيونها بألم وهي تسمع كلامها وياه: ههه اني؟! اني صديقته
روجينا وهي تسلم على زهراء: هاا اهلين حبيبتي
زهراء وهي عينها بعين علي : هہــ,ـلو بيج
روجينا: علي حبيبي عزمتا على مهرنا بعد بكرا؟
زهراء رفعت حاجبها وضحكت بأستهزاء:هههه اي عزمني واكيد حكون موجوده
علي( وهو يباوع على زهراء بتوسل): لا
روجينا: ليش حبيبي خليها تجي
زهراء: ههه لا علي هيجي يداهرني ههههه مو علي؟ اجي حبيبتي يلا عن اذنكم...مشت من يم علي وهمستله : اكرهك للموت.. وعافته وطلعت

‎حضنني ليقول لي هذه حضنه الوداع...دفعته باقوى ما لدي... حضنه الوداع؟...يقولها ببروداً هكذا...يقول الظروف جعلته يتركني...يقول لا يحق لي ان اعانق بعد ذلك...يقول خطبته بعد غد .... وتوسل لي ان لا آتي ... لكن لا سأظهر قوتي ...سأذهب وارى واتسلى واحرق قلبه كما حرق قلبي...

طلعت وصلت للبيت وبجيت وبجيت الما خلصت دموعي... تعرفون شعوري هسة شنو؟ مثل الطفل الي ياخذون منه لعبته... هيجي.. متألمه حيل غدرني عافني والله لاخلي يندم والله بس ياربي شلون اني احبه شون اشوفه يروح لغيري... تعبت يربي ليش هيجي؟!

روجينا : علي... علي...عليي
علي( فاق من شروده): ها ها
روجينا: فيك شي حـبيبي؟
علي: اه لا لا ولا شي
روحينا: طيب مين هي البنت شو اسما ... شكلها كانت عم تبكي
علي: اا هاي.. ( تنهد بقوه)... هاي صديقتي ( هاي نفسي الي يصعد وينزل) هاي اختي( هاي عمري الي داعيش اله وبي)... هاي غاليه عليه...( هاي گلبي وروحي)... هاي هي هاي
روجينا: هاا شو اسما
علي( بلا وعي ): زهورتي
روحينا: شو؟
علي: اقصد زهراء زهراء
روجينا: اها طيب يلا نروح نكمل اشيائنا
علي: اي يلا كومي...