الحب النقي(مكتمله)

بارت 24

ثاني يوم...
طيبه: تحجين صدك كل هذا صاير ومكلتيلي؟
زهراء: الي بيج جان مكفيج طيبه شحجيلج يعني
طيبه: تؤ اوووف... هسة كلنا نروح ونسندج نختارلج احلى شي يلا كومي بسرعه
زهراء: عفيه مالي خلگ طيبه عوفيني
طيبه: سمعيني زهراء خلي تشوفج قويه صيري فشي كدامه لتبينيله انج انكسرتي
زهراء: صحيح كلامج بس اني متألمه طيبه
طيبه: ميخالف لتبينين كومي بسرعه يلا يلا كدامي يلا
زهراء: طيبه اورف ماريد
طيبه( وهي تجرها): يلا كومي
راحوا طيبه وزهراء ويه امير...
بالسوگ....

زهراء وهي تفتر بالمحل ادور بدلة انطلخت ببنيه...
روجينا: ووو اسفه كتير
زهراء رفعت راسها بصدمه: اا ل لا عادي ولا يهمج
...: روجينا
زهراء ( بأبتسامه حزن): هاا اا شونك علي
علي (الي بقه فاصل عن الدنيا وهو يياوع لعيونها بأشتياق بهيمان):
هہــ,ـلو بيج زهو زهراء
طيبه: علي هلو
علي: هہــ,ـلو طيبه شونج
امير: هله بعلي
علي: اموري هله حبيبي
روجينا: واو رفئاتك هدول؟
طيبه: ههه اي اصدقائه
روجينا: عرفني عليهن علي
علي: اي ااا روجينا طيبه وامير
روجينا: تشرفت
امير وطيبه: النا الشرف
روجينا: بكرا تشرفونا ما؟
علي: لا روج..
زهراء: اي اي اكيد ومن الشهود اكون
علي: مع السلامه
روجينا: استناكم بكرا باي
زهراء ( بخنگه): ااا حروح للحمام واجي
طيبه: زه.... اووف
امير: شبي علي ليش هيجي سوه؟
طيبه: اني ادري شبي

زهراء.. كدامي كدامي اشوفه ياخذلها بدلة هيجي وصلت بيك علي هيجيي... اااااااخخخخخ مع الاسف مع الاسف كلش حلو وياك دمرته ودمرتني وياه... دمرت كلشي علي كلشي ..،

علي... اخر شي يخطر ببالي اشوفها.. اعرف هسة هي متوجعة وكارهتني هسة هي دتبجي اني ا؏ـــرف ... لازم اسوي شي لازم
روجينا: علي شوف هيدي
علي: اااا حلوة فوتي جربيها اني رايح للحمامات هسة اجيج
روجينا: اوك
راح وهو يدورها بعيونه.. دورها بكل مكان وبكل قسم بقه بس الحمام... تقرب وهو يسمع شهگات.. فتح الباب شاف زهراء مرتجية عالمغاسل وتبجي وتشهگ بقوه تقدمت منها وهي فزت
علي: اشششش اني وبهمس: هذا اني لتخافين اني
وخرت زهراء : وخرر عني ممنوع اشوف وجهك بعد اني مو مرتك ولا حبيبتك خطيبتك تنتظرك بره وخر
علي: ليش مراضية تفهميني انتي داكلج والله العظيم مو بيدي لتصيرين انتي والدنيا عليه
زهراء: ههه اي اهلك جبروك والله ياالله
علي: مو هيجي زهراء تدرين بيه اني اخذج وهسة وبعد مااعوفج وانتي الي يعني الي فاهمه
زهراء: لا مافاهمة
علي: زهراء لتجين باجرر
زهراء: هههههه طبعاً اجي شلون افوت منظرك واني اشوفك عريس
علي: زهراء
زهراء ( وهي تطلع): انتظرني علي انتظرني باجر...
طلعت زهراء وهي كاتمه البجيه كوه
طيبه: ها شو تاخرتي
زهراء: يلا اني كملت خلي نرجع للبيت
امير: يلا...

وصلت زهراء للبيت...
احلام: ها حبيبتي
زهراء: هلو ماما طابه ا نام
احلام: بنتي متتعشين
زهراء: لا ماريد تصبحين ع خير
احلام: الله يصلحج يبنيتي
عصام: شبيها؟
احلام( بتنهد): اووف عليها... اكوم اصب العشه