#سجينة_كارلس
الحلقة4:
كارلس: راك متاكد من كلامك صح هي وافقت
سيف: ايه مي المقابل راك عارفو انا وعدت باباها اذا قبل يزوجهالك ماراحش تخرجهم من دارهم و ماراحش تاخذلهم املاكهم بسبة تامر
كارلس: اصلا مستحيل نعمل هاذ الشي بوالدين المراة لي حبيتها
سيف: نعرف هاذ الشي مي نتا لازم تبين عكسو لانو باباها لوكان مااقترحتش هاذ الشي عليه ماكانش راح يوافق انا استعملت هاذ الشي كوسيلة و ضمان بلي راح يخلوك تتزوجها
كارلس: كلامك صح ممبعد نشوفو
سيف: اذا حبيت نقدرو اليوم نروحو نخطبوهالك
كارلس : مش تسرعنا شوي خلي اموا تفوت 40 تع خوها
سيف: كيما تحب المهم انا عملت لي عليا و كي تكون واجد نروحو
كارلس: يعطيك الصحة صاحبي عمري ماننسالك هاذ الشي
سيف: مابيناتناش خويا 😇
_______________________________
كان في لوتال قاعد في البالكو شاد الجوغنال يقرا فيه و يشرب في قهوتو الصادا السخونة ممبعد في لحظة غاس و تفكرها كي كانت معنقاتو ، عجباتو تعنيقتها نظراتها عيونها لي سحروه و لا جسمها المتناسق ، خجلها كي شافت في وجهو و لقاتو غريب ،، اما علاه كانت تبكي شكون هذا تامر و علاه كانت تبكي عليه هكذاك لحد انها عنقاتو و ظناتو هو، لحظتها جاه في بالو انو اكيد يكون حبيبها ، شخص تحبو كان واضح انها تعاني بسبتو
وقتها انزعج شوية شرب قهوتو ديراكت و دخل للشومبرا و قرر ينسى موضوعها لانها ماتعنيهش و مايشكش انو يتلاقاها مرة وحدوخرا .
تيليفونو صونا رفد
عمار: واش حبيبنا راك راقد وقيل
لؤي: هههه عندي ساعة ملي نضت مانيش فنيان كيفك، و زيد هاذي لي قتلي نتهلى فيك راك تهليت فيا مليح طيارتي وصلت البارح و مااستقبلتنيش
عمار: و الله اسمحلي كانت عندي خدمة بزاف و نسيت الوقت لي توصل فيه يا صحبي
لؤي: المهم جازت و ضركا راني في لوتال مريح ، كاش جديد على الخدمة
عمار: حد الان مكاش حاجة جديدة غير الحفلة تع غدوة ليراه دايرها كارلوس**** ياك عرضوك
لؤي: وي راني معروض اصلا جيت على هاذ الشي لفرنسا عندي مشروع و خصوني مستثمرين و هاذي نعتبرها فرصة بش نتعرف على رجال الاعمال
عمار : داكور حبيبي انا نخليك تريح ضركا و نشوف شغلي سلام
لؤي: هي سلام
كارلس: وش درت فيها راك محضر للحفلة مليح طلبت منهم يجهزو كلشي ياك
سيف: بيان سير ماتخخمش كلشي رح يكون في بلاصتو
كارلس: هاذ الحفلة مهمة رح تكون حفلة شغل كثر ملي هي مجرد حفلة و رح تفتحلنا عدة ابواب بش نرفعو ارباحنا
سيف: كونك هاني ، كنت رح نعرض مسيو حسان *** و عيلتو ممبعد كي خممت في كلامك تراجعت
كارلس: احسن ماعملت بلاك مازالو حازنين على وليدهم ، اما كنت رح نفرح لوكان جات جيهان
سيف: دوماج المهم راح الحال ضركا انا نخليك ديجا بديت ننعس و نصبح مبكر
كارلس: هههه هي صاحبي مي لوكان قعدت بت هنا اليوم نقلهم يحضرولك غرفة الضيوف
سيف: ميرسي مي لازم نروح باه نوجد روحي اك تعرف لازم نستيكيو ههه
كارلس: ههه كيما تحب اتهلى مالا
سيف: مام انتا ايا بون وي
أنت تقرأ
سجينة كارلس (باللهجة الجزائرية)
Romanceتزوجتك دون ان احبك، قبلت بك و ضحيت بنفسي من اجل ان تعيش عائلتي ،تقبلت فكرة ان اكون زوجتك و لكني لم اتقبل ان اكون امراتك فسجنتني عندك حرمتني حريتي و حرمتني من كل شيء حطمت احلامي و ذكرياتي و تقول لي احبك ! اتسمي هذا حبا اتسمي هذا عشقا ........ يتبع
