سجينة كارلس (باللهجة الجزائرية)

سجينة كارلس (الحلقة 6)

الحلقة6:
طلعت راسها خزرت فيه، وين شايفاتو وين شايفاتو اييييه هو هذاك الشخص لي عنقاتو داك النهار غلطت فيه
جيهان: نتا ! متفاجئة
لؤي: وشبيك كانك شفتي شبح
جيهان: هههه اسمحلي مي كي تفكرتك توترت ، حقا اسمحلي على هذاك النهار كنت نحسابك انسان وحدوخر
لؤي: مايهمش كلنا ننجمو نغلطو اكيد حسبتيني حبيبك
جيهان: لالا انا ماعنديش حبيبي ، حسبتك خويا الله يرحمو مات و ماكنتش قادرة نتقبل فكرة موتو
لؤي: الله يرحمو و الله يعطيك الصبر
جيهان: ميرسي الله يسلمك
لؤي: حقا مازلنا ما تعارفناش، انا لؤي ( مدلها يدو بش تخمس معاه)
جيهان: جيهان ، متشرفين
لؤي : الشرف ليا
جيهان: ضركا انا نخليك اي جات صحيتي و لازم نروح
راحت و خلاتو يخمم فيها حس بفرحة كي عرف بلي ماعندهاش حبيب و حطها في راسو و حاب يوقعها في شباكو و هكذا تولي ليه

جيهان: جولي ماتعرفيش كارلس**** راني نحوس عليه
سيف: مادموزال جيهان جيتي من وقتاش و نتي هنا
جيهان: انعم شكون نتا
جا ليها
سيف: انا سيف صاحب كارلس و انا لي حكيت مع باباك بخصوص خطوبتك نتي و كارلس
جولي: معقول رح تتزوجي نتي و كارلس و ماقلتيليش الف مبروك حبيبتي تستاهلي ( عنقتها و سلمت عليها)
جيهان: يسلمك مي مزال ما صرا حتى شي
جولي : مايهمش المهم اني اول شخص يباركلك لول
سيف: تفضلي مادموزال جيهان ، كارلس راه يستنى فيك
دها وراحو لوحد الشومبرا كان كارلس ديجا لبس و يعدل في الكرافات التاعو بش يهبط حتى طبطبولو في الباب
كارلس: اتفضل
سيف: نقدرو ندخلو
كارلس: سيف نتا تحتاج لاذن بش تدخل ، دار خزر فيه حتى شافها واقفة معاه تفاجئ
كارلس: جيهان من وقتاش ونتي هنا ( خزر في سيف و سيف غمزلو عملهالو مفاجئة)
جيهان: من شوي ، سيف هو لي عزمنا اما جيت وحدي بابا و ماما ماقدروش يجو
كارلس: ماعليش مرحبا بيك المهم نتي جيتي
جيهان: قبل مانهبطو حابة نحكي معاك في شي مهم
كارلس: تفضلي وش هو
جيهان: بخصوص العقود تاوعنا لي راهم مرهونين باسمك حاليا حابة يرجعو على اسم بابا كيما كانو من قبل ، يوم نعمل عرسنا
كارلس: اكيد و انا موافق كل حاجة رح ترجع على اسمكم اصلا لكان حبيتي ضرك نحضرلك الاوراق ماكاش مشكل
جيهان: ( ممثل بارع يلعبها عليا انسان مليح هه مراحش ننخدع فيك) ، لالا معليش خلي يوم العرس
كارلس: اوكي يلا نهبط تحت ضرك جاهزة ، مدلها يدو بش تشد فيه، خزرت فيه مطولا ممبعد شدت فيه حست بشي غريب من جيهتو اما بالنسبة ليها ماكانش لازم تنخدع فيه
هبطو تحت و كانو اجواء الحفلة محمسة ، كامل المعزومين كانو يروحو جماعات جماعات يسلمو على كارلس بالواحد و هو طول الوقت عينيه مانحاهمش على جيهان، قلتلكم كانت حفلة عمل و جيها هدفها الاساسي انها تقابلو و بلخف ملت من الحفلة و قررت بش تروح
جيهان: انا نروح ضركا مسيو كارلس
كارلس: مزال الحال مش بكرتي (هو ماهوش حابها كامل تروح)
جيهان: لالا ذاك هو اصلا عييت و حابة نرقد (كانت تتصرف بعفوية و هاذ الشي هو لي جبدو ليها كثر)
كارلس: هههه اوكي مالا نوصلك
جيهان: مستحيل نجي معاك، قصدي نتا صاحب الحفلة مايليقش تخليها و تروح
كارلس: مي ماجاياش نخليك تروحي وحدك
جيهان: خلي برك نعيط للشوفير تاعي يجي يديني راه قريب
كارلس: مالا مانخليكش وحدك حتى نشوف الشوفير تاعك جا و ركبتي معاه بش نرتاح
جيهان في قلبها: ( و الله طلعت ممثل بارع لاعبها جانتلمان لي يشوف يقول مش نتا لي كنت تبتز في بابا )
ستنى معاها حتى جا شوفير و راحت ، جا موراه سيف
سيف: واش عجباتك المفاجئة تع اليوم
كارلس: كانت قنبلة الحفلة يعطيك الصحة صاحبي
سيف: ماعملت شي ، نظن حان الوقت بش نروحو نخطبوهالك مش هكا
كارلس: خلي قبل نتفاهم مع والديا تعرف العجوز كون مانخبرهاش تزعف
سيف: هههه صح و الله تشربلك دمك تقلك خطبت من ورايا
كارلس: ههههعه ايه غدوا نعيطلها و نقلهم بش يجو بعدها نحددو لادات مع السي حسان و عيلتو و نعملو الخطوة الاولى

__________
بعد اسبوع كارلس جا هو و عيلتو و طلبو يد جيهان رسميا و صارو مخطوبين رغم الاجواء المتوترة لي كانت في العائلة الا انو جاز كلش مليح و كارلس كان فرحان و خاصة يماه المدام فانيسا هكذا كان اسمها لانو هي فرنسية و لكنها مسلمة اسلمت لما تزوجت بابات كارلس السي محمد ، كانت فرحتها كبيرة لانو و اخيرا رح تشوف وليدها عريس
جيهان ماكانتش فرحانة خلاص كانت راسمة ابتسامة صفرة ععلى وجها لانو هذا ماهوش حلمها هي ماكانتش حاطة فكرة الزواج في راسها و عمرها ما عملت علاقة هي من صغرها تحلم تكمل قرايتها و تخدم و قرات ميدسين بش تولي طبيبة و تؤسس عيادتها الخاصة ، كانت حابة تبني روحها وحدها حتى العلاقات عمرها ماعملت علاقة جدية صح كانو المعجبين بيها كثار و حتى هي كاين لي يعجبوها مي مش انها تدخل في علاقة معاهم لانو هي اصلا كانت منحية هاذ الفكرة من راسها ، بصح الدنيا لعبت بيخا و شاءت الاقدار انها تتزوج بهاذ الطريقة لي عمرها ماتخيلت انها تكون هكذا رح تتزوج انسان ماتحبوش كل همو جمع الاموال، و ابتزاز الناس و تخويف الضعفاء و زيد قامر بيها قايض بيها باباها يا اما بنتو يا اما رح يصفاو في الشارع بدون ولا ملين ، اما هي تربيتها صح و مبادئها و اخلاقها ما يسمحولهاش انها تخلي عيلتها تعاني فقررت تضحي و تخطي هاذ الخطوة اما رح تخطيها و هي كلها تصميم انها تعيش مع كارلس و مارحش تخليه يمس شعرة منها ، هكذا كانت حاطة في بالها اما الايام مخبيتلها بزاف حاجات رح تعرفوهم في الحلقات القادمة .