سجينة كارلس (باللهجة الجزائرية)

سجينة كارلس (الحلقة 17)

#سجينة_كارلس
الحلقة17:
"لا تجبريني على خيانتك فانا لست هكذا ، و لا اتمنى ان اكون مثل ما قلته عني من قبل و لكن بعدك و غربتك عني هي من اجبرتني على ذلك"

بعدما هانتو كامل هذيك الاهانة و جرحاتو بڨع هذاك الكلام و قللت من رجوليتو ، حس بوحد الشعور كفاه صداتو و بخصاتو تقول ماهي مرتو ماهو راجلها، وش هاذ المعيشة ليراه عايشها ركب طنوبيلتو و هو يسوق فيتاس و يحكي مع روحو كي المهبول
كارلس: يا ربي وش هاذ المعيشة ليراني عايشها مش هكذا كنت متمني ،جيهان لي حبيتها ورشمت حياتي معاها كيفاش رح تكون تقلس هاذ الكلام القاسي تتقزز مني لهاذ الدرجة تكرهني ، ااااه ياجيهان وش درت باه نستهل منك هاذ الشي

ولا يخبط في الفولون حتى وصل لوحد ديسكو تما دخل و راح قبالا دوموندا شراب و بدا يشرب يشرب حتى سكر ، وحد شوي جات ليه وحدة قعدت قدامو بقات تخور فيه ممبعد حطت يدها على حجرو وبدات تحككلو في فخضو خزر فيها تبسم بجيه ، فهمها وين تحوس توصل و بحكم هو كان في هذيك الحالة النفسية الصعبة و مرتو تصد فيه و ماتحملوش و ماخلاتوش حتى يقرب منها ، ايا عنق ديك المرا و طلع معاها تما في الدوزيام ايتاج تع ديسكو فيهم  شنابر هي تخدم ثم ، وصرا لي صرا يعني كارلس خان جيهان و هو مايقصدش الخيانة اما هي جبراتو على هاذ الشي و كون نجو للصح هي السبب ورا هاذ الشي

نروحو عند جيهان ليكانت طول الليل تخمم فيه حست روحها جرحاتو بزيادة و قالتلو كلام مش في محلو ، بقات تروح و تجي في الشومبرا مرة طل من التاقة مرة تسقسي كريستين
جيهان: كارلس جا و لا مزال
الخادمة: مزال ما جاش مدام
جيهان: كي تشوفيه جا قوليلي

بعد نص ساعة ، زادت هبط سقسات الحراس
جيهان: المسيو جا و لا مزال
الحارس: مزال ماجاش مادام تحبي نروحوا نحوسو عليه؟
جيهان: لالا ضرك يجي بلاك عندو كاش خدمة
عاودت طلعت لبيتها و قعدت في الفوتاي قدام التاقة تسنى فيه و تخمم
جيهان: معقول كلتمي جرحو لهاذ الدرجة حتى مايجيش ( ممبعد تفكرت وقت قتلو كنت نتقزز منك كي شفتك تبوسلي في يدي) اووووف مكانش لازم نقول هاذ الكلمة مي في لحظة غضب ، زيد بالزيادة يستاهل كل مرة يحاول يتقرب مني بلعاني
قعدت هكداك تستنى حتى داتها عينها غفات

____________________
فطن على 5:00 تاع الصباح حل عينيه خزر قدامو لقا وحدة شعرها صفر مقابلاتو استغرب ممبعد رجعت بيه الذاكرة للور و تفكر كلشي صرا بيناتهم حس بغصة في قلبو، صحيح جيهان هانتو و ما قدرتش حبو مي ماتستهلش هاذ الشي، ماتستهلش انو يخونها بهاذ الطريقة
ناض يلبس في حوايجو وحد شوية حلت عينيها ديك المرا لقاتو يلبس في حوايجو
المراة: شعال راهي الساعة اوووه راهي 5:12 مش بكرت خلي نزيدو شوية (تحكي بالفرنسية)
كارلس: شدي هاذو دراهم يكفيوك نظن مانحبش نزيد نشوف وجهك نهار وحدوخر
المراة: واو هاذ الدراهم كامل ليا
كارلس: ايه و من اليوم انسي وجهي ماتعرفيني مانعرفك و كيتشوفيني جوزي ديراكت
و رفد تيليفونو و مفاتحو وخرج ، اما هي بقات زاهية بذوك الدراهم و تحسب فيهم
لحق للفيلا كلاكصونا فتحولو البورتاي الكبير دخل ، خرج من الطونوبيل وحد الشوي جا ليه واحد من رجالو
الشخص: ميسيو كارلس الحمد لله على سلامتك حيرتنا عليك
كارلس: و نتا وش راحلك فيا علاه تتحير
الشخص: كيفاش مانتحيرش ميسيو و المدام طول الليل طالعو عابطة تسال عليك مارقدت ماخلاتنا نرقدو
كارلس: جيهان؟!
الشخص: وي ميسيو
كارلس: غريب اوكي تقدر تروح دركا

اراءكم ؟