الحلقة5:
وصل للفيلا تاعو قارا طونوبيلتو دخل للدار طلع لشمبرتو بدل حوايجو تكسل في فراشو كان رايح يرقد ممبعد خطرتلو فكرة، رفد تيليفونو و فورما
سيف: الو مسا الخير ميسيو حسان نعرف هاذ الوقت ماهوش مناسب باه نعيطلك فيه مي حبيت نصلح العلاقة بيناتنا ، صحيح تلاقينا في ظروف مش مليحة اما من الاحسن ننساو لي فات و نطويو الصفحة القديمة
حسان: ارواح من الاخير وش تحوس
سيف: غدوا كاين حفلة راه عملها كارلس تقدر تسميها حفلة عمل لانو الهدف منها تحسين اوضاع الشركة ، حبيت نعرضك نتا و عيلتك بش تجيو بما انو رح نولو اقارب
حسان: ماتستبقش الاحداث مازال ماوليناش اقارب و مازال ماصار شي ، زيد كيفاه وليدي مازال ماقفلش 40 ونتا تحوسني نروح نحتفل
سيف: ميشيو حسان رانا كبار و نعرفو الحزن 3 ايام و هاذ الشي ماعندوش علاقة بتامر ، هذا رح يكون فرصة ليك باه تحسن علاقتك نتا و كارلس و احسن شي لبنتك جيهان مش هكا
حسان: مانعرف نفكر فيها و نشوف ايا ابقا على خير (كوبا)
جيهان: وش يحوس
حسان: خلعتيني من وينتا ونتي هنا
جيهان: من شوي سمعتك تحكي مع هذاك سيف مش هكذا اسمو
حسان: ايه عرضني للحفلة لي عاملينها قال حفلة شغل و بش نحسنو علاقتنا مع كارلس
جيهان: ايه نروحو وين راه المشكل
خزر فيها متفاجئ
حسان: متاكدة من وش تقولي
جيهان: ايه وين راه المشكل لازم نضمنو انو يسلمنا العقود و يرجع يكتب كلش باسمنا و بش يعمل هاذ الشي لازم نحسنو علاقتنا بيه
حسان: ماتعرفيش كارلس ماهوش واحد غبي ماراح يسلمنا والو غير اذا اتزوجتو صح
جيهان: و شكون قلك مارحش نتزوج بيه، انا رح نتزوجو اكيد مي لازم نضمنو انو يكتبلنا كلش باسمنا يوم نكتب كتابي عليه و باه نقنعوه بهاذ الشي لازم نجوه بالسياسة
حسان : بنتي اذا حبيتي تروحي روحي نتي انا مارحش ننجم و علابالي يماك تاني ماتنجمش
جيهان: معليش بابا انا نروح وحدي و الشوفير يوصلني و ضركا نروح نرقد راح الحال تصبح بخير (باستو في خدو و طلعت لبيتها رقدت طول )
_______
الصباح فاقت على 10 روتار كي العادة ، دخلت دوشت و بدلت حوايجها و هبطت فطرت و ركبت طونوبيلتها و راحت لاقرب سونتر كوميرسيال حبت تشري حاجة تليق بالحفلة شرات و قضات صولحها و رجعت للدار
لحقت العشية حضرت حالها سرحت شعرها عملت مكياج سهرة جذاب لبست غوب نواغ ميني من القدام و سيري و ماللور فيها فوال جاي طويل ، صباط طالون نواغ بوشات على حسابو ، براسلي في يدها سلسلة رقيقة سامبل و ديبوكل صغاااار في وذنيها كانت طالعة قمة في الاناقة
تنفست بعمق و هي مقابلة المراية
جيهان: ننجم نعملها لازم نكون قوية و نستهل ثقة اهلي فيا و في خاطر خويا تامر لازم مانخليلو حتى دين من وراه
هبطت في الدروج سلمت على باباها و يماها لبست فاست تع ريش قصيرة مالفوق و ىكبت الطونوبيل و قلع بيها الشوفير مباشرة للمكان الحفلة
وصلو و كانت الاجواء مكتضة الواضح انها حفلة كبيرة فيها غير الشخصيات المرموقة و الطبقات العريقة في المجتمع بدات تتمشى ، حتى عيطتلها وحدة صحبتها تعرفها كانت قاعدة في طابلة مع وحد الجماعة من الناس
جولي: جيهااان (روشتلها) بش تجي عندها
راحت سلمت عليها و عرفتها على كل واحد كان تم و بداو يحكيو يقصرو مي هي ماكانتش مركزة معاهم كانت تحوس على كارلس هي عمرها لاشافتو كيفاش رح تعرفو
جولي: جيهان معليش تجي معايا دقيقة نسجم مكياجي
جيهان: اوكي يلا
ناضو رايحين باتجاه الحمام حتى تلاقات امال بواحد من معارفها عنقاتو و بدات تسلم عليه
جولي: دقيقة جيهان استنايني هنا ضرك نجي (طبعا كلش بالفرنسية مارحش مقعد نترجم )
بقات واقفة تسنى فيها و تروشارشي في تيليفونها حتى حست بواحد وقف عندها ، طلعت راسها خزرت فيه
أنت تقرأ
سجينة كارلس (باللهجة الجزائرية)
Roman d'amourتزوجتك دون ان احبك، قبلت بك و ضحيت بنفسي من اجل ان تعيش عائلتي ،تقبلت فكرة ان اكون زوجتك و لكني لم اتقبل ان اكون امراتك فسجنتني عندك حرمتني حريتي و حرمتني من كل شيء حطمت احلامي و ذكرياتي و تقول لي احبك ! اتسمي هذا حبا اتسمي هذا عشقا ........ يتبع
