الحلقة15:
بدات تحل في عينيها بالشوي حتى فاقت مع ىوحها لقاتو معنقها و جابدها ليه و كان قريب من رقبتها كانت رح تنوض ديراكت و تعمل مشكل كي العادة ممبعد تفكرت كي قلها ريحي عاقلة و لا تخلصيها غالية ، مادارت والو رفدتلو يدو بالشوي بعدتها و ناضت دخلت للدوش دوشت بدلت حوايجها و كي خرجت مالدوش لقاتو مازال راقد ، هبطت تحت راحت للكوزينة
جيهان: صباح الخير
الخادمة: صباح الخير مدام ، تحبي نجهزلك فطورك و نحطهولك
جيهان: ايه ماذا بيك مي ماتديهوليش للصالة مونجي جيبيهولي للجاردان رح نريح تم
الخادمة: اوكي مدام
لعد شوي فاق مالقاهاش قدامو تنتر من بلاصتو راح حل الدوش مكاشها تم خ، غسل وجهو بزربة و بدل حوايجو بالغصب مازالو مشوكي من نهار هربت خافها تكون هربت مرة وحدوخرا هبط تحت قال ممكن تكون تستقهوا راح للصالة مونجي مالقاهاش ، العصب طلعلو و لا مايضويش
كارلس: يعني عملتيها و هربتي مرة وحدوخرا يا جيهان اليوم ندمك على الساعة لي فكرتي تهربي فيها
كارل: كريستين!!! كريستييييين
جات تجري
الخادمة: وي مسيو وش كاين
كارلس: المدام خرجت اواحد فيكم ماقلي وينكم كيفاش تخلوها تهرب اواحد فيكم ما جا ينوضني اهدري
الخادمة: مسيو .. مسيو كارلس مي المدام ماهربتش ماعندها وين راحت
كارلس: كيفاش ! وضحي كلامك
الخادمة: المدام راهي قاعدة في الجاغدان و تتناول في فطوىها
راح يجري طل من التاقة لي مقابلة الحديقة شافها قاعدة و رافدة كتاب و تشرب في قهوتها ، تبسم و عاودت رجعتلو الروح
كارلس: كريستين وجديلي فطوري و جيبيهولي للجاغدان رح نريح مع المدام
الخامة: داكوغ ميسي
خرج للجاغدان و راح ليها غير شافتو خزرت فيه بنص عين شافها و لا يضحك سون سمير
كارلس: بونجوغ
جيهان: خزرت فيه من الفوق للتحت ، بونجوغ
كارلس: شايفك نضتي بكري
جيهان: علاه ممنوع نوض بكري تاني
كارلس: جيهان علابالك راني نحكي سيريو و مانيش نتمسخر
جيهان: ايه قلت بلاك هاذ الشي تان راك مانعو عليا كيما منعت عليا الخرجة و التيليفون و حبستني في هاذ البلاصة
كارلس: نتي لي جبرتيني على هاذ الشي
خزرت فيه و ماحكات والو
كارلس: وش رايك نخرجو عشية نفطرو برا
جيهان: كيما تحب
كارلس: جيهان راني نحاول نتصالح معاك و نحكي معاك بضرافة حاولي تقدري هاذ الشي
جيهان: و انا كاش ماحكيت قتلك دبر راسك
كارلس: يعني نعتابرك موافقة :)
جيهان: ايه :)
كارلس: ههه بيان اوكي عشية وجدي روحك على 7:00 نروحو ، انا ضرك عندي صوالح نروح ، allée bn journée
جيهان: mrc BN journée
راح من عندها و قبل مايركب طونوبيلتو عيط ليبودي ڨارد تاوعو نبهم عليها
كارلس: خلو عينيكم عليها ، بلاك دخلو حد ماتعرفوهش للفيلا ، بلاك تخلوها تخرج بلا ماتخبروني ، اي حركة غير عادية عيطولي في التيليفون ، و اهم شي ردو بالكم عليها باسكو تصرالها حاجة صغيرة ترحمو على رواحكم
الحراس: داكوغ ميسيو
نهار كومبلي و هو برا مع الخدمة و الاجتماعات و القاءات جازت
_________________
أنت تقرأ
سجينة كارلس (باللهجة الجزائرية)
Romanceتزوجتك دون ان احبك، قبلت بك و ضحيت بنفسي من اجل ان تعيش عائلتي ،تقبلت فكرة ان اكون زوجتك و لكني لم اتقبل ان اكون امراتك فسجنتني عندك حرمتني حريتي و حرمتني من كل شيء حطمت احلامي و ذكرياتي و تقول لي احبك ! اتسمي هذا حبا اتسمي هذا عشقا ........ يتبع
