سجينة كارلس (باللهجة الجزائرية)

سجينة كارلس (الحلقة 13)

الحلقة 13:
لحظتها كيشافها هكذاك راقدة وجها حمر من البكا تبان خايفة تترعد ندم و نقم على روحي يلي عمل فيها هكذاك مي هيا استفزاتو بكلامها بدل ما تطلب السماح منو قاعدة تستفز فيه بقا يخمم حتى داتو عينو

الصباح طلت الشمس وضربت ديراكتومون فيها بدات تتكمش وتزير في عينيها حتى حلتهم بشوي ، غير فطنت لقاتو مقابل وجها تنترت من بلاصتها تفكرت كامل وش جاز البارح في الليل زادت كرهاتو كتر ولات تشوف فيه وحش يستهل الموت ، راحت للخزانة جبدت حوايجها و دخلت للدوش لبستهم و لبست صباطها و بلا مادير حتى حس رفدت كابة صغيرة دارت فيها شوية حوايج و هبطت فتحت الباب و جات هاربة، وقتها هو فطن مالقاهاش قدامو خزر لقا الخزانة مفتوحة و الحوايج ناقصين جاتو في بالو بلي هربت حتى سمع الباب كي انخبط وقت خرجت طل ماالتاقة لقاها خارجة معنقة الكابة و تجري في بالو رح تهرب مع لؤي فتح القجر قدامو جبد كابوس حطو في جيبو رفد مفاتحو و خرج قلع الطونوبيل باقصى سرعة اكيد ماتكونش بعدت ، كان مقلق بزاف معول على القتيلة مي اكيد مش بش يقتلها هيا في بالو كون يلقاها مع لؤي يقتلو هو.

باقي يجري و يخزر من و من حتى شافها تمشي ، اصلا هاذ البلاصة بعيدة و غريبة عليها مارحش تعرف الطريق و الظاهر انها عيات مالجري
كانت تمشي وتتنهد مش ناجمة عيات خلاص حتى ماحست بيه غير فرينا قدامها و نزل و راح ليها جبدها من ذراعها يكركر فيها
جيهان: اطلقني اطلقني يا متوحش اطلقني ، مستحيل نقعد معاك مانعيش مع واحد كيما نتا اطلقنيييي
لوالها ذراعها موراها جابها متكية على الطونوبيل
كارلس: بلعي الزبل تع فمك خير مانهدهولك، وش تعرفي عليا نتي بش تحكي هك اهدري وش تعرفي
جيهان: مانحتاج نعرف والو لي احتجتو عرفتو في نهار واحد نتا واحد زامل مبتز و متوحش و تحب الحاجة تكون ليك حتى و انا رافضاتك تحب تغصبني عليك و انا نكرهك مانطيقكش فكني اطلقني
كارلس: مادام تشوفيني هكذا رح نتصرف معاك بالشي لي يوالمك و بش نفكك و نطلقك هاذ الشي تنسايه و عمرك ماراح تشوفيه و الهربة تاعك هاذي لي كل مرة تخمي فيها و تسيي ديريها هاذ الحاجة مارحش نفوتهالك و رح تخلصيها غالية
جيهان: وش رح نخلص يعني رح تحاول تغتصبني كيما حاولت البارح
كي سمع كلامها هذا انزل عليه كي الصاعقة معقول تشوفو بهاذ الصورة تشوف فيه واحد يحاول يغتصبها و هي مرتو و هو حبها صح و تمنى يكمل حياتو معاها ، اطلق ذراعها نصدم من كلامها ، فتحلها الباب
كارلس : اركبي من غير ولا حرف مانحبش نسمع صوتك

رجعو للدار رفد تيليفونو و فورما لرجالو نص ساعة كانو هنا ، عطاهم اوامر توزعو في كامل الفيلا يعني عمللها حراسة مشددة بش ماتحاولش تهرب مرة وحدوخرا و حتى واحد ماينجم يجي ليها
دخل ليها لقاها في الشومبرا رايحة جاية غير شافتو ولات ترعش
جيهان: وقيل راك ناوي تحبسني جايبلي حراس و موزعهم على الفيلا و.....
دنا ليها كامل حتى قريب وجهو يلصق في وجها 
كارلس: شوفي جيهان احسنلك تقعدي عاقلة و تنطاعي لامري اذا كنتي حابتني مانديرش حاجة لي تضرك ريحي عاقلة لانو هاذي ثاني مرة تغلطي فيها و نفوتهالك ، المرة الثالثة مارحش تزيدي تشوفي ضو الشمس
جيهان: وش قصدك مانزيدش نشوف ضو الشمس يعني رح تقتلني
كارلس: افهميها كيما بغيتي ، وراح و خلاها مصدومة هي هكذا فهماتو مي هو اكيد مايقصدش هاذ الشي مستحيل توصل بيه انو يؤذيها هكذاك و يقتلها

خرج راح يتمشى شوية في البلاصة ليراهم عايشين فيها و ريح عند وحد الروشي قلتلكم هاذ الفيلا مقابلة البحر ، قعد و باقي يخمم في كلامها اوجهو مقلوب
كارلس: يعني معقول مفكرتني متوحش لهاذ الدرجة حتى نقتلها راهي تشوف فيا كروشار انا ، اااااه ياجيهان ماكنتش كامل نسنى في هاذ الشي منك خرجتيلي عكس وش كنت متخيلك اما مستحيل نخليك تخليني مستحيل نقدر نعيش حياتي بلابيك و لا نخليك تروحي مع واحد غيري ، بعدما لقيتك و رجعتي مرتي مستحيل نخليك و لا نخمم في هاذ الشي مستحيييل ورح نخليك تحبيني غصبا عنك استني و شوفي

اراءكم ؟ 😍