سجينة كارلس (باللهجة الجزائرية)

سجينة كارلس (الحلقة 3)

#سجينة_كارلس
الحلقة3:
شدتلو يديه في زوج لايمتهم في يديها
جيهان: انا اتخذت قراري و هاذا احسن شي لينا كامل (زادت شدت يدين يماها) تقدر تعيطلو و اتخبرو بموافقتي : ) و ضرك انا عندي صوالح نقضيهم و نجي سلام
خرجت و بمجرد مادارت عينيها تعمرو بدموع و بداو يطيحو وحدة مور ختها لبست نواظرها بش تخبي حزنها و ركبت في طونوبيلتها و قلعت راحت ديراكتومون للبحر هي ديما كي تكون حزينة و لا فرحانة تتوجه للبحر ، غير وصلت نزلت من الطونوبيل و راحت قابلاتو و بدات تبكي و تحكي تفرغ في قلبها
جيهان: علاش ديما مسكرة في وجهي علاه يعني مكتوبلي نعيش حزينة ضرك منين جاني هاذ الزواج و انا حلمي نكمل قرايتي و نخدم و نعيش حياتي كيما نحب مانيش نخمم في الزواج ضركا و بهاذ الشكل اااااه ياربي لراك تختبر فيا هاذ الاختبار فوق طاقتي ، ياتامر وين رحت و لمن خليتني ياتامر وش هاذ الناس لي كنت مخالطهم حتى ينجمو ياخذو منا كامل املاكنا و يشردونا اااااه ياربي علابالك ماننجمش نشوف والديا يعانيو و ماندير والو بابا طول حياتو و هو يخدم باه جمع ذيك الثروة يجي واحد مايسواش في الخير و يديها من بين يديه بحجة الديون و يما المريضة ااااه ياربي ااااه
هي هكذاك حتى حست بيد انحطت على كتفها دارت بزربة و بلا ماتخزر في وجهو عنقاتو و زيرت عليه و هي تبكي
جيهان: وين كنت طولت بزاف بش رجعت قلتلهم مستحيل نصدق انو تامر مات مي هوما ما امنونيش ماتزيجش تخوفنا هكذا ما......
جبدت روحها و هي تحكي حتى طلعت راسها خزرت فيه جات العين في العين
جيهان: اسمحلي حسبتك شخص وحدوخر
لؤي: السماح ، الغلطة تاعي عندي ساعة و انا هنا و شفتك غير تبكي حبيت نسقسيك وشبيك مالغري مانعرفكش
جيهان: يعطيك الصحة اما هاذو مشاكل عائلية ، اسمحلي صركا انا نروح
و راحت وجها حمر من التبهديلة لي داتها
جيهان: يعني هذا ليكان خاصني تحشيمة بفففف
ركبت في طونوبيلتها اما هو بقا يخزر فيها يتبع فيها بعينيه تفكر كيفاش عنقاتو و كانت تبكي عجبو هذاك الشعور كي عنقاتو مالغري مايعرفهاش و اول مرة يشوفها اما تفكر انها كانت تقولو تامر يعني سور يكون حبيبها و كانت تبكي عليه، خسارة ياريتو قابلها من قبل .... :*
_______________________
رفد التيليفون و عيطلو بعد عدة محاولات رفد عليه
سيف: خير مسيو حسان وقيل ماكنتش حاب ترفد علينا
حسان: وش تحوس من عندي مع صبح ربي
سيف: المهلة تاعك خلاصت و عيطتلك بش تقولي قرارك بخصوص الموضوع لي حكينا فيه
حسان: مالغري مانيش حاب هاذ الشي و مازالني رافضو مي احمد ربي جيهان وافقت بارادتها اما و الله و نعرف بلي كارلس ضرها و لا مسها بشي ياغيرا قتلتو بيديا
سيف: خلينا من هاذ الهدرة مسيو حسان راح نولو نساب هذا هو القرار الصح احسن خاجة عملتها.......
تيت تيت تيت... كوبالو في وجهو
سيف: مايهمش هههههه
ناض راح ديراكتومون للبيرو تع كارلوس
سيف: هات البشارة
كارلس: تاعش
سيف: هههع ذاك نهار قلتلي بلي وحدة عجباتك هذيك لي شفناها تبكي عند البحر ماتقليش برك نسيتها!!!
كارلس: مستحيل ننسى وجها و عينيها مازالو محفورين في قلبي
سيف:انا كي حسيتها عجباتك درتهالي في راسي و انا مستحيل نخلي خويا و صاحبي العزيز يحب وحدة و مانجيبهالوش، رحت لباباها وقتلو بلي راك حاب تتزوج بنتو و هو وافق
كارلس: ماكاش منها قول والله
سيف: و الله صح نتا ماقتليش راك حاب تتزوجها مي هذا ليحسيتو في كلامك بلي حاب تكمل حياتك معاها
كارلس: و الله ياسيف نتا ماركش قليل علابالك مي كيفاش نجمت تقنعو
سيف: هو وافق بلخف، اما تشفى على هذاك تامر ليكنت مسلفلو دراهم ومارجعهملكش
كارلس: ايه هذاك ماتذكرليش اسمو يرحم باباك مانيش حاب يخسرلي القوسطو و حسابو ممبعد مانسيتوش
سيف: مي لازم نحكيو عليه باسكو خوها و نهار شفناها في البحر انا وياك كانت تبكي عليه باسكو مات
كارلس: اااو مكاش منها تامر خوها ؟ وينتا مات!!!
سيف: حكاية طويلة
بدا يحكيلو وش صرا و كيفاش قدر يقنع واليها بش يقبو بيه كصهر ليهم مي ماقالوش بلي هو ابتزهم بدين تع وليدهم بش خلاهم وافقو لانو علابالو انو كارلس صعيب مي في هاذ الامور مليح و يرفض انو يبتز شخص و لا يخير شخص بين حاجتين
كارلس: مي لي يهمني انا هي اذا كانت موافقة و لا لالا لانو انا رح نتزوجها هي مش باباها
سيف: اصلا هي لي وافقت مش باباها لانو في الاول كان رافض الفكرة ممبعد قبل هي خلاتو يقبل
كارلس: يعني حاب تقلي بلي هي قبلت تتزوج بانسان ماتعرفوش و عمرها لاشافتو
سيف: هنا مانيش عارف تقدر تسقسيها نتا كي تتزوجها و لا كي تتلاقاها
كارلس: ان شاء الله خير، اذا كان كلامك صح اوش راك تقول و نسمع من فمها بلي راهي موافقة وقتها اطلب مني الحاجة لي بغيتها
سيف: ههههه مهبول صاحبي انا لي يهمتي سعادتك و راحتك هذا احسن حاجة تقدر تفرحني بيها
كارلس: ربي يحفضك صاحبي

اراءكم؟