كأنه غيهب

البارت الخامس

بالبداية احب اشكر الكاتبة الرائعة
زينب ماجد على تعليقها الجميل والحلو والمحفز شكرا الج من القلب  
Zainab_majed ♥️
واشكركم على التفاعل ال يجنن بيوم واحد كُلش فرحت
وكل تعليقاتكم الحلوة
gdeehnn شكرا على تفاعلج بالقصة وتعليقاتج♥️♥️

مساء الخير 💓
دانية رسول
كأنه غيهب. البارت الخامس

ليلى

رمشت اكثر من مرة داستوعب

ليلى : زين!!
- مِو كلنا لا تستعجلين بالعجلة الندامة
لا انتي غلطانة اني مِو "زين "

ليلى : شنو انت شدتحجي فهمني اذا انت مِو" زين "لعد منو
- زيد مِو زين
ليلى : شنوو منو زيد
زيد : اخو زين التؤام لذلك عبالج زين
ليلى : ممكن تفهمني بوضوح اكثر
زيد : اكيد اني يا عيني
اني زيد اخو زين التؤام اكيد متعرفيني انتي زين يادوب تعرفيه
وبصراحة اني اعرفج من كلام دينا اختج
ومن اجيت كالولي اكو بنية اسمها
ليلى احمد مازن
كبل رن اسم اختج بذهني وعرفت انتو خوات
وساعدتج علمود وظيفتج

ليلى :يعني انت مِو زين
هز راسه بمعني لا

زيد. وهسة يا محفوظة السلامة تكدرين تروحين بس ردت اشوفج وهاهيه
طلعت من الغرفة بعدني داخلة بالصدمة
اخو التؤام هذا منين طلع
يعني نخلص مِن زين يجي زيد
شكله كان نفس زيد الاختلاف بقصة الشعر وزين كان ماعنده لحية عكس زيد
وطريقة كلامهم تختلف
بس الشكل نسخة طبق الاصل

رحت كعدت بالغرفة وخليت ايدي على راسي
حسّيت دخت مادري ليش
اخذت حبة بندول من الحقيبة مالتي وشربتها
بلكي شوية ارتاح

بعد ما رجعت للبيت كنت مترددة اكلهم على الي صار
لو لا ما اكول
مادري كنت محتارة وماحس هل شي رح يسبب مشاكل
يمكن هُو مِو مثل اخو

مددت على السرير وفجاءة تذكرت شغلة
من كانوا دينا وزين ببداية علاقتهم
كالتلي على انو هُو عنده اخ تؤام
بس متعاركين ميحجون سوى صارلهم فترة

اذا هُو هذا اخو التؤام
بس اذا ميحجون سوى منين يعرف دينا
يجوز تصالحوا بعدين او بالتجمعات العائلية مالتهم
غفيت وكعدت العصر ساعة بال5

امي كاعدة على القنفة بجوارها بابا
ديشرب چاي
ويتفرجون اخبار

ليلى : ماما وين غسان بالبيت لو طالع
ام غسان : لا بالبيت ليش
ليلى : هيج

مهتميت للسالفة زيد ولا كلتلهم هُو صاحب المستشفى صح بس مِو هُو المدير معين شخص اخر مرات يجي
اذا مرح نلتقي هواي