كأنه غيهب. البارت الثالث عِشر
دانية رسول
Ro88Altaee
حبيت اشكر ست روعة هنا على نشرها للقصة بالبيج مالتها
♥️♥️♥️
كنز
ماعرف امي شعدها وَيَه ابو رائد
هي انتبهت للوجودي بس اني سويت روحي مشفتها
ضليت كل شوية اباوع عليها اريد اعرف اكو
شخص وياها لو بس هي
وللحد ما طلعنا محد جان موجود
الظاهر امي زوجت اختي للرائد
وهسة هي لافت على ابوه
رجعنا للبيت عمتي وزوجها طبوا ناموا
واني بقيت اتفرج تلفزيون بالصالة
طلعت اغنية احبها هواي
نصيت الصوت لان نايمين
ورحت حضرت كوب قهوة
البيت كان بيه بلكونة وبنفس الوقت نكدر ننزل منها جوه يعني للحديقة لان بيها درج فتحت الباب مالتها
وطلعت
الجو رائع كانت نهاية الرابع مطر خفيف ينزل
رحت جبت طاسة وخليتها نمليء بيها مَي
لان مطر نيسان خير
رفعت ايدي للسما
ودعيت من كل قلبي
دعيت ربي يوفقني بحياتي
ويبعد عني كل مكروه
مدعيت على احد
ماريد اكون سيئة مثلهم
بس تمنيت يجي يوم
يتوسلون اسامحهم
وكف المطر شلت الطاسة ودخلت جوه
للغرفتي
عدلت الهوسة الي بالغرفة
ونمت
ثاني يوم بدلت ملابسي حتى اروح للمدرسة
لبست تنورة سودة وبلوز كلت بلون زيتوني
وفوكاه سترة سودة ولفيت حجابي
وطلعت
الجو بعده بيه ريحة المطر
احبها هواي
من كنت صغيرة اطلع
ابقى واتبلل بالمطر
وامي تعيط عليه
بس ولا اهتم
اضل اكمز خصوصا بشهر الرابع
المطر مالته يكّون خفيف
احبه فصل الربيع هواي
صح بالعراق ربيعنا مدري شلونه
بس احبه
وصلت المدرسة
ودخلت الغرفة المدرسات
ماعندي اول حصة
بس الثانية عندي
كاعدة بغرفة المدرسات اباوع على الساعة
واصلح اوراق طالبات عّندي
كالوا اجى ابو طالبة مدري عمهايريد يحجي وياج
رحت للغرفة الادارة شفت امير
زين هُو شعنده جاي
المديرة : ست كنز بس هنا عّم الطالبة جاي علمود اخر امتحان البنت اخوه
اسمها تولين دريد
كنز : تولين ! اها صح صح هي تدرس عندي
بس مستواها ضعيف ويادوبها توصل النجاح
المديرة راحت تحجي وَيَه المعاونة
امير : وليش يعني بكل الدروس لو بدرسج ؟
كنز : ماعرف بقية الدروس اكثر من مرة ردت احجي وَيَه اهلها بس متصير فرصة وجنت انتظر اجتماع اولياء الامور مجنت اعرف بنت اخوك
أنت تقرأ
كأنه غيهب
Krótkie Opowiadaniaكانه سواد بظلامه كانه الظلمة بحد ذاته يشبه كل شي ظالم وحقير كلشي خادع كلشي سيّء كانه غيهب ! رواية درامية اجتماعية باللهجة العراقية ـ
