كأنه غيهب

البارت الثاني

مساء الخير♥️
كانه غيهب. دانية رسول
البارت الثاني

نوران. معقولة صرتي هيج وحشية
لان اختج قتلت روحها

ـ حسّيت نظرات الكل صارت عليه وهم مدهوشين
من الي سمعوا
واني حسّيت رح اوكع من طولي بعد الكلام

دقات قلبي تسارعت
غمضت عيني احاول اتمالك نفسي
ماعرف شلون كدرت اتحمل وما انهار

ليلى. وانتي شنو الج علاقة بله?
اذا ماتت منتحرة واذا اني وحشية واذا اني همجية وكلشي منو انطاج الحق تجين وتحجين كدامي
بكل صلافة هيج كلنا نعرف انتي وحدة مسمومة بس مغلسين عليج
واي نعم اختي قتلت نفسها وانتحرت لانها جانت مريضة نفسية ماشي
عرفتوا الي تريدوا ارتاح كلبكم
هسة كلشي واضح
ماكو داعي تجون تسالوني محاولين تعرفون
تركت كلشي وطلعت من المكان جان اكو كراسي
يكعدون عليها المراجعين بين ما يظهر التحليل
كعدت عليها وخليت ايدي على قلبي
احس اختنقت مداكدر انتفس
هاي الحالة اصير ويايه دائما من اسمع شي ياذيني
او يقهرني

فجاءة شفت غسان جاي وشايل جنطة صحيح نسيت جنطتي بالسيارة مالته
انتبه عليه واجى بسرعة اقترب مني
ولزمني
غسان. شبيج ليلى شنو الي صاير وياج
ليلى. غسان مختنقة مداكدر اتنفس
كومني وانسندت على كتفه وصلني للسيارته وصعدني

غسان. اني رايح اخذلج اذن
وصدفة هُو المدير طلع وكله عادي اخذها مبينة تعبانة
اني خليت راسي على الجامه تعبانة حيّل
غسان. شبيج شنو صار ليش هيج حالتج احد ضوجج؟
ضليت ساكتة وماحجي وهو مستمر يسالني
اخر شي جاوبته
كتله
ليلى. ذكروا موضوع انتحار ليلى
وغورقت عيوني
تنهد غسان وكلي
باعي ليلى مِو كل ما يذكرون هاي السالفة هيج يصير بيج لازم تتعودين انتي مِو صغيرة كل ما ذكروها تصير هيج حالتج وتختنقين كافي عاد انسي شرح تسوين
بعد ترجعيها للحياة لو شنو لو رح ترتاحين من تصير حالتج هيج قوي نفسج خلاص

سكتت صح كلامه اني لازم اصير اقوى مِو اضعف على اقل كلمة عنها
وصلنا للبيت
غسان. هسة شلون صرتي
ليلى. لا زينة احسن روح انت
نزلت من السيارة ودخلت للبيت
ماما كاعدة تباوع على التلفزيون جان مديور على قناة القران
وبايداع المسبحة مالتها
تفاجئت بيه
ام غسان. خير يمة ليش جايه من وقت خما اكو شي

مردت اقلقها
ليلى. لا بس ماكو شغل هواي والمدير سمح النا
نطلع اني حصعد فوك
صعدت واستلقيت على السرير
للاسف كلام نوران صحيح اختي انتحرت
حسب ما وضح النا زوجها زين انو كانت تعاني من مرض نفسي وحتى جانت تتعالج يم دكتور وجابلنا
التقرير الصحي  للحالتها

وكال انو صارلها فترة طويلة على هل حالة بس متوقع بيوم توصل للهيج كال جيت ولكيتها مقطعة شرايينها
وملحكت الها بسبب وجودي بالعمل وفقدتها
كان انو نعرف سبب موتتها اقوى من موتها اختي قتلت نفسها لعد شكد جانت تعبانة ومتاذية ومتازمة
مع انها كانت تحب" زين " معقولة هُو مجان زين وياها
او بعدها عنا او تانيب ضميرها
هذا الي ازم حالتي اكثر
دينا كانت قليلة صبر وايمان
ودائما تفكر بالانتحار بسرعة بدون تفكير بعواقب
قبل لا تهرب
ايضا حاولت الانتحار بوكتها بابا منعها من الكلية وعلساس يبطلها لانها سوت مشكلة كبيرة جدا هناك
وانطوها فصل للمدة اسبوع
وبابا كلها بعد ماكو دوام 
وهي راحت شربت حبوب بس لحكنا نسعفها
الاسف  هل  مرة محد لحك يسعفها