كأنه غيهب

البارت العاشر

مساء الخير
كأنه غيهب. البارت العاشر
دانية رسول

ليلى

ماسكة الصورة بايدي ومتفاجئه
يعني هاي الصورة شجابها يمه
صورة دينا ليش عنده ؟
كانت دينا مبتسمة بيها ولابسة فستان
نص ردن وشعرها مفتوح واكو شخص بجانبها
بس مكصوص من الصورة

شيسوي بيها ومحتفظ
يعني هي زوجة اخو
وحتى لو كانت علاقتهم مقربة
ليش ديضم الصورة مالتها عنده
وخافيها بالمكتب حتى مِو ببيته يعني

معقولة حاب يتحفظ بيها
كصديقة او اخت
لو عنده سر اخر ومخبيه عليه
هذا الانسان غامض بشكل
طول الوقت كان يحچيلي عّن دينا
بس ولا مرة ذكر وجود صورتها

او حتى خلاني اشوفها هيج
رجعت الصورة بنفس المكان
ولميت الاغراض واخذت الاوراق

لمياء : مدكوليلي وين صرتي يا عيني
صار ساعة هي كم ورقة
ليلى : جتني صفنة هاي الاوراق بعد كملتها اني رايحة
لمياء : الله وياج

طول الطريق من المستشفى للدوام واني افكر
بالصورة شغلت تفكيري هواي
وكمت كل شوية اطلع تفسير وبعدين انفي

ماعرف شنو اكول وشنو احجي وشنو الي لازم افكر بيه يعني معقولة جان يحبها او شي من هذا القبيل يجوز للهذا السبب هُم متعاركين
وميحجون سوى ان يمكن بس هيج احتفظ بيها
كذكرى كلشي ممكن احاول اني ما اظن بيه السوء
ودائما اخلي احتمالات هواي بس اكيد لازم اساله واخذ تفسير منه عنده مستحيل اغلس

وصلت للبيت
بابا كاعد ويمه ماما مخلصين غدا وكاعدين
يتفرجون تلفزيون
بابا واضح على ملامحه التعب
بس هُو كتوم ميحب يحجي ولا يشكي ابدا
حالته تسوء وماكو تحسن
قربنا نفقد الامل كلياً