كأنه غيهب

البارت الخامس عشر

قراءة ممتعة احبتي 
وشكرا على 4k احبكم وشكرا للكل الي يتفاعلون
بالقصة اول باول ويعلقون 💓💓

شوية تاخرت بس والله جنت كاتبة وبالغلط مسحته
واضطريت اعيده من جديد
لذلك اذا شفتوا سحكات غلسوا لان عيوني كامت تاذيني

كنز

- وين ساكن
منو اهله وكلشي تعرفيه عنه

كنز : بصراحة هُو يصير زوج اختي
- نعرف هذا الشي
كنز : اي اها
هُم ساكنين بمنطقة .....

- اي بعد انطينا معلومات اكثر
- كنز. والله سيدي ماعرف هواي عنهم بس المنطقة
- وزوجته تصير اختي ها ويشتغل تاجر
بس ممكن اعرف ليش

- زوج اختج صح تاجر بس تاجر مخدرات

راحوا واني واكفة ماستوعب بصفي امير وعمتي سمعوا الكلام

بسمة : يمة عزة بعيني صخام لج سالمة مزوجه ابنها للتاجر مخدرات

هُم يحجون واني بغير عالم
اي اكيد لعد منين هاي الفلوس كلها
اذا هُو بس بالمنصور مدري كم بيت
وكل شهر خمس ملايين بايد امي
وبيت

يعّنُـــي هي تدري بكلشي وساكتة

بسرعة ركضت وامير يلحك وراي بس ممنطيته اهتمام
وكفت تكسي وركبت
عاد هُو فتح الباب مال صدر وصعد

امير : اوكف اخي
انتي وين رايحة

كنز :للبيت نازك
:وصفت البيت للسايق
واخذنا

نزلنا دكيت الجرس اكثر من مرة محد يفتح
اخر شي فتحت نازك
واكفة وتبچي

نازك : لج كنز اخذوا للرائد طلع يتاجر بالممنوعات
كنز : اي اعرف هسة اجوي واخذوا مني معلومات

نازك : يعني انتي بلغتي عليه مِو ليش هيج حرام
متستحين على روح..
قاطعتها
كنز : يابه دولي هسة اني جايه احجي وَيَه امي
مِو صوجج صوج الي جاي يواسي

دخلت امي كاعدة

كنز : تعرفين من البداية مِو ؟
نازك : شنو شتعرف
سالمة : انتي شدتحجين لج

كنز : احجي عّن الخمس ملايين كل شهر
والبيت الي باسمها
والذهب والمجوهرات والفلوس

سالمة : لج ادبسز شقصدج يعني
كنز : قصدي تعرفين بكلشي من زمان زواجه والتجارة مالته
لعد وين اكو واحد ينطيج هلكد فلوس بس علمود شنو والله هُو متزوج وتضمين السالفة ترى متدخل العقل
لا وحتى للبيته جايبه

وفوكاها خربتي زواج اهله وبعده مخليج بالبيت
اما مال حب ف سولفيها على الدبة
بس كوليلي شتحسين للخاطر الله
والله بزعتيني بحياتنا
كافي عَاد كافي
انتي قبل مِو هيج
شكد ما مهملة بس تحبينا
وتريدين مصلحتنا
هيج عمت عينج الفلوس