كأنه غيهب

البارت السابع عشر

مساء الخير
كإنه غيهب. البارت السابع عشر

قراءة ممتعة

ليلى

زيد : العفو حضرتك خربطت تقصد زيد مِو زين
هُو نزل يحجي وَيَاه وطلع  حبر  صاير على الاسم
ومخليه ميصير واضح

وصلنا للسليمانية هُو عنده شقة محضرها
بمكان كُلش حلو كله خضار

قضينا ايام الاسبوع بيه
قريب يم نهر
بس رحنا شوية افترينا
ورجعنا

تونسنا بهاي السفرة
بعد رجوعنا رحنا اني واهلي وزيد
حتى نخطب للغسان
كانوا ناس مؤدبين ومحترمين
والبنية مبينة حبابة مِو مثل خطيبته السابقة
اتفقنا على كلشي
وهم ناس بسيطين طلبوا شي بسيط من عدنا
ومو مكلف

كُلش حبيتهم واحترمتهم

زيد هُو الي ساعد غسان بالخطوبة وراح بنفسه طلبها ويانا
يعني صح هُو علمود اخويه والمفروض افرح
بس داحس غسان هواي ديستغله
يعني مناقص غير يكوله ادفع المهر
لا ويريد يلكاله وظيفة احسن
بس اني مقبلت
يعني اكيد مرح اخليه يستغله للهدرجة

اني بعد قرار طويل
قررت اترك الدوام
مدارتاح ومسؤوليات هواي صارت
مع ان زيد كال ليش هُو بس احنا
من يصير عدنا طفل عود الله كريم
بس اني لا عاجبني ارتاح
بعد ما احتاجها

اني وزيد مشاكلنا قليلة ونحلها
بالتفاهم دائما والهدوء
هُو ابدا مِو عصبي
الا لمن اتدخل باشياءه الخاصة
بالرغم اني زوجته بس ابدا ميشارك
ويايه شي خاص بيه او بعائلته
واني تصرفت بالمثل
مكمت اخبره شي
وهو ميسأل اصلا
عّن هيج شي

ماعرف ليش يكره التدخل
واذا شغلة تخص اخوه
يا ساتر
معناها مسينا شي مقدس
هُم العائلة كلهم معقدين
امه عود خابرتني
تعذرت عّن تصرفها
بس من كلامها مبين من ورى خشمها
معقولة زيد حاجي وياها يجوز الله اعلم بعد

وطبعا اكيد مسالته
ولا رح اساله
هُو يكره هذا الشي
واني ماريد اصير السبب
الي ينرفزه

من دانظف شفت صورة اله هُو و

زين

الصورة كانت عفوية جداً ولطيفة للابعد الحدود
ومبين كانت علاقتهم وطيدة
ليش هيج صار ماعرف
امنيتي اعرف
بس منين

رحت دورت بصندوق زيد
الخاص طلع حاطله قفل
هذا الصندوق يخبي بيه كلشي
دائما اشوفه يحط اشياء
ويكولي كلشي ولا هذا الصندوق
يحتوي على عائلتي
واني ماحب تتدخلين بيهم

من يكول هيج كُلش اتعصب
يحسسني وحدة غريبة
وتدخل بيه
هو يمكن حتى امه ميخليها
تدخل