عائلتي جنتي وناري

البارت الثاني

#عائلتي جنتي وناري

#للكاتبه ام النون
#البارت الثاني

ام نيفين: بنتي انتي كبرتي وماشاء الله ماناقصج شي جمال وأخلاق وان شاء الله تخلصين دراستج وارفع راسي بيج والعين صايرة عليج ورايدةاخذ رايج بموضوع
نيفين: جنت اكل بسرعة لان جوعانه حيل واباوع على ماما من تحجي بس مدا افهم شنو تقصد.. كولي ماما اسمعج
ام نيفين: خالتج اليوم اجتي خطبتج مني لا امير
امل : جنت دا اكل وشركت بالاكل وغصيت حيل واختنكت
ام نيفين: اسم الله اسم الله بنتي شجاج هاج شربي مي
نيفين: شربت مي وارتاحيت الحمدلله انصدمت من سمعت يريد يخطبني هو اني من اشوفه يجي يمنه اضوج عود انوب يخطبني لا عيني لا اني ما أريده
ام نيفين : ها يمه شلون صرتي
نيفين:زينة احسن ماما
ام نيفين : ها بنيتي شكلتي موافقه لا
نيفين: لا طبعا تعرفين كولش زين اضوج من امير وما أريده وثاني شي اريد اخلص دراسه واصير مدرسه ما أريد ازوج عندي طموح
ام نيفين : هو ما راح يبطلج راح يخليج تخلصين وماراح يقصر منج ولو على أقل ابن اختي واعرف شبيه ما بيه احسن من غريب واختي تراعيج هم واني لما اعرفه يحبج وشاريج وخوش ولد حلو وأخلاق وعنده شهاده ووظيفة والف وحده تتمناه ليش يروح يخطب غريبة هاي خوش قسمه اجتج اريد اطمئن عليج يمه قبل لا اموت منو الج اريد ارتاح لان اعرفه ماراح يأذيج
نيفين: ماما ليش دا تحسسيني هو آخر قطعه بالدنيا واني هم شبيه شناقصني الف واحد هم يتمناني واني ما أريده وسدي هل الموضوع وياي الله كريم خلي اخلص سادس وعود افكر
ام نيفين : على راحتج يمه اهم شي قناعتج اني ما اجبرج على شي بس فكري بالموضوع
نيفين : هففففف ماشي ماما حاضرررر راح اروح اقره انسدت نفسي من الاكل
ام نيفين : هاي قافله شلون وياها خلي يجي ابو احمد واخذ رأيه اذا وافق اني أسهل الطريق لا امير واقنعها ابن اختي هذا اكيد راح يسعدها واختي اداريها
نيفين : رحت اقره انوب كل شويه اذكر هل موضوع استغفر الله شوكت اخلص منه لا والاضرب امي موافقه وشنو هل ثقه وراح أوافق بي واجه يخطب يحلم اقبل اني ازوجه لا لا مستحيل اوووف منج يا ماما اتفرين عقل الواحد لو موضوع فات بعقلج واقتنعتي بي المهم خلي اقره ما اريد هل شي يأثر على دراستي
ام نيفين : ظليت انتظر ابو احمد لليل ف كمت سويت عشه ونظفت البيت وكمت سبحت وتعطرت وصليت اندكت الباب كمت طلعت فتحتها اجه ابو احمد
ام نيفين : الله يساعدك حبيبي جيب اشيل عنك المسواك
ابو نيفين : ويساعدج يالغاليه.. اي والله ميت تعب
ام نيفين : محضرتلك الحمام روح اسبح واني اصفط المسواك حتى بين متطلع وترتاح احضرلك العشه
ابو نيفين : ماشي حبيبتي
ام نيفين : كمت صفطت المسواك وسويت العشه ف طلع ابو احمد وصبيت العشه وصحت على نيفين حتى تتعشه
ابو نيفين : شنو هل ريحه الاكل الطيبه عاشت ايدج يالغالية
ام نيفين : وايدك عيوني.. خلي تجي نيفين اريد افتح موضوع وياك مهم
ابو نيفين : ماشي بس خما صاير شي
ام نيفين : لا ماكو شي موضوع حلو
نيفين : هلا بابا حبيبي الله يساعدك
ابو نيفين : هلا حبيبتي شلونج
نيفين :زينه بابا الحمد لله
ابو نيفين : شلونج بالمدرسه والامتحانات
نيفين : كولش زينة ودرجاتي كولها عالية
ابو نيفين : اي عفيه بسباعيه مالتي هيج اريدج اريد افتخر بي وارفع راسي واكول بنتي صارت مدرسة
نيفين : اي ان شاء الله بابا
ابو نيفين : اي حبيبتي شنو الموضوع الي ردتي تحجين بي اجتي نيفين
نيفين : مدري ليش من بابا حجه هيج بطني كامت توجعني وصارت بيه مغص ضجت حيل
ام نيفين : تعرف بنتك كبرت وحلوت وعليها العين واليوم اجوني خطابة عليها
نيفين : اوووف عرفت اكو شي يضوج هسه الا كدامي تحاجيه والله اخجل شسوي هسة نزلت راسي استحي من بابا حيل
ابو نيفين : اي بيها الخير منو همه منين أهلهم خوش ناس الولد شيشتغل
ام نيفين : همه مو غربه ابن اختي امير ولد ونعم الأخلاق ومثقف وحلو وخريج وعنده وظيفه والولد يشتغل وره الدوام وشايل مسؤوليه اهله وما منه عيبه
ابو نيفين : والله والنعم منه ومن أصله خوش ولد واعرفه واعرف أخلاقه اهم شي موافقه نيفين
ام نيفين : يعني انته موافق
ابو نيفين : اي اكيد موافق الولد ما ناقصه شي.. باباتي نيفين انتي موافقه؟
نيفين : لا بابا ما أريده اريد اخلص دراستي
ام نيفين : ابو احمد همه كالوا عادي تخلص دراستها يمها الولد يحبها ويموت بيها ومستعجل ميريد احد يخطبها
ابو نيفين : اني ما أجبر بنتي على شي هيه بقت بكيفها ماطول ماعاجبها هاي هيه سدي الموضوع
نيفين : ايي فديتك بابا حبيبي همزين سد الموضوع
ام نيفين : هاي هيه حبيبي باجر اخابرهم واكلهم البنيه ماموافقه ما الكم نصيب يمي
ابو نيفين : الله يرضى عليج يالغاليه
ام نيفين : ضجت حيل بنتي متعرف مصلحتها بس شسوي هيه بعد قسمه كملنه عشه ورحت خابرت اختي خلي أكلها هسه احسن على شنو باجر اخابر ف دكيت عليها
ام نيفين : هلو حبيبتي شلونج
خاله نيفين: هلا خيه بخير الحمد الله وانتي
ام نيفين : زينة الحمد لله.. اكلج خيتي البنية ما موافقه ما الكم قسمه يمنه بعد كلشي قسمه ونصيب