#عائلتي جنتي وناري
#للكاتبه ام النون
#البارت الواحد والعشرون
حوراء : انته عليك الصافي معليك
امير : ماشي نشوف شراح اسوين
حوراء : هههه راح اشوف عن قريب
امير : حسيت وره كلامها مصيبة الله اليستر من تفكيرج يا حوراء لتوكعينه ابلاوي متخلص
حوراء : هسه الدنيا صارت حلوة وياي خلي اروح اخابر ياسر واكمل الخطة مالتي ما اريد ذيج الحية تسبقني وتتشكيله وتأخذ حلالي وحلال بناتي
ام تماره : مرت ايامي طبيعيه ومثل كل يوم اروح لدوامي وانظف البيت وإداري امي واقري تماره ومرات اباوع مسلسلات َوالعصريات نطلع نتمشى للمتنزه نأكل موطه او نتعشى بره حتى اغير جو لان نفسيتي حيل تعبت من التفكير يا ترى شناويه حوراء اسوي
حوراء : خلي اخابر ياسر... الووو
ياسر : هلو شلونج
حوراء : بخير الحمد الله
ياسر : احس عندج كلام احجيه
حوراء : اي عندي
ياسر : سولفي اسمعج
حوراء : اني قررت قرار واتمنى تحترم قراري ومتعارضني
ياسر : ممكن اعرف شنو القرار
حوراء : اني قررت ننفصل لان اني ما اتحمل هلكد بعيد عني وعن بناتي الي محتاجاتك بي وانته بالسنه مره تجي يومين وتروح ششوف منك
ياسر : انتي على يا اساس اخذتي هل قرار وحدج وشلون هيج تفكرين هاااا ومنو سمحلج؟؟ ليش هو اني عايفكم بأرادتي لو بكيفي؟ اذا انتي بهاي محنتي ما وكفتي وعفتيني منو يوكف وياي؟ والبنات مافكرتي بيهم من راح ننفصل شيصير
حوراء : كل هذا الحجي ميفيدني وميصرفلي.. ياسر اني اخذت قراري وباجر اروح للمحكمه ونطلك
ياسر : ماشي حوراء ماشي
حوراء : اوكي.. شو ماكو صوت الووووو ياسر الووووو يااا هذا شبي سد الخط بوجهي عمت عينك كشره خلصت منك ايي واخيرا راح اسوي الي براسي خلي افرح واتونس وما اخلي احد يعكر مزاجي اذا ما اطردج بالشوارع يا نيفين اطلع مو حوراء الا اذلج واخليج تتوسلين بيه ههه خلي اروح افرح امير وياي
امير : ها ولج شو فرحانه والضحكه تارسه وجهج مو من عوايدج جنت كل ما اشوفج جنج ارمله شصاير
حوراء : فرحانه يخوي فرحانه
امير : دوم الفرحه بس شصاير!!!
حوراء : خابرت ياسر وطلبت منه الطلاك
امير : يااا ليش وشراح تستفادين على أقل جاي ينطيج مصرف واذا طلكتي منو الج هاي اني شوفت عينج شغلي على كدي يا دوب مكفي أطفالي
حوراء : وتتوقع اختك هيج زوج وثولة تطلع منه بلوشي لا حبيبي متوهم هههه
امير : شراح اسوين لعد
حوراء : راح اطلب الطلاك منه والسبب عايفني وعايف بناتي وبما انه هو بالخارج وشهادته عاليه راح يدفع نفقه اكثر اليه وللبنات وراح اعيش ملكة وما احتاج لأي أحد ومنا هو عنده اثنين بيوت اكله للقاضي ماعندي مكان اروح بي اني وبناتي وهو متمكن وعنده خلي يسجل البيت بأسمي حتى اكدر اعيشهن مع دموع مال تماسيح وكيد النساء واربح القضيه
امير : شنو هل عقل الي شايلته ارفعلج القبعه واني وياج بكلشي اسويه
حوراء : اني اريد منك شغله وحده وبس
امير : شنو كولي
حوراء: من باجر اروح للمحكمه اطلك من ياسر انته روح هم سوي دعوه وطلك هاي الفكر نيفين حتى نخلص من هل عائلة التعبانه وهم من راح اخذ البيت راح ابهذلها لنيفين واذيها بحلال اخوها الا اخلي تطلع من البيت بليله سوده وظلمه وبدون متأخذ ولا حاجه من البيت الا انتقملك منها
امير : عشتي على هل تفكير وادللي من باجر امشي بالإجراءات حتى اطلكها واخلص منها
حوراء : عفيه بعضيدي
امير : اعجبج
حوراء : هههه ملعون
ام تماره : جنت نايمة وماحسيت الا اندكت الباب ب ١٠ الصبح جان دوامي ظهري بالمدرسه ف اتأخر بالكعده كوه جنت فاتحة عيني رحت غسلت بسرعه ولبست شال وطلعت لكيت ولد شاب يطلع بنهايه العشرينات
ام تماره : ها خويه اتفضل رايد شي
الولد : انتي نيفين
ام تماره : اي اني... خير اكو شي؟؟
الولد : هاي ورقه استدعاء من المحكمه لتكمله إجراءات الطلاق من زوجج
ام تماره : ماشي مشكور اخويه
الولد : العفو
ام تماره : عادي ما اتأثرت ولا انصدمت شمرت الورقه على ميز الطعام وخليت ايدي على راسي محتاره شسوي اجتي ابالي شغلة الي خططتها على حوراء يووووه شلون نسوه راح اخذ اجازه من الدوام الي ولتماره حتى اروح اكمل الإجراءات لان خابرني ياسر وكال حوراء طلبت الطلاق ما اخليها تتهنى بل ابالها رحت كعدت امي أدير بالها على تماره بين ما ارجع بدلت بسرعه وأخذت الأوراق الي محتاجتها وطلعت
امير : الووو حوراء كملت الإجراءات بقه بس جلسه نطلك وهاي هيه بس الجهال خلي انطيهم لنيفين ترى والله تعبت منهم
حوراء : انته اظل طول عمرك غبي ومتفتهم ذوله اصلا كنز وورقه رابحه نلعب بيها على نيفين ونحرك گلبها بيهم شلون ننطي هذا الكنز الها حتى تستغلك بي وتلعب علينه وتأخذ الأول والتالي
امير : اي والله صحيح شلون راحت من بالي
حوراء : اظل اعلم بيك اني؟؟
امير : لا هاي هيه لو تموت ما انطيها الجهال.. بس الجهال كبروا وافتهموا واخاف يختارون امهم هناك بالمحكمه لان لازم يجون ويانه من نطلك
حوراء : معليك حبيبي خليها شغلتك يمي اني كرهتهم بيها وعبيت براسهم أشكال حجي عليها اصلا لو شكد ميحجون وياهم ماراح يقتنعون وراح يظلون يمك
أنت تقرأ
عائلتي جنتي وناري
Roman d'amourخلافات بين الام والاب وانفصالهما كان سبب في ضياع وتشتت العائلة فهل سيعود لم شمل العائلة ام تبقى العائلة مهزوزه
