عائلتي جنتي وناري

البارت السابع عشر

#عائلتي جنتي وناري

#للكاتبه ام النون
#البارت السابع عشر

ظلينه كل يوم مشكلة على نفس الموضوع وأمير صار يشرب ويدخن لدرجة مو طبيعية صار انسان ثاني عبالك مو بشر حيل متوحش واناني ومتسلط صار مدري شنو الي خلاه هيج يتغير لهاي الدرجة ماجنت راضية بهاي وضعيته بس تحملت لخاطر جهالي إلى أن اجه امير بيوم من الايام العصر من الشغل ضايج
امير : ها شقررتي
ام تماره : على شنو
امير : شوكت ترجع امج لبيتها
ام تماره : هاا صارت امج يعني مو خالتك هيه
امير : بلة لغوه وكلامي لتكسريه ترجع كتلج ترى اتحملت اهواي
ام تماره : ليش شمسويتلك هيه بشنو مأذيتك
امير : يعني كل هل تدخلات بحياتنه وادقق بأصغر تفاصيلنه وتكليلي شمسويتلك
ام تماره : هاي امي الي ربتني وتعبت عليه شلون تريد مني اعوفها وحدها مستحيل اسوي هل شي
امير : اهااا يعني تكسرين كلامي مو
ام تماره : اي طبعا وغصبن عنك امي تبقى فهمت لو لا
امير : لسانج طولان ويرادله كص وفوكاها تعلين صوتج عليه مو
ام تماره : ما حسيت الا ضربني راشدي وبدة يضرب بيه اجتي امي للغرفة على صوت صياحي رادت تفاككنه وجان امير يدفعها حييل ووكعت رحت ركض اشيلها الله لا يوفقك يا اميرجان واضح الشر والحقد بعيونه كمت وديتها للمستشفى عامودها الفقري والحوض كلش متأذي وره شكم يوم طلعتها من المستشفى ورجعت للبيت وجنت مأخذه قرار مستحيل يبقى امير على ذمتي لو يظل بس هو وصلت بي الدرجه يمد ايده عليه وعلى امي الي هيه خالته شكد نذل وحقير كادر بس على النسوان اني الك ظليت متماسكة وقوية  بس حسيت صدوك امي كبرت وبعد ما بيها حيل اختنكت حيل اوووف ربي فرجك عليه شلون بيه تعبت من الهم والقهر جهالي همه الي كسروا ظهري والا منو تكدر تعيش ويه امير...ياربي باوع على أطفالي ما الهم غيري بهل دنيا قويني حتى اكدر أعينهم واظل سند الهم لان حيلي راح تعبت من القهر بعد ما اتحمل والله ظليت احجي بقلبي وابين طبيعيه حتى ما احسس امي لان حالتها تعبانة ومنا عفت الجهال وحدهم اكيد مقهورين اكثر مني بس شبيدي عليهم هذا هم حظي عفت امي ورحت للبيت ردت اخذ غراضي وجهالي واروح بمكان ميندله امير ما اريد اشوفه بعد ظليت افكر بالجاي وشراح يصير وياي بعد وشنو راح اسوي وحسبه تجيبني وحسبه توديني وصلت للبيت لكيت امير والجهال موجودين
امير : شعندج جايه بعد مو اخذتي امج بعد ماعندج شي يمنه
ام تماره:  جان جو الحزن مغيم بعيونهم  الي ما جانت مفهومه جانوا محمليني الذنب واللوم بس اني شنو ذنبي شنو الي بيدي وما سويته الهم مو بس اني غلطانة هو هم غلطان.. عبالك جهالي اعوفهم بعد واخليهم الك بأحلامك تحلم
امير : جهالي يبقون يمي غصبن عنج وعن اهلج
ام تماره : ردت ارد عليه وما حسيت الا بنتي رنا تصيح عليه
رنا : امشي طلعي وعوفينه وحدنه شعندج يمنه بعد انتي لو تحبينه جان ما عفتينه ورحتي كل هل سنين
ام تماره : اني عفتكم لو ابوج الي جان حارمني منكم اني لجنت اتوسل بي حتى بعد اشوفكم اني لو صدوك عايفتكم جان ما طاح حظي هسه ورجعت مره ثانية لخاطركم ما ردت احرمكم من لمه العائلة ومن ابوكم هيه هاي جزاتي
امير : بطلي اضحكين على الجهال بهاي سوالفج واسوين روحج المسكينة وتخليهم يتعاطفون وياج اني ما منعتج منهم انتي ما جنتي تسئلين عليهم
ساره : عوفينه وروحي منريدج بعد.. انتي متحبينه بس بابا يحبنه
مهيمن : اسكتن وامشن فوتن جوه بالغرفة... خليهم يتفاهمون بيناتهم
ام تماره : حيل انصدمت من حجي بناتي هذني الي قطعة من روحي هيج يحجن معقولة عبالهم اني بأرداتي عفتهم حسيت الدنيا افترت بيه جان موقفي حيل صعب ما عرفت شسوي
امير : سمعتي الي ردتي تسمعيه وهسه روحي يلة
ام تماره : ما توقعتك نذل وخسيس لهل درجه محقدين جهالي عليه  من الله لا يوفقك لا انته ولا اهلك عساها بصحتك وبعافيتك عساك متتهنى بحياتك.. حسبي الله ونعم الوكيل عليك يا امير
امير : يلة يلة فضيني اخذي غراضج واطلعي منا
ام تماره : ماشي يا نذل الا اخذ جهالي منك ما اعوفهم الك
امير : ههههه نسيتي علاقاتي ويه الامريكان محد يكدر يحاجيني شي لا انتي ولا عشرة مثلج وذيج المحكمه واشتكي
ام تماره : الله على ظالم... رحت لميت غراضي وأخذت بس تماره وياي محد رضى يجي لان خوش معبين براسهم عليه الله لا يريحهم كملت ودا اطلع وصاحني امير
امير : قبل لتروحين اريد اكلج كلمة
ام تماره : كول
امير : انتي طالك
ام تماره : متوقعة النذالة والحقاره منك مو شي جديد بس حوبتي ماراح تتعداك ان شاء الله
امير : ورقة طلاكج باجر توصلج
ام تماره : اسوي فضل حتى اخلص منك.. طلعت من عنده واني شابعة قهر وبجي ليش هيج يصير وياي اني شسويت جواك يربي حتى تعاقبني بجهالي ليش ميريدوني واني كل الي دا اسويه لخاطرهم تالي تعبي كله يروح اختنكت حيل وأثار ضرب امير جان مبينه بوجهي وبجسمي الله لا يوفقه حرگ قلبي وكسرني وحتى خالتي الي مسوية نفسها تحبني وتحب امي طلعت حية ومن جوه الجوه تحقد جهالي عليه وتكلهم اني ما احبهم وعفتهم بأرداتي شدعيلج عساج بمرض متكومين منه ورطتيني بأبنج