عائلتي جنتي وناري

البارت الرابع عشر

#عائلتي جنتي وناري

#للكاتبه ام النون
#البارت الرابع عشر

اجيب الغده واجي.. شوية احجي وياها حتى تلتهي
ام نيفين : ماشي يمه
ام تماره : رحت جبت الغده واكلنه سوه ورجعت امي تسولف وتضحك وياي يعني اتقبلت الموضوع بعد معاناة الحمد لله ولو كل شوية تذكر واضوج بس شسوي بمرور الوقت راح تنسى اكيد صار الصبح وخابرت على ابو منتظر وخطية الرجال وكفلي وكفه ما انساها لما هو جان ما ادري شصار بيه اجه ورجعنه للبيت ورجعت الحياه طبيعيه كمت اروح الدوام وارجع للبيت تنظيف وتركيب وإداري امي وباقي وقتي ويه تماره طبعا بهاي الفتره امير جان كوة والا بالمحاكم وارفع دعاوي يلة يخليني اشوف أطفالي شلع قلبي حيل وهم يخليني اشيط واحرك بروحي حرك والقاهرني اكثر تماره بدت تفهم وتكبر وهيه متعرف اخوانها ولا ابوها ولا شايفتهم اصلا حتى همه ميعرفوها ولا شايفيها حتى بالجذب ميسئل عليها والنفقه كوه ينطيها لان أموره صارت تعبانة من بعد السقوط مرت ٤ سنوات اسرع من سرعة البرق ما حسيت بيها وحبيبتي تماره صار عمرها ٥ سنوات بس جانت تفتهم وواعيه تعرف الحجي بس جنت احاول اخفي عنها هل موضوع ما اريد تدمر طفولتها وتعرف اشياء اكبر من عمرها ف اغلب الاحيان اتصنع الضحكة والفرحة والراحة لخاطرها بس من قلبي مشتعلةبنار والتفكير ب مستقبلهم ومستقبلي وياهم كاتلني حيل بس ذابه حملي على الله هو أعلم بحالي ووضعي واكيد راح تفرج عليه

بسنه ٢٠٠٧
جنت كاعده وكالعاده رجعت من الدوام ودا انظف بالبيت واندكت الباب امي صاحت عليه حتى اكوم افتح الباب
ام نيفين : نيفين كومي شوفي منو على باب
ام تماره : اي يمه هسه كمت.. رحت فتحت الباب وجان انصدم بخالتي ام أمير جاية طبعا من اطلكنه اني وأمير لحد الان ما شايفته جانت تستحي اشوفني واشوف امي بعد سوايت امير وياي كولش اتفاجئت من شفتها وبعد هل سنين كلها اجتي وشعجب اجتي وليش خاف جهالي بيهم شي عزززه لا ان شاء الله ما بيهم شي الف فكره وفكره اجتي ابالي طبعا فتحت الباب وظليت صافنه عليها
ام أمير : شو ما راح اسلمين عليه ما مشتاقه لخالتج اعرف امير اذاج واني كل هل سنين مستحيه اباوع بوجهكم بس اني ما الي ذنب بالصار يمه
ام تماره : كبل رحت بحضنها وبجيت خالتي حبيبتي شلون ما مشتاقتلج بس شفتي امير شسوه بيها شفتيه حتى جهالي حرمني منهم وميخليني اشوفهم تقبليها انتي مو حرام عليه
ام أمير : والله يقلبي ما راضيه شكد احاجيه واكوله حرام عليك لتحرم ام من ظناها بس تعرفين امير راسه يابس ويعاند ويمشي كلمته يريد..حتى يكسرج بيهم بس والله ما راضيه بلي جاي يسويه وكتله ما راضيه عليك لا دنيا ولا آخره اذا متخلي نيفين اشوفهم
ام تماره : ظلينه نبجي على باب اني وخالة... تعالي خالة نفوت جوة ونحجي
ام أمير : ماشي يمه
ام نيفين : ها يمه منو على باب
ام امير: هلا يا بنت امي وروحي وقطعة من قلبي شلونج... خيه اعذريني حكج على راسي ما جاية عليج كل هل سنين بس شلون اجي واخلي عيني بعينج بعد ما سود وجهي الميخاف من الله مالي عين اجيج حبيبتي سامحيني
ام نيفين : هلا يروحيتي... معذوره خيتي الصار صار بعد واحنه ما بيدنه شي بس بعد لتكطعين بيه
ام تماره : ظلت امي وخالتي يبجن سوه ووحده تعاتب الثانيه لان مو شوية صارلهن ما مشاوفات صار ٥ سنوات بسبب امير شدعي عليك
ام امير : حبيبتي سمعت ازوجتي شلون زوجج وياج
ام تماره : بقيت اسولفله شلون عرفته وتزوجت ومن اطلكنه وهم خطية حيل انقهرت عليه وامي منا كوه نست وهم ظلت تتشكى لخالتي وجان بجت تماره جانت كاعده خايفه من النوم
ام أمير : هاي صوت منو الطفل بالبيت.. ام تماره : يااا خاله هاي تماره نسيتيها
ام أمير : يمه صلوات على نبي شلون كبرانه ماشاء الله صدقه لله ذاك اليوم جانت طفلة بالكماط جيبي اخليها بحضني وابوسها خلي اشبع منها
ام تماره : شنسوي الايام دا تركض ركض يا خاله.. ظلت تسولف ويه تماره بس جانت تماره حيل مستغربه منها وبس تبجي لان متعرفها ولا شايفته اصلا سئلتها على أطفالي وكالت زينين الحمد الله ظلت ساعتين وراحت ومشت حياتي طبيعيه وظلت خالتي هل فتره تروح وتجي علينه يوميه واني جنت كلش مستغربه كثرت جياتها علينه بس اكول خاف علمود اشوفنه او اشوف تماره بعد ما علاقتنه تحسنت بخالتي بده امير يلين شوية من عرف هم اطلكت وكام يخليني اشوف الجهال على راحتي وشكد ما اريد وجنت متفاجئة من تصرفه لان امير ميتنازل بهل سهولة والسرعه حسيت اكو شي وره هل تنازلات بس ما اهتميت كلت خاف خالتي دا تحاجيه وتقنعه ماجان ابالي غير بس انه يخليني اشوف جهالي ميهمني بعد اي شي ف بيوم من الايام اجتي خالتي علينه
ام أمير : هلا حبيبه شلونج
ام تماره : بخير الحمد الله وانتي
ام أمير : على الله... اليوم جايتج بموضوع بس اسمعيني للأخير ولا اجاوبيني الا اكمل
ام تماره : شنو خاله اتفضلي
ام أمير : زاد فضلج حبيبتي
ام أمير : وين امج خلي تجي أريدها تسمع وياج
ام تماره : دا اصلي خلي اكوم اصيحها
ام أمير : صيحيها يمه بسرعة
ام تماره : حاضر خاله.. ظليت محتاره شنو هل موضوع