عائلتي جنتي وناري

البارت الرابع

#عائلتي جنتي وناري

#للكاتبه ام النون
#البارت الرابع

نيفين: انصدمت من كال احبج خجلت حيل وتوترت ف كبل عفته ورحت
امير : السكوت علامه الرضا هههه
نيفين: رحت رجعت يم امي وخالتي بس ظلت هل كلمه ابالي ما ادري شعور غريب من اذكرها افرح واروح بغير عالم رجعنه للبيت وبديت اقره واتعب وامي ماقصرت مني خطيه الشغل كله عليه وما خلتني اشيل الورده من الكاع ظليت بس اقره وبس كاعده بغرفتي ما اطلع منها مرت الأربعين يوم بسرعة ماحسيت بيها طبعا ب الفتره امير ابد ما اجه بس جان يدز سلام بيد خالتي ف امتحنت وكملت الامتحانات وجنت منتظره النتيجه
نيفين: كعدت من الصبح جنت خايفه حيل من النتائج اخاف ما اطلع المعدل الي أريده كمت بدلت بسرعة حتى اروح اجيب النتيجه مالتي
ام نيفين : الله يوفقج وينجحج بنيتي... بكل صلاه ادعي ربي يسعدج ويهنيج
نيفين : بست راس امي الله لايحرمني منج ست الحبايب اتفائل بدعواتج الي احس الله راح يوفقني راح اروح ماما ادعيلي لان حيل خايفه
ام نيفين : اكيد يمه ادعيلج
نيفين : طلعت كبل للمدرسة قبل جنه نروح للمدرسة نستلم مو مثل هسة كلشي صار على النت وعلى حاضر ف جنت منتظرة دوري وأخذت كتبي وياي حتى اسلمهن ف بدت المدرسة اذيع بل اسماء واني جسمي وقلبي يرجف وخايفة برغم اني مجاوبة ف ناس نجحت وفرحت وناس كامت تبجي ورسبت واني ايدي على قلبي منتظره دوري وادعي بقلبي الله لا يضيعلي تعب وغمضت عيني ف كبل كالوا نيفين كبل فتحت عيني الف مبروك ناجحه بمعدل ٧٨ طرررت من الفرحه ما مصدكه ما مصدكه نجحت كبل اخذت النتيجه وذبيت الكتب رحت ركض للبيت ابشر ماما وبابا واخيرا خلصت من التعب ف دكيت بابنه حيل وأصيح ماما افتحي الباب اني نجحت
ام نيفين : جنت كاعده اسوي بالغده وماحسيت الا الباب تنركع حيل كمت بسرعه وكف قلبي عبالي صاير شي جان طلعت ولكيت نيفين بالباب
نيفين : ماما نجحت باركيلي ومعدلي ٧٨
ام نيفين : حبيبتي فرحتيني الف الف مبروك رفعتي راسي تعالي ابوسج خلي يجي ابوج حتى ابشره
نيفين : جنت فرحانه حيييل وكل شويه اباوع على النتيجه بس ظل بالي يم امير معقولة مادره اني ناجحه ليش لحد الان ما اجه مو من عوايده صارالليل اجه بابا وبشرته وفرح حيل وجابلي هديه كلاده ذهب ناعمه بسته واشكرته على هديه ف ثاني يوم اجه امير فرحت حيل بجيته عكس كل مره وباركلي وجابلي سلسله ذهب على شكل فراشه حيل حلوة عجبتني ورجع خطبني من اهلي وطبعا بعد معاناه طويله لان بابا رفض شلون اخلص كلية وازوج وافق وطلعتي كليه تربيه قسم فيزياء الحمد لله حققت طموحي ازوجنه اني وأمير وجنه بدايه زواجنه حيل مرتاحين وسعيدين حالنه حال اي زوجين وهو جان زين وياي برغم تسلطه عليه وقوه شخصيته وحسيت بي سلبيات عدم التنازل بس جنت احبه واني هم عندي سلبيات ما اتفاهم وما اتنازل ف جنه متقبلين عيوب بعض بس بمرور الايام بدينه نتغير وبدت المشاكل وره ما ازوجت وصرت حامل ابنتي رنا   لان جنت اداوم كلية وتعب عليه وارجع اشتغل وهو يريدني يمه يعني جنت بين ما اكمل شغلي اسحل روحي سحل للفراش ف بده يتذمر وبدت منا المشاكل ف جان يصير عصبي بسبب اهمالي اله من وره مسؤولياتي واني جنت اجاوبه وما اسكت من يحجي مدري ليش جنت احاول أبين اله قوية واعانده وما اتنازل ابد وأحيانا افتهمه بس بسبب سيطرته ويحب يمشي كلمته عليه جنت اضوج لان مدلله عند اهلي جنت ومحد يمشي كلمته عليه ف هذا الشي حيل جان يزعجني مرت الايام وكملت اول مرحله وجبت بنتي وجانت احلى شي يصير بحياتي كلش حلو شعور الامومه روحي جانت متعلقه بيها وكذلك امير هم جان يموت بيها وبعدها حملت ابنتي ساره من صرت مرحله ثانيه طبعا المسؤوليه صارت صعبه وثكيله عليه وابد ما جانت حياتنه تخلى من المشاكل بالعكس زادت وبده امير يتمادى اكثر عليه ما اعرف شنو سبب تحوله بس اني ابد ما جنت اسكتله ونرجع هم نتراضى اهله دائما يدخلون ويحاولون يرضونه بعدين صرت حامل بأبني وفد مره تعبت كمت ما اتحمل اي تصرف من امير لان جان ابد ميحس بيه فوك مسؤوليتي ودوامي والجهال والبيت هو يدور اهتمام مني وابد ما اتحمل ابد المهم كملت كليتي على خير وارتاحيت كلت واخيرا راح اخلص واتفرغ لبيتي وللاطفال ولزوجي واجل فكره التعيين لان جنت ما اريد اقصر بعد أكثر من بيتي وزوجي وبرغم كل هذا ما اتغير شي من امير بالعكس جان حياتنه تزداد سوء يوم عن يوم ومشاكل ومحد يطيق الثاني والجان مصبرني بناتي وابني الي جاي بالطريق ما اريدهم يتبهذلون ويربون بدون اب بده يرفع صوته ويشتمني ويسوي مشكلة على ابسط شي ما جنت اعرف ليش هيج دا يسوي بعد هل حب هذا معقولة هيج يأذيني بدت تتعب نفسيتي حيل كل يوم مشاكل وبدوا أهلي يدخلون بيناتنه وأهله ف بدت علاقتنه تخرب اكثر واكثر ف كمت افكر انه اطلك وانفصل عنه لان حسيته ماراح يتغير وماراح نتوالم اني وياه اني مستحيل اطخ راسي اله واتنازل ولا هو فقررت اطلك منه بس دائما جنت انطي فرصه مرت الايام وجبت ابني وسميته مهيمن فرحت بي حسيته سندي الي راح استند عليه من يكبر