عائلتي جنتي وناري

البارت العشرون

#عائلتي جنتي وناري

#للكاتبه ام النون
#البارت العشرون

ومرتب من يمج وقنعيهم وليني گلبهم ترضين ولد اخوج يتبهذلون
حوراء : لو تموت ما احاجي اهلي ولا أخوية خلي تولي.... لا حبيبي طبعا ما ارضى خليهم عليه اني اقنعهم وان شاء الله يرجعون
ياسر : وهذا اخوج كوليله يجر عدل ويه اختي لا اجي للعراق اطيح حظه ترى اذاها اهواي
حوراء : يعني اختك لو ممسويه شي جان ما اذاها ولا اخذ جهالها بس اختك هم متكعد راحه
ياسر : لتحجين على اختي افتهمتي لو لا لما اخاف على جهالها وما اريد يربون بعيد عنها  وما اريد مشاكل اصيرجان ولا خليتها ترجع لااخوج وسدي الموضوع يلة
حوراء : مشتاقتلك حبيبي محتاجه فلوس دزلي مجاي يكفي الي جاي ادزه الي
ياسر : مو قبل أسبوعين دزيتلج فلوس ترى كل الي عندي جاي احوله الج حتى باخل على نفسي وجاي اصرف على كد الي احتاجه وهنا كلشي غالي شدزلج بعد ما اشبعين فلوس انتي
حوراء : قابل شطالبه منك وهو الي جاي اصرف لو بناتك يحتاجن
ياسر : ترى جاي احولج مليون وشويه بالشهر راتب موظف وين جاي توديه والبنات صغار
حوراء : لعد عبالك اخليك تروح هيج الا اخذ كلشي عندك واخليك على حديده.. شسوي يا حبيبي غير احتاج فوك ما عايفني ومتحمله هيج تحاجيني
ياسر : قابل رايح اتونس لو رايح اشتغل واكون نفسي علمودج وعلمود بناتج
حوراء : احسن روح خلصت منك... اي حياتي ادري معذور
ياسر : اليوم روحي انطي المفاتيح مال بيتنه لنيفين خطيه ليش كاعده بالايجارات ومتبهذله حرامات البيت يبقى فارغ على أقل تكعد بي راح انطيج عنوان شقتها
حوراء : شنوووووو كل عقلك انته!!! شنو تكعد بي مو بيت اهلك موجود مو عدها راتب شعندك تكعدها ابيتك وثاني شي اني اريد ارجع لبيتي قابل اهلي شكد يتحملوني وانته جيتك تتأخر
ياسر : شبيج تخبلتي؟؟ وانتي شعليج ليش تدخلين بيني وبين اختي؟ هذا بيتي واني حر بي ومن شوكت تعوفين اهلج انتي مو جنتي خابصتني يوميه وديني لااهلي عود اذا ضاجوا منج بيتي الثاني موجود روحي كعدي بي ومصرفج جاي يوصلج كل شهر لا اطلعين حجج
حوراء : ماشي نيفين تخططين من ورايه الا اطين عيشتج واطفرج من البيت واخلي جهالج يموتون منج بسيطه.. ماشي يروحي براحتك
ياسر : اي عفيه هيج اريدج
حوراء : احبك ايسوري
ياسر : اموت بيج حبيبتي... ديري بالج على نفسج راح اروح
حوراء : ماشي حبي وانته هم
ياسر : مع السلامة
حوراء : الله وياك
ام تماره : جنت كاعده اقري بتماره وما احس الا الباب اندكت قوي كلت بگلبي ياستار شصاير منو اجه كبل فتحت الباب جان شفت حوراء
حوراء : ها يا الحيه ما كفاج بيت اهلج وراتبج والنفقه الي ينطيها أخوية الج اجيتي عليه ركض تريدين تأخذين البيت مني
ام تماره : ظليت صافنه عليها هاي شبيها على شنو دا تحجي..  هييي شبيج جايه هداده
حوراء : غير تريدين تبوكين حلال رجلي عبالج اعوف البيت الج ترى حتى اخوج ميهمني وباقيه وياه علمود فلوسه وبيته وهسه انتي تريدين تأخذين البيت يعني عليه وعلى أعدائي وخري من طريقي لا أعرف شلون ازيحج واطيح حظج
ام تماره : احترمي نفسج احسلج لا امسح بكرامتج الكاع هذا بيت اخويه مو بيتج من اكعد ابيتج وابيت ابوج لو اخوج الخبل عود تعالي هداده واحجي
حوراء : ماشي اشوفج اني منو يا نيفين اذا ما عيشتج بكابوس وحقدت جهالج عليج وكرهتج بعيشتج اطلع مو حوراء
ام تماره : ايدج الج شسوين سوي ما طول اكو رب كريم ما اخاف منج وحسبي الله ونعم الوكيل عليج وعلى اهلج
حوراء : هاج المفتاح واني الج
ام تماره : الطايحه الحظ شمرت المفتاح بوجهي... امشي بره لا اهينج هسه يلة ولي
حوراء : ماشي بعيني طلعت
ام تماره : ولي درب اليسد ما يرد.. عفيه هل عائلة كلهم مخابيل وحاقدين ما بيهم واحد صاحي وبي خير الله لا يوفقكم أن شاء الله حسبي الله ونعم الوكيل.. خلي اخابر ياسر واسولفله بالصار رحت خابرته وحجيتله حوراء شلون صيحت عليه وشحجت وسويت خطه حتى يكشفها على حقيقتها ويعرفها شكد طمعانه بفلوسه
حوراء : خلي اطلب الطلاق احسن حتى ينطيني نفقه وبالمحكمه من يعرفون عايش بالخارج وعنده بيتين اكدر اضغط عليهم بحجه وين نعيش اني والبنات وبحكم هو متمكن فيسجلون البيت بأسمي بس خلي اظل اسوي مشاكل ويه نيفين واخلي جهالها يكرهون يشوفون شكلها حتى ارتاح وطز بيهم
ام تماره : رحت نقلت الغراض لبيت أخوية ومتت تعب كوله وحدي انكسر ظهري ومنا حوراء يومية تجيني واسوي مشاكل وصوتنه يعلى بالمنطقه بس اني جنت اسكت واسايرها حتى اكمل الخطه الي ابالي الا اندمها على اليوم الي سوت بيه هيج بسيطه اني اعلمج
حوراء : هههههه جهالها يتخبلون من خيالها ومن طاريها هسه الأمور طيبه وعال العال ويوميه اسوي مشكلة وفضحتها بالمنطقه خلي اشوف شكد بعد راح اظلين صابره ومتحمله يانيفين هههه
امير : شو دا اضحكين ضحكينه وياج
حوراء : هههه راح ادمرلك نيفين واكسرها بعد بس اصبر عليه راح نضحك اهواي بعدين ههههههه
امير : اي عفيه بأختي... يلوموني من احبج
حوراء : ههههه الا انتقملك منها ومن اخوها
امير : شنو ابالج خايف من مخططاتج