عائلتي جنتي وناري

البارت الخامس

#عائلتي جنتي وناري

#للكاتبه ام النون
#البارت الخامس

مرت الايام والسنين ومشاكلي اني وأمير ما تخلص يوم حلو وعشره مر جنت احاول بكل طاقتي اتحمل سيطرته وعصبيته لخاطر جهالي بس يوم عن يوم بده صبري ينفذ اروح لا اهلي اشكيلهم ميفيد الرد جان اصبري واتحملي بس اني حيل تعبت ضاع حيلي وشبابي وياه منتراهم اثنينه نار ومشتعلة بس جنت اتأمل يجي يوم ويتغير واعيش حياتي مثل أي وحده متزوجه بس جان يصير العكس جنت اخذ احتياطاتي حتى لااصير حامل واعذب أطفالي ويه هل اب المهمل الي ماعنده احساس ظليت ٨ سنوات ماسويت أطفال جنت حيل رافضة هل فكرة ردت انه يتحسن طبعه ونتفاهم اكثر يلة افكر اصير حامل تحملت طول هل فترة اكثر من طاقتي لان أطفالي دخلوا مدراس وفرحتي بيهم متنوصف جان املي كله بيهم راح يعوضوني عن ابوهم بس اني بديت اتغير حيل صرت مستبده وانانيه وحيل تكئبت كمت اقسي حتى على أطفالي بسببه تغيرت نفسيتي وطبعي وتصرفاتي صرت قاسيه بسببه طبعا اول ما اتخرجت تعينت واعتمدت على نفسي لان ما احب احد يتحكم بيه كمت اني اصرف على نفسي واطفالي حسيت ما احتاجله بعد بس يبقى زوجي وابو أطفالي واحبه ب ٢٠٠١ صرت حامل حيل ضجت ماجنت اريد أطفال ما اريدهم يتعذبون اكثر كافي اني حايره وخايفة على مستقبل رنا وساره ومهيمن بس كلت رزق الله هذا غيري يتمنى هل نعمة وكلت بلكي على عين هل طفل حياتنه تتغير واصير زينة ف بالاشهر الأولى صارت مشاكل بيني وبين امير قوية بس هل مره تختلف عن كل مره قررنه انه ننفصل احسن النه اثنين لان أطفالي بدوا يتعقدون ويكتئبون من يشوفونه نتعارك وأكثر شي جان يقهرني يصيح عليه ويشتم كدام أطفالي جنت اشوف الخوف بعيونهم ومن يروح ابوهم يجون يحضنوني ويبجون ماردت اعيش نفسي واعيشهم بهل ظيم والقهر ف جنت منتظره اولد بالسلامه وننفصل عن بعض طبعا الاهل هم اعترضوا وحاولوا يدخلون يصالحونه اهواي بس اثنينه جنه معاندين ومأخذين قرار خلاص نطلك اول ما اجيب جانت اسوء ايام حياتي اعيشها جنت افكر شلون راح تكون حياتي الجايه وشلون راح اربي أطفالي وكلام الناس وأهلي واهواي امور جانت متعبتني بس جنت اريد بس اولد حتى اتحرر من هذا السجن الي جنت عايشته ويه امير صرت بالتاسع وولدت بنوته تجنن سميتها تماره جانت تشبهني حيل روحي صارت بيها بس من اذكر راح نطلك اتعب شلون ب مستقبلها شلون راح تكبر واربيهم وحدي وبلا اب جانت مسؤوليه كلش جبيره وخطوه صعبه وجبيره بس مهما يكون أفضل من العيشه ويه امير وره ايام اتفقنه نروح للمحكمه ونطلك وجان انصدم بكلام امير
امير : نيفين اسمعي مستحيل اخلي الجهال يمج اذا اطلكنه
نيفين : ليش من شوكت انته مهتم الهم وحابهم
امير : اكو اب ميحب جهاله
نيفين : اي اكو انته لو تحبهم فعلا ما جانت اسوي هيج طول هل سنين اني وياك ب الحلوه والمره وانطيتك الف فرصة تتغير حتى نعيش حالنا حال هاي الناس وكتلك كافي مشاكل الجهال كبروا وكاموا يفتهمون بس انته ظليت بلا احساس وعفت مسؤوليه جبيره عليه صرت الهم ام وأب وتعبت بيهم وانته بكل سهولة تريد اتنازل عليهم وانطيهم الك
امير : اني ما اريد جهالي بعيدين عني
نيفين : ولا اني
امير : والحل شنو.. نيفين احنه لازم نحاول نتفاهم لخاطر جهالنه خلي نحاول هل فتره اذا تفاهمنه نرجع
نيفين :ما ارجع خلي يظلون الجهال يم اهلي لبين ما اشوفك فعلا تغيرت عود يلة افكر نرجع واصلا عدهم مدارس منو يقريهم منو يبدل الهم ويداريهم اهلك ناس كبار ميكدرون الهم وانته ملتهي بشغلك ماراح تكدر وحدك
امير : هاي هيه اتفقنه
نيفين : راح امير واني كارهته وكاره نفسي طبعا بديت اعاني من أهلي ونظرتهم الي ك مطلقه بس ظليت صامده لخاطرهم ماعندي غيرهم بالدنيا اسمع الحجي الي يسم البدن واسكت جنت احاول أوزان بين دوامي وبينهم جنت اعوف تمارة يم امي واروح اهلي عدهم وسواس مال نظافة ف الجهال بطبيعتهم يلعبون ويوصخون هل شي عادي اجي من دوامي الكاهم يكتلون بيهم ويحيرون شيسوون يستغلون فترة غيابي بالدوام برغم شايله البيت كله اني من ارجع من دوامي وما مقصرة منهم ف حسيت بثكلي على اهلي واطفالي يفتهمون بدوا ينفرون من اهلي ومني ويريدون ابوهم ظليت محتارة لا اكدر ارجع لظيم امير ولا اكدر اظل يم اهلي واشوفهم يعذبون بيهم واموت من القهر عانيت حيل ف ظليت فتره ٣ اشهر يم اهلي واجه امير
امير : ها شقررتي
نيفين : طبعا امير هو هو ما اتغير.. على شنو
امير : خلي ننطي فرصة لنفسنه لخاطر اطفالنه ما اتحمل هيج اشوفهم متعذبين واهلج يضربوهم ترى لحد ساكت عليهم بس لان امج خالتي وكرايب وعيب اسوي عركة كدام الناس جان كلبت الدنيا عليهم
نيفين : منو كلك يضربوهم منين اجيب هل كلام اصلا يموتون عليهم... ظليت اجذب لان ما اريد ارجعله تعبت منه ما اريد ارجع لسيطرته
امير : ترى اخباركم توصلني اول بأول لا تجذبين عليه احسلج.. انطيني أطفالي ما اريدهم يظلون يم اهلج
نيفين : ما انطيهم الك وشسوي سوي.. اكو ام تكدر تعوف أطفالها ربيتهم بدم قلبي وجاي بهل بساطة تريد تأخذهم
امير : نيفين خلي نحلها ودي