عائلتي جنتي وناري

البارت الحادي عشر

#عائلتي جنتي وناري

#للكاتبه ام النون
#البارت الحادي عشر

والمسؤولية كثرت والحمل صار ثكيل عليه اني قررت انه ننفصل وكلشي ينتهي بيناتنه افضل الي والك
خالد : لا طبعا ماراح ننفصل ما اعوفج
ام تماره : هذا الشي راجعلك اني بالنسبة اليه راح أقدم على طلاق وكلشي انتهى اني ما اكدر ولا اتحمل هيج مسؤولية
خالد : معقولة هانت عليج العشرة هيج
ام تماره : اي عشره ليش وين جنت اشوفك ملتهي بسفرك وشغلك وونستك ومن تجي تريد تمشي كلمتك عليه واني اخر شي تفكر بي وعايف البيت ومسؤوليات الأطفال عليه
خالد : يعني هاي هيه مقرره ماكو خط رجعه
ام تماره : لا ماكو بعد رجعه خالد الي بيناتنه راح إنساني وشوف حياتك
خالد : كلش جان صعب عليه هل موقف وصعب انه اعوفه برغم تقصيري وانشغالاتي بس تبقى عزيزه عليه.. انتي راح ترتاحين اذا انفصلنه؟
ام تماره : اي حيل لان تعبت ومالي طاقه اتحمل أكثر بعد
خالد : تمام ماطول هذا الشي راح ترتاحين بي اني موافق
ام تماره : ماشي لعد حضر مستمسكاتك وباجر نروح للمحكمه
خالد : حاضر تأمريني بشي ثاني
ام تماره : لا سلامتك مشكور متقصر
خالد : الله يسلمج مع السلامه
ام تماره : الله وياك
خالد : باي
ام تماره : سديت الخط وجريت حسره ما اعرف احس نفسي ضايعة ما ادري الي دا اسويه غلط لو صح بس المهم اني ارتاح ما اعرف الغلط مني لو منهم بس اني انسانه متسلطه واحب اسيطر وما احب احد يتحكم بيه هذا عيبي واذا طبعي ما اكدر اغيره شكد حاولت وماكدرت بس شسوي مليت احسن شي ما ارتبط بعد ابد لان ماراح ارهم ويه اي بشر بسبب هل طبع الي بيه طبعا هاي بوقتها وره سقوط بغداد قررت انفصل عن خالد وجانت الأوضاع تعبانة حيل وبالي يم أطفالي لان امير وره السقوط أموره صارت مو زينة بس ظل معاند مينطيهم الي شكد مشتاقتلهم صاروا شباب وعين الله عليهم يجننون من الجمال واخاف عليهم من هل دنيا الطايح حظها بس شبيدي عليهم سوده عليه ما اكدر اجيبهم يمي جان جبتهم وكبال عيني وما اخليهم يحتاجون شي واصلا تعودوا بدوني بس شحجي وشكول المن اشكي الشكوى بس لله حسبي الله ونعم الوكيل بيك يا أمير واني جنت صافنه وافكر دخلت عليه امي
ام نيفين : ها حبيبتي وين صافنة
ام تماره : بهاي الدنيا التعبانة الي ما ادري بعد وين راح توديني
ام نيفين : هيه هاي الدنيا يمه يوم حلو ويوم مر وتمشي واصير سوالف
ام تماره : شو بس مرها شفت ما تهنيت بحلوها
ام نيفين : كلشي قسمة ونصيب هاي قسمتج بعد
ام تماره : الحمد لله والشكر على هيج قسمه لا اعتراض على حكمك ياربي
ام نيفين : ما خابرج خالد
ام تماره : خابرته قبل شوية
ام نيفين : بشري يمه تصالحتوا
ام تماره : لا طبعا مو كتلج ما اريده
ام نيفين : ليش يابنيتي ساعة عصبيه والرجال حجه ادري قابل ابتلى
ام تماره : ليش هيه بس مال ذاك اليوم
ام نيفين : يمه كبري عقلج صلي على نبي
ام تماره : اللهم صلي وسلم على محمد وآل محمد
ام نيفين : يمه والله الدنيا متسوى لتكبرين الموضوع
ام تماره : هو الموضوع الجبير اني شعليه
ام نيفين : بنتي واعرفج طبعج هذا مال متقبلين احد يتحكم بيج ما اجوزين منه وراح يدمر حياتج بطلي هل طبع بنيتي هاي الحياه يحتاجلها مساير وتنازل مو بس سيطره وتحكم
ام تماره : شسوي هذا طبعي مو بيدي ما اكدر اغيره شسوي
ام نيفين : لا بيدج شوية اتحملي وتنازلي الحياه مو بس عاند وكرامه
ام تماره : اني هاي هيه قررت انفصل عنه
ام نيفين : عزه العزاج هم تطلكين مره ثانيه
ام تماره : شسوي قابل بيدي هذا هم حظي
ام نيفين : انتي شبيج تخبلتي العالم شراح تكول علينه كل يوميه مزوجه واحد لا ولا أقبل كافي عاد
ام تماره : ماما بس افهميني ترى تعبت حسي بيه بعد ما اتحمل تعبت كله وحدي والمسؤولية عليه
ام نيفين : كافي تحججين انطيتج اهواي مجال مو بكيفج بعد
ام تماره : يمه بس خلي افهمج
ام نيفين : ولا افتهم روحي عني
ام تماره : هففف عافتني وراحت هسة شسوي ومنا فوك الظيم امي معاندة اني ما امشي بكيف احد ولا بمزاج احد اطلك منه يعني اطلك باجر اروح وحدي وما اكللها كأنما رايحة للدوام ومن اخلص اخليها أمام أمر الواقع
ام تماره : صار الصبح بس جان يوم مختلف احس راح ابدي بحياة جديده بس حسيت بشعور غريب بحيث كارهه نفسي واحس تايهه بهل دنيا وماعندي هدف ومستقبل وخايفة من رده فعل امي من تعرف وحجي الناس وبأطفالي شلون بيهم ووين راح توديني الدنيا بس هل مره ما بجيت ما ادري منين اجتني القوه احس خسرت كلشي وماعندي بعد شي اخسره او اخاف اخسره بأختصار فقدت رغبتي ولذتي بالحياة كمت ما احس بأي شي باوعت لجهتي اليمنى لكيت تماره مكشفه غطيتها وبسته من راسها وكمت غسلت وبدلت وطلعت وأخذت المستمسكات وصلت للمحكمه ولكيت خالد هناك بس جان مبين الحزن والسهر والتعب واضح بعيونه بس حاولت ما اركز بيهن ما اريد احن ما اريد ارجع للتعب والقهر الصار بيه يكفيني
خالد : صباح الخير شلونج
ام تماره : زينه الحمد الله وانته
خالد : على الله
ام تماره : سكتت بس ابتسمت ابتسامه خفيفه
خالد : متأكده من قرارج ماكو تراجع بعد