هو احنا عملنا ايه نقابل بيه ربنا ؟
سؤال كلنا لازم نسئلة لنفسنا
عملت ايه ؟!
صليت؟! .. صومت؟! .. زكيت؟ .. حجيت ؟
كل دا تمام
كل دا جميل 😌
- بس لو بتصلي صليت فروضك صح صليتها في معادها يعني .. صليت بخشوع طيب .. صليت وانت بتفكر في صلاتك مش في هتعمل ايه كمان شويه .. طيب صليت علشان انت عاوز تصلي وتقرب لربنا ولا صليت علشان لازم تصلي .. في فرق ؟!
- طيب صومت صح يعني مغتبتش حد .. يعني متفرجتش علي مسلسلات .. يعني محاولتش تحسب الوقت الي فاضل .. محتسبتش صيامك لوجه الله .. ولا بنصوم علشان دا لازم طبعاً نصوم في فرق ؟!
- طلعت زكاتك من غير ما تتباها بيها .. طيب طلعتها المكان الصح .. بيتهيألي لو دا حصل مكنش هيبقي في ناس محتاجه .. طيب بتزكي طول السنه ولا رمضان بس .. في فرق ؟! 👌
- طيب عملت عمره وحجيت بعد ما رجعت حسنت من نفسك .. يعني فضلت متمسك بأخلاقك وبدينك زي ما كنت المفروض تعمل ولا عملتها علشان تاخد لقب بس .. في فرق ؟!
للأسف في فرق بين كل حاجه .. خلي بالك وانت بتعمل كل حاجه علشان في شعره بين كل حاجه بتعملها حاول دايماً ماتعديهاش
#فكر_دايماً_في_ربنا_هتقابله_ازاى ؟!
هتقوله ايه لما يسئلك عن عمرك وصحتك ووقتك وجهودك وعلمك ضيعتهم في ايه وعملت بيهم ايه ؟!
هترد تقول ايه معلش يا ربنا اصلي مكنتش فاضي اصلي .. كنت بشتغل وبخرج مع صحابي بشيت علي الفيس ليل ونهار .. مكنتش فاضي اديك حقك 😢
ياه تخيل كدا نفسك والله صعب أوي اصلاً مفيش رد
هتلاقي نفسك مش لاقي رد تقوله هتبرر لمين وبأيه .. دا ربنا الي بيسئلك وبيحاسبك
وقاعدين نقول لية قلة الرزق والظلم والمرض وكسر الخاطر ووجع وفراق أعز الناس
أصلنا مش بنفكر في ربنا وناسين أننا هنقابلة
راجع نفسك خلي نقطه فاصله في حياتك .. أنك تتغير من حالك دا لأفضل حال مع ربنا ❤
#في_فرق
#يا_تري_هتقابلة_إزاي ؟
#محمود_عصام
#التزامى_حياتى
#فريق_العفة
أنت تقرأ
فريق العفة _ Effa Team 💛💗
Документальная прозаالسلام عليكم ورحمة الله وبركاته 💕 فريق العفة غني عن التعريف .. وانا بحثت في الواتباد ما لقيت كتاب عنهم .. وفي بنات ما عندهمش فيس بوك يقدرو يدخلو على مجموعتهم او صفحتهم .. انا هنقل اللي هم بينشروا ان شاء الله .. انا مش منهم ولكن كصدقة جارية لي وله...
